تخطى إلى المحتوى
الرئيسية » ياجار كانك طعتني برقع البنت

ياجار كانك طعتني برقع البنت 2024.

  • بواسطة

الشاعر يخاطب جاره بان يبرقع بنته لأنها جميلة وخاف عليها حتى من نفسه .

الموضوع الأصلى من هنا: http://bayt.el-emarat.com/#85148#post1322580
وهي مداعبة جميلة من الشاعر لصديقة ومدحاً لجمال وعفة إبنته .

ياجار كانك طعتنـي برقـع الطيـر

طيرك وحش وقلوبنـا مستميتـه

لولاي رجلٍ من رجال بهـم خيـر

ماصد واغض النظر مـن بخيتـه

ياجار طيرك كل ماعرّض اعصيـر

مـدري علامـه يلتفـت مادعيتـه

يمر كنّـه شـارد الصيـد لاذيـر

لابوه لابـو حـي حيّـه ، وميتـه

اغير,وانذر ، وانذر القوم ، واغير

وابيع روحـي ، وانهـزم لابغيتـه

يردّنـي ياجـار طبـعٍ لنـا غيـر

الجـار مانـدرج الغـرات بيـتـه

يبقا على حشمه ، وشيمه ، وتقدير

ويـروح عنّـي بالـردا ماقفيتـه

من خوف شيِ مابعد صار ، ويصير

يامّا هدمـت البيـت ، والاّ بنيتـه

بعدٍ عـن الهيّـن معـزّه وتوقيـر

ورجمٍ على غيـر النقـا مابديتـه

يحدنـي يـم الخطـا دون تبريـر

اللـي بلانـي بالهـوى ، مابليتـه

وانا بشر منـي خطايـا وتقصيـر

والله يغفـر كـل ذنــبٍ جنيـتـه

دمتم لمن خفق بداخلكم
ياجار طيرك كل ماعرّض اعصيـر

مـدري علامـه يلتفـت مادعيتـه

صح السان شاعرها ولا هان ناقلها ابيات جميله وذائق اجمل ونقل اروع

ياسلام على هالنقله الحلوه

تسلم يمناك

بأنتظار جديدك

مع التحيه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.