0
0
بعد العفسة والحوسة وبعد وقت عصيب مع الطبخ لشهور
قدرت أطلع بنتيجة
<< خليتها مرضية بالغصب خخخخ
هذا أول أطباقي في شهر رمضان وفرحانه فيه00
0
0
سبرنق روول ولفائف وتوست بالدجاج
اليوم الصورة وبكرة ان شاءالله الطريقة
لاتمدحون مررة أخاف أتحمس وأنزل لكم كل يوم طبق <<العب على نفسي خخخخ
شوووق عسى ما تكلفت بس
حلوة اليوم الصورة وبكرة الطريقة
لا يكون الطريقة في موضوع ثاني بعد خخخخخخخخ
من جد صراحة صرتي حرمتن سنعة عيني عليتس باردة
يعطيتس العافية وبانتظار الطريقة
عاد اخترت اسهل شي عشان العجينة حقة السبرنغ رول والتوست جاهزة هاه ؟؟ <– كاشفتك
نبي طبخة دسمة فيها شغل كثير
بانتظار الطبق القادم وعلى الله يكون مندي
بنتظار الطريقة
شايفة شلون الكلافة
راح كل يومي وأنا اطبخ
بس انتي اول وحده تبي طبخة فيها شغل كثير اللي أعرفه انكم تحبون السهل الممتنع<< حلوة ممتنع
بعدين من قال لكم ان الطريقة مايبي لها شغل << الدعوة كلها تقطيع وتكشين وحشو
روحي لمطبخ الخيمة بنزل فيه الجبنية فيه عجينة من صنع أيدي خخخخ
نبض الجمال الله يسلمك
والطريقة الآن أنزلها
يعطيك العافية يالغلاا
المقادير
عجينة سبرنق رول من السنبلة (لفائف الربيع)
صدور دجاج مقطعة تقطيع صغير
بصل
صوص الصويا
ملفوف مقطع شرائح
جزرة مبشورة
فلفل بارد مقطع شرائح رفيعة
مكعب ماجي
ملح وفلفل أسود
الطريقة
نحط الزيت في المقلاة والبصل ونكشنة
بعدها نحط قطع الدجاج ومكعب الماجي والفلفل الأسود وملعقة كبيرة صويا
ونحركهم ونخليهم مدة ثلاث دقايق تزيد أو تنقص شوي
بعد كذا نحط عليهم الجزر والملفوف والجزر مبشور ونقلبهم لمدة دقيقة تقريبا
بعد كذا نحشى الخلطة في اللفائف بنفس طريقة ورق العنب ونقفلها بعجينة سايلة عشان ماتنفك
الموضوع الأصلى من هنا: http://bayt.el-emarat.com/#71181#post1104830
ونقلاها في زيت حاار
وبالهناء والعافية
لاحظوا اني اعتمدت طريقة السبرنق روول الأصلية لأني أحب الطعم الأصلي لها بدون إضافات ثانية
جربوها مع الصوص وتعجبكم
لفائف التوست
وسبق نزلت الطبق من فترة طويلة من دون صور
بس من جد انصحكم به طعم راائع
المقادير..
كيس خبز توست(يستحسن خبز المطرودي)لأنه طري
بصل
ماجي
فلفل اسود
صدر دجاج مقطع قطع صغيره
فلفل بارد مقطع قطع صغيره
جزره صغيره مبشوره
حبة طماطم صغيره مقطