اهلين حبايبى
جايبه لكم اليوم
طريقه عمل صينية السمك مع بروست الجمبري بالصو
المقادير
كيلو ونص سمك كنعد مغسل ومنظف في مويه ودقيق
التتبيله
كزبره خضرا بقبضه اليد
4 فصوص ثوم
حبه بصله هاذي كلها نفرمها في فرامه البصل
ثم في وعاء نحط م ك مليانه مايونيز وم ك كتشب وم ك معجون طماطم
ونص فنجان قهوه زيت زيتون
وبهارات مشكله وفلفل اسود وملح
نخلطها كلها ونتبل فيها السمك وطريقه التتبيل تحاولي تعملي ضغط باصابعك في السمك وتدهني الوجه وتقلبي وكذا وتحطيها في صينيه تيفال وتغلفيها بقصدير وتدخليها الفرن لحد ماتستوي ترفعي القصدير وتحمريها تحمير خفيف
معلومه
هالتتبيله استخدمها للدجاج وتطلع الذ بمليون مره بس اضاعف الكميه واحط تحت الدجاج بطاطس وادهن الخليط ع البطاطس وع الدجاج واضيف بياله شاي مويه ونفس عمليه الطبخ وتعالي شمي الريحه والطعم
والله لتدعون لي من قلوبكم نكمل موضوعنا
والحين باخليكم مع الصور
ماشاء الله تبارك الله
الحين نجي للربيان كيلو ونص ربيان منظف حجم وسط
الموضوع الأصلى من هنا: http://bayt.el-emarat.com/#203039#post2040085
التتبيله
بيضه وحليب سائل وشطه حمرا بودره وفلفل اسود وشوي كمون وشوي بهارات مشكله وعصير نص
ليمونه وفصين ثوم وملح نغسل الربيان غسل سريع وننتبه انه مايطول في المويه بس شطفيه وحطيه في التتبيله وحركيه وغطي عليه ماياخذ وقت من 10 دقايق الى 15 دقيقه كفايه
بعدها في وعاء حطي نص علبه بقسماط ونص كوب دقيق وشوي ملح وشوي فلفل اسود وشوي شطه حمرا بودره وحركيها وحطيه في كيس وخذي مجموعه من الربيان وحركيه في جميع الاتجاهات لحد مايتغطى ورصيه في صحن طبعا اذا الكميه كبيره حطيه على دفعات انا عملته على دفعتين بعد مانرصه في الصحن ندخله الفريزر لمده ربع ساعه وبعدها نسخن زيت على نار عاليه ثم نحط الربيان ونخفف النار للوسط
واهم معلومه وحطي تحتها مليون خط الربيان مايطول في القلي مجرد مايتحمر اتركيه مده بسيطه وارفعيه والا يصير كانك تاكلي بلاستيك وهاااذي اهم نقطه واخليكم مع الصور
وهاذي صوره الربيان بعد القلي
نجي للسمك المقلي سهل وسريع ولاتتبيل ولاهم يحزنون جربوا هالطريقه واهم حاجه الدعوات
سمك مغسول بدقيق ومويه ونعمل فيه شقوق نحمي الزيت ويكون غزير على نار عاليه جدا ثم نملح السمك وبالذات الشقوق ونضعه في الزيت ولاتوطي النار ابدا وقلبي بعد مايتحمر رشي عليه من هالخلطه جيبي صحن صغير وحطي فيه شوي من كل نوع من ملح وملح ليمون وسماق وبهارات مشكله وكمون والبهارات والكمون تكون ريحه ورشي رشه خفيفه وتمتعي بالذ سمك وانا متاكده ماراح تتبيله بعد اليوم
وهنا صوره مع باقي الاطباق
الصوص
كان عباره عن مايونيز وكاتشب وشطه سومطره
والثاني طحينه خففتها بخل وليمون وشوي مويه وفلفل اسود وشرائح رقيقه بصل
منقول