بسم الله ..
بادئ كل ذي بدء احب ارحب وامسهلي بكم في هالاحتكاك واقول وش لونكم ؟؟ وخلونا ندز للموضوع ..اللي يمكن يكون مش ولا بد بس العوض ولا القطيعة ..
" ياني .. وين البهارات جعلتس الماحي يالدبشه ؟؟ "
( هذا صوت الوالده حفظها الله ورعاها وسدد خطاها ) وهي قايمتن تزين الغداء للشايب اللي منجطلن فوق .. ولي انا اللي جالسن على زلفة المطبخ اتفرج على ياني وهي تجلي الصحون وتمسح الارضية ..
الساعة وحده وربع .. جهز الغداء وجت ياني تحضره وتفرش السفرة وانا اللي اجي واطمر من محلي واقول : عنتس يابعد عمري وش هوله متعبتن عمرتس .. ترى اهم ماعلي انا راحتس بس .. وامسك لي رجل دجاجة وانطله في صدرها واقول لها خذي انتي تغذي ترى والله بيجيتس مرش التسي تسي ( يسمع بالامراض ) .. طمروا اهلي على الغداء .. وكل واحدن يشد الصحن يمّه .. حتى اني مرة خذته وحطيته في شدزي .. وبغى ابوي يلفخني بصحن الحبحر اللي جنبه بس فكّن الله ( رابين مع هنود .. حبحر ) .. ثم قال : ابوديره .. ياحمار يابن الكلب تراي صابرن عليك من زمان .. جب الصحن .. تفاجئت انا بكلمته يابن الكلب .. وقلت ضاحكاً ومستسخراً : اجل انت كلب .. قال : لا يالثور ابوك الكلب .. قلت يعني انت .. ردت امي بكل برودته اعصاب وقالت : لاياوليدي حنا منحب اهلك .. انت ياوليدي وانحن في الطريق راجعين من السوق .. شفنا كرتون بردقان منطول في الشارع العام .. في الاول بغى ابوك يوطاك بس انه هوّن وقال يمكن ان الله استجاب دعائي وبيخليني آكل بردقان للمرة الاولى في حياتي .. لاكن يوم وقفنا وشفنا الصندوق مالقينا فيه بردقان .. قلت انا بكل حماس مع القصة : اجل من لقيتوا ؟ اكيد لقيتوا ورقة مكتوب فيها : كميرا خفية يالسبايك.. قالت : لا يالسلقة لقيناك .. قلت : والله !! تصدقين ما اذكر .. طرررررررراخ .. ابد هذا صوت كف ماشي مليون استقبله خدي من يد الوالد .. بعد الكف استعدل راسي وبديت استوعب .. وقلت وانا في حالة ذهول تام .. يعني انت ابوي الكذبي وانتي امي الكذبية ( يلعن سوالف البزران ) .. قالوا ايــه .. قلت : ياسلااااااام يعني انا الحين حر .. وصرخت زي ماصرخ ميل جبسون في القلب الشجاع " فريدووووووووووم " .. وانقز لغرفتي وازهب الشنطة واسرق لي كم غرض واروح ابيعهن في الحراج وأحلى تذكره لـ ايطاليا ..
في الطيارة جلست جنب واحدن سوري وش حليله .. صراحة بغيت اهون واحول على سوريا يوم شفته .. بس قلت عند سوريا وايطاليا خير .. هناك اعمده وهناك بدون اعمده .. جلست انا وهو نسولف وحاولت اني استدرجه لحمامات الطيارة بس ماش شكله ذيب وفاهمني ابو شكيب .. المهم اني سألته كم سؤال من بين الاسئلة .. اذكر اني قلت : يازلمه ماتعرف لي احد في ايطاليا اروح له يوظفني .. قال : الا ولو اكيد اعرف .. قلت : يالله على يدك .. والله ويعطيني ورقة مكتوب فيها خرابيط بالايطالي وقال : اذا وصلت هناك عط اي واحد هالورقة وهو بيدلك .. قلت : جزاء الله خير ورحم الله والديك ..
" الحمد لله على السلامة "
( بهالكلمة استقبلتني وحده مزيونة في المطار .. انا اول ما شفتها استبشرت خير .. وعطيتها الورقة .. اول ماشافت الورقة جلست تتمقل فيني ساعة كنها تدور شي .. ثم بعدها سحبتني للفندق وقالت بالايطالي بعد الترجمة : نم هنا وبكرة بوصلك لصاحب هالورقة ولاتخاف اطلب اي شي الحساب علينا.. ( عارفتن شغل الخليج ) .. جلست في الفندق وخذ انواع الطلبات .. ومن ضمن اللي طلبت البيتزا حقتهم .. اسمعهم يقولون مشهوره .. حتى اني مرة جلست استهبل وقلت عندكم سليق والا مرقوق .. وبعد ان لبدت الكرشة غرقت في سابع نومه ..
