اقدم لكم
فكرتها بسيطة
عبارة عن كنافة محشية بـ كيك
لذييييذة والكل بـ يحبها
خصوصًا للناس اللي ما يحبون الجوكلت والتشيز كيك وهالاشياء
المقادير:
شيرة باردة + فستق حلبي للتزيين
لـ الكنافة:
500 جرام كنافة
4 م ك سكر بودرة
100 جرام زبدة
لـ الحشوة "الكيك" :
1/2 ك سكر
4 حبات جبن كيري
بيضتين
رشة ملح
1/4 ك ماي
1/4 ك زيت
شوية فانيليا
2/3 ك طحين أبيض " ثلثين الكوب"
م ص بيكنج بودر
الطريقة:
الموضوع الأصلى من هنا: http://bayt.el-emarat.com/#216929#post2056481
خطوات صنع كيكة الكنافة بالصور
الكنافة نقصصها ونخلي شعرها قصير واايد بـ استخدام الفود بروسيسر
نذوب الزبدة وننتبه ما نحرقها
نحطها على نار هادية ولما تبتدي أجزاء منها تذوب
نرفعها ونحركها وبـ تذوب الأجزاء الباقية
عقب نضيفها للكنافة + السكر البودرة
ونفركهم عدل
نحاول إنه نخلي كل الكنافة تتشرب الزبدة والسكر يتوزع فيها كامل
ناخذ صينية دائريّة
ندهنها بـ زيت عقب نحط 3/4 كمية الكنافة
نوزعها فـ قاعة الصينية وحوافها
ونضغط زييين
نخلط البيض والسكر والجبن والزيت والماي والفانيليا
ننخل الطحين مع البيكنج بودر والملح
نضيف خليط الطحين لـ خليط البيض .. ونخلطهم
نحط خليط الكيك داخل صينية الكنافة
نحط الربع الباقي من الكنافة على الوجه
عقب ندخلها الفرن لين تنضج الكيكة وتتحمر الكنافة
عقب نطلعها من الفرن
بـ النسبة لي اقلبها على طوول
بس قبل لا تقلبونها حددو الحواف بـ السجيّن
عشان تسهل العملية
عقبها نسقيها بـ شيرة باردة ونزينها بـ الفستق الحلبي
كمية الشيرة على حسب ما تحبون أنا ماخليها وايد ولاخليها شوي
وسط
لا تقطعونها واهيه حارة
تذكروا إنها محشية كيك يعني تحتاج إنها تبرد
خطوات صنع كيكة الكنافة بالصور