الموضوع الأصلى من هنا: http://bayt.el-emarat.com/#127606#post1795970
بعد ما شفتك وضج المكان بزحمة الجلاّس
حسدت الأرض وأشجار الطريق وضحكة أصحابك
تناظرلي وأنا أَعَرف الحنين اللي بدون قياس
وأناظرلك وأنا ما فيني أناظر من أهدابك
حياي يقوللي إن المبادئ للفتى نبراس
ونفسي تقول شي عادي تمر وتبدي إعجابك !
تبسّمت وتفتّح وردك الزاهي عن الألماس
تكلمت وأنا كلي أذانٍ تحسب إحسابك
تسولفلي عن إغيابك وإنت الطيّب الحساس !!
أنا ما هزني غير الوداع وسيرة إغيابك
سكت وكنّه سكوتي بعيني للمشاعر فاس
حرم حتى السماء من وصلنا لا تحضن أسرابك
سكوتي كاسرٍ خاطر حنينك .. يخنق الأنفاس
رحلت وشايف بعينك كلام وشايف عتابك !
رحلت وصرت من بعدك أفتّش في وجيه الناس
ولكن ماهي بوجهك ولو لبسّتها ثيابك !!
حياكة لونه الوردي حكاية طُرّزت بلباس
وذاك الشال ما شال الحسن قل شال أحبابك !
غيابك ما ترك غير الشجر والحب والوسواس
وحزني ما ترك إلا سؤال : اليوم وش جابك ؟؟!
أقول أنساك .. لكن الغرام يكذّب الغطاس
أنا لي شَهر أسوق إلك الحنين يدوّر إركابك
يمر النوم عيني في غيابك كنّه العسّاس
وأحاول أستبيح الغيب : هو ماصابني صابك !؟
وأنا لوني جهلتك ما جهلت بداخلي إحساس
معي من وين ما سجيت عن هالناس غنّابك
عرفت إنه كلامي من ذهب وإن السكوت نحاس
وأبيك إتعرف لين اليوم وأنا أكتبك وأقرأبك
وأبي تَعرف بأني هالوحيد بزحمة الجلاس
وأبي أعرف أنا دربٍ يوصّلني على بابك
تسلم يمينك أخوي على النقل الرائع
دمت بود ..