قمت من النوم الساعة 7 على صوت البنت اللي استقبلتني .. وطلبت فطور وافطرت .. وعقبها عطتني البنت بالطوا أسود وطاقيه نص نفر .. وقالت البسها وتعال .. انا وبكل دلاخى قمت ولبستها وطلع لها .. قالت : ايوه كذا تمام .. وتركبني السيارة ونروح للعنوان المدوّن على الورقة ..
وصلنا للموقع .. واستقبلنا واحدن شايب واصلع .. وجلس يرحب بي ويهلي ويمسهلي .. وخذ قهوة وشاهي ( مشكلة السعودي مايخي القهوة ولا الشاهي حتى في ايطاليا .. مانقص الا القدوع ) .. وبعدها قام ووداني لكنيسة وقال يالله استلم شغلك .. قلت انا وش هو شغله ؟؟ قال : مدير الكرة في اليوفي .. وش هو قسيس يابعد عمري .. " القسيس ابو ديره " هذا هو ماكتب في الورقة .. انا طبعاً توني ما استوعبت الامر مع اني في مقر عملي ..
وبعد الاستيعاب رضخت لأمر الواقع بعدا ن دخلوني في غرفتي ام شبك .. مع انها مهيب غرفة الا سجن لاكن ماعليه نتحمل .. وبعد خمس دقايق جاني واحد وبدا يفضفض اللي في قلبه .. ويقول : يا البابا .. قلت بابا في عينك .. انا ماما .. هاه اخلص وش عندك ؟؟ قال : انا قتلت لي صارور .. دعسته من دون شعور .. قلت بكل برود وانا مااشرب لي كاس بلاك <– يلعن ابو كذا قسيس .. طيب وش تبي اسوي لك .. قال ابيك تغفر لي .. قلت ليش عشان صارور .. قال ايه .. قلت ابد ماعليك اذا شفت صارور مرتن ثانية خمّه بالكندرة .. وخذ هذا صك غفران يالله انقلع ..
الموضوع الأصلى من هنا: http://bayt.el-emarat.com/#18390#post157123
اللي بعد .. دخل علي واحد وقال : انا احب .. قلت طيب وش المشكلة الحب جميل .. الحب هو رمز الصداقة .. قال : انا عارف بس المشكلة ان اللي احبها هي اختي .. فزيت من محلي وقلت اختك ياحمار يالرخمة ياهيس الاربد .. اختك .. يعني من بد كل الناس ماتطيح الا في اختك .. اسمع قلي وش اللي صار بينكم … قال : الى الحين ماصار شي .. قلت : اجل كان في مخططاتك انه بيصير فيه شي يالثور الهايج هاه .. يالله انقلع انت في النار .. <— قلت هالكلام وانا في قرارة نفسي كنت متردد اقول له يعرفني على اخته واعطيه صك غفران والا اذا رفض اقول انت في اسفل سافلين ..
الموضوع الأصلى من هنا: http://bayt.el-emarat.com/#showthread.php?p=157123
اللي بعده .. دخلت علي وحده وش حلوها .. قطعه تقول للقمر افحز لي ياشين .. وقالت : ياقسيس انا حامل .. قلت بالمبارك .. ماشاء الله تقومين بالسلامة .. قالت : المشكلة انو انا حامل من أخوي .. قلت : ابن الكلب وتو يقول لي ماصار شي .. يلعب علي هالملعوون .. واجيك واطلع من مزبني والحقه والعن والدي والدينه .. مسحت فيه سراميك البوابة .. وبعدها رجعت لكبينتي وواصلت مسيرتي ..
بعد دخلوا علي الشرطة في الكنيسة والقوا علي القبض …. ونطلوني في السجن .. وبعد ما سألت عن السبب قالوا انك ضاربن واحد .. قلت : ايه ماتدرون هذا محمّلن اخته .. قالوا : واذا صار .. مالك حق انك تمد يدك عليه .. عقبها عرفت انها ديرتن محقى .. وان ديرتي هي احسن وحده بالعالم .. وحجزوني في زنزانه منفرده .. وها أنا اكتب لكم منها .. وصحيح من طلع من داره قل مقداره .. وفوق هام السحب ياديرتي ..
تحياتي لكم و امنيتي مع صرقعه موفقه هههههههههههههه
اخوكم فارس الرياض
اسمع انا هلا شايف الديك ارنب
لى عودة