السلام عليكم ورحمة الله وبركاتة
هذي بعض القصائد في خادم الحرمين الشرفين حبيب الشعب ملك القلوب
الملك عبد الله بن عبد العزيز ملك المملكة العربية السعودية
ملك الانسانية حفظة الله و اطال في عمرة امين ………
صقر العروبة..حاكم الحكام
مال الحزن درب ٍ على عيالك مدام انك بخير
………. يا والدي والضيقه اللي كدرت خلّق الانام
تزورني في كل ليله وان غفت عيني عصيّر
………. احسها بنت ٍ تراودني وتحرمني المنام
لا شك لوعرق النسا به دم واحساس وضمير
………. مايبعدك عنا ويجعل يتمنا حزن وملام
والا النسا من كثر مايدعون لك صار الحرير
………. كرهاً عليهم واصبحوا من لوعة اوجاعك صيام
ياسيدي في قولتي ياسيدي شفني كبير
………. وشلون يصغر من تكون انت الولي به والامام
انت الذي كل مانطقت اسمه من الفرحه اطير
………. واحس لي جنحان تاخذني الى روس الغمام
من كثر حبي لك شكرت الله وسميت الصغير
………. بـ اسمك ويافخر الاسامي بالسلاطين الكرام
عبدالله اسمك وانت عبدالله ولكنك امير
………. امير ..! لا .. الا ملك لـ قلوبنا حرب وسلام
يا حاجة العاجز و يانور ٍ يشعشع للضرير
………. يا دعوة ام ٍ في صلاة العيد لـ اطفال ٍ يتام
والله لو انك تقول الموت قلنالك يصير
………. مانسئلك والموت من اجلك يكون ارقى وسام
رمحك وسيفك خنجرك درعك اذا اشتد الصفير
………. حنا وحنا شعبك الوافي ولا فيها كلام
وحنا نحدد وش نبي من باب تقرير المصير
………. ولانرتضي مجد ٍ ولا عزه اذا دون السنام
لك الولاء والسمع والطاعه على هدي النذير
………. عن جل شعبك يا حبيب الشعب يالشهم الهمام
انت المليك اللي يقود المؤمنين لكل خير
………. سلامتك وبصوتك واحد مالنا غيرك امام
الشاعر : علي البوعينين
&^&^&^&^&*^&^&*^&^&^
( 2 )
سلام الله عليكم بابو متعب والسلام إسلام
تحية أمة محمد عليه ازكى الصلواتي
سلام الله على صقر العروبه حاكم الحكام
عدد ما تمطر مزون على جبال السرواتي
عدلت اوفيت يالحاكم وشعبك ارجهن ونام
عسى الله يحفظك ويمد في عمرك سنواتي
بشاير خير من يومك حكمت واثمرت في عام
بنيت بعام (بر) و(خير) في كل المجالاتي
تشيل هموم شعبك فطرة من خالق الانام
تشارك شعبك بهمه وطبعك بالمواساتي
تجير المستجير اليا نصاك بحاله المنظام
ويمسي ناسي همه وعايش بالمسراتي
حضنت الطفل والعاجز وعود بالي الهندام
حساني يابومتعب ما تسجل بالسجلاتي
مكارمك العظيمة يا بومتعب للشعوب عظام
تجير الجار وتغيث الدول في كل نكباتي
حكيم الراي في قولك وربك ملهمك الهام
الموضوع الأصلى من هنا: http://bayt.el-emarat.com/#49555#post626467
تصرف حكمك بعقل فطين للسياساتي
وابشرك ان شعبك يابومتعب محتزم بحزام
يكيد الحاسد الحاقد وواقف للمهماتي
وابو خالد عضيدك يا بومتعب للعدا لطام
سند عز وسند خير وعطوف لليتيماتي
عسى ربي يديم العز في دار الكرام اعوام
وتبقى شامخ سالم لنا في كل الاوقاتي
الشاعر: نايف بن غزاي بن حليمه
تحياتي
اختكم
بنـــــــــــــت الســـــــــــعودية
الله يخليك ياابو متعب ذخر لنا
ويحفظك من كل مكروه
يله ننتظر اكثر يابنت السعودية hbaeb
تسلمين بنت السعودية 00
يسعـــدة علـــم تفــز لـــــة كل الاعلام 00الشهادة الي بها توحدنا على كتاب اللة
قدامة اشوف كل الاعلام مالها معلم 00مجرد الوان هـــي مدري وش مـــــدلة
بنت السعودية ..
سلمتي على جمال النقل ..
انتظر بقية مشاركاتك ..
لكِ اعذب تحية ..,,
نووووووووووورتوا الموضوع