.
.
.
ظروف تجبرني على الغياب
اتمنى ان لاتطول
حـتما سافـتـقدكـم
لها …
الى اعذب واصدق من عرفت
ربي يسعد ايامها
.
.
.
.
من كتاباتي …
اتمنى ان تلامس احساسكم
حبيبي كانك الليله نويت انك تغيب تروح
_______________ عزمت تحطم احلامي وتحرق باقي اسنيني
عليك الله وعهد الله وحق الخافق المجروح
_________________ الى منه نوى قلبك يبيع ويشتري فيني
دخيل الجرح لايدري دخيل الخاطر المذبوح
_______________ تراك انت الوحيد اللي بعادك حيل ينهيني
حبيبي كانها ظروفك حلف وقتك عليك تروح
_______________ امانه خلي احروفي معاك اتذكرك فيني
دخيل ايام عشناها بنينا في هواها اصروح
___________ اخذتي من جفوني الحاف رقدتي في وسط عيني
حبيبي موطن الآمي يااعذب من سكن بالروح
______________ دخيلك مابقى للجرح موضع في شراييني
تعبت اصرخ ونادي لك تعال بصوتي المبحوح
________________ تعبت اطلبك ياعمري دخيلك لاتخليني
تعالي شوفي جروحي … تركتي بابها مفتوح
______________ بعد جرحك ورب البيت ماجرحن يبكيني
حبيبي بعدك ا يامي الم حيره دموع ونوح
________________ وهمن يابعد عمري يصبحني يمسيني
احبك قلتها ليله ولالي غيرها مصلوح
______________ غير اني تعبت اخفي مشاعر حيل تدميني
حبيبي لو دريت اني ابخسر قلبك المملوح
_____________ ورب البيت لاخفيها مابين الخافق وبيني
حبيبي اعشقك واللي كتب رزقي بوسط اللوح
________________ ولاغيرك ابد انسان يذبحني ويحييني
حبيبي كانها الدنيا عطتني من هناها شوح
_______________قسيتي مثلها انتي مشيتي مارحمتيني
ابد ماجا على بالي تخون اللي وهبك الروح
______________ ولا ظنيت في ليله بعد عمري تخونيني
حبيبي كان ببعادك سعيد ومهتني مسموح
_____________مادام ان الفرح يمك حبيب العمر يكفيني