مساكم الله بالخير وصبحكم بمثله ان شاء الله
حبيت اليوم اكتب لكم قصيده اعجبتني ولا هو انا الي حكمت عليها حكم عليها كل من نقلها وقالها
وجزاله معناها ورعه الوصف والتشبيه وخيال شاعرها ويبي الله يعنكم على
باقولها لكم بطريقتى والي يصعب على شي ينشدن عنه
الشاعر هو سويلم العلي السهلي الله يرحمه
قصيده غزليه والقصيده مالها قصه مرتبطه بحدث ولاكن لها مناسبه عابره يعني ماحد يستغلها الا شاعر خياله واسع
رحمه الله
باذكر لكم كيف قالها وباشرح ابيتها لان معاني ابيتها غلقه شوي ولاتزين الا اذا عرفت معانيها وشرحت مااطول عليكم
الموضوع الأصلى من هنا: http://bayt.el-emarat.com/#55709#post759206
الشاعر سويلم السهلي هذا من اهل نجد ولاعمره شاف البحر حتى يوم راح للحج مانزل على جده ولاشاف البحر
لاكن انه كان مره جالس بمجلس يسلفون عن السيب والبحر والغوص واخطار الغوص والجراجير ( سمك القرش)
والاخطار الي تواجه الغواصين ومتى يرحون ومتى ينزلون قاع البحر ويسئالهم قال هالحين شلون ينزل الغواص يلقط
المحار قالو لها ايه ماهو اي واحد ينزل لان رزق ها النوخذه والي معه بالسيب على الله سبحانه ثم على هالغواص
عشان كذا لازم يختارون لهم شخصن مناسب واحد جسمه خفيف ونفسه طويل وعنده قدره انه يفتح داخل امويه
ولاينزل لا عند ماتصير الشمس واقفه يعني بكبد السما عشان يشوف داخل احيانا الغواص هذا يواجه مخاطر منهم الي
الموضوع الأصلى من هنا: http://bayt.el-emarat.com/#showthread.php?p=759206
يتلولس ( يتعلق وبنعقد ) الحبل الي رابطينه برجله ولايقدر يسبح زين ومنهم الي يتاخر داخل المويه ولايسحبونه لا هو
شارب يجي لتر من الما وياخذ يمكن ثلا اث اربع ايام اسبوع احيانا وهو بغيوبه او تعبان
ومنهم الي يواجه الجرجور وشو الجرجور قالو الجرجور هذا سمكن كبير و احنكه داخلن داخل
بارز خشمه شوي ولابغى يفترس الرجال لازم يتشقلب ويقص الرجال بس الغواص الجيد ينزل لقاع البحر ويفرك يديه بالقاع
على عشان تعكر المويه ويسحب عشان يطلعونه اسباب من الله وتنفع اذا الله اراد المهم ماطول عليكم
الشاعر الله يرحمه صوره نفسه على انه حصل له مثل هالغواص وانه واجه نفس متاعب الغوص
بس مو بالغوص بالهوى (العشق)
والقصيده تبين روعه تصويره يقول
اعقد حجاجـي لغيـره وهـو لاجانـي أفلـه=على ما قيل ما يمحى هوى الاول هوى الثاني
واهلّ الدمع من شانه واجاحد تقل مـا اهلّـه=ولا ابالي وانا المجروح وهو اللي على بالـي
الا يــا تل قلبـي تـل مـن تـل اليـدا كـلــه =تمــادى يلقط المحـــار فـي غبـات الاهوالـي
يتل السيب وامهل له ياليت السيب ما امهل له = على ما قيل يبي المال وارخص عمره الغالي
تهيا له بوسط القـوع جرجـور ظفـا ظلـه =نوى عنه المراغ ولا حصل له حيـل يحتالـي
تشقلب وانقلب له ولهبه لا شـك فطـنٍ لـه =وليٍ ينظر المخلوق من سابـع سمـاً عالـي
عجب له يوم صاح وثالث الجرجور عن حلّـه =ونتل حبل السبب والسيب جاب الغيص بالحالي
وشهق عند الطلوع وطاح من جرجور من ذله =اخذ مقدار لا يسمـع ولا يشعـر ولا يسالـي
انا قد صابني ما صـاب هـذا بالهـوى كلـه = تماديت بهواها واثر رسـم الولـف غربالـي
[/poem]
مطلع القصيده جميل ولايحتاج تفسير وكل تفسيري هذا مو قصور بفهمكم
لاكن قصدي اني اوضح روعه الوصف
الا يا تل قلبـي تـل مـن تـل اليـدا كلـه =تمادى يلقط المحـار فـي غبـات الاهوالـي
من هنا بدى ياصف عنى قلبه وان قلبه مثل قلب هالغواص بالموقف صار له
الغواص يوم يتل حبل السيب بحراه وخايف من الجرجرو وهو اول كان زي ماتقول متمادي وجايبن جهده
واصلن اقصى المحلات يبي يجيب شي يسوى او كثير يعين على اقل من مهله
تهيا له بوسط القـوع جرجـور ظفـا ظلـه = نوى عنه المراغ ولا حصل له حيـل يحتالـي
سمك القرش من كبره يوم جاه فوق الغواص كانه غيمه صار ضل عليه وحاول انه يفك عمره بس ماقدر
تشقلب وانقلب له ولهبه لا شـك فطـنٍ لـه =وليٍ ينظر المخلوق من سابـع سمـاً عالـي
هيئه وشكله شلون سوى الجرجور يوم بغى يفترسه لاكن الله سبحانه وتعالي مطلع عليهم سبحانه
عجب له يوم صاح وثالث الجرجور عن حلّـه =ونتل حبل السبب والسيب جاب الغيص بالحالي
يعني ان الله سبحانه وتعالي رحمه يوم صاح وهو داخل
و ثالث الجرجور يقصدصرف عنه القرش بلمه الله عنه وحماه منه وسحب الحبل مستعجل وبقوه
وشهق عند الطلوع وطاح من جرجور من ذله =اخذ مقدار لا يسمـع ولا يشعـر ولا يسالـي
يعني شرب قبل لايطلع واخذ ايام بغيبوه مغمنا عليه
انا قد صابني ما صـاب هـذا بالهـوى كلـه = تماديت بهواها واثر رسـم الولـف غربالـي
واضح معناه بس باكمل طيبي يعين كل هالي صار للغواص بالبحر صار بالعشق كيف
تماديت بالهوى واثر رسم الولف غربالي وهو صادق
اتمنى اني ماصرت ثقيل وانها اعجبتكم وهذا مرادنا عليكم بالمره
ولو اني ماني دب لاكن ازود السالفه وهي قصيره
تحياتي لكم
دمتم بالف خير
ابو مهند
لك خالص شكري وتقديري ,,,
حياك الله
نورت ياخوي وين هالغيبات
تشرفت اخوي بمروك العطر علينا لاهنت
تحياتي لك
دمت بالف خير
ابو مهند
يعطيك الف عافيه
لاخلا ولاعدم
تحيتي
تســلم والله يا ابو مهند على هالقصيده
والله ياهو وصف وهذا وهو ماشاف البــحر وشلون لو شافه
مشكــور يا ابو مهند
تقــبل تحياتــي
رويــــشد….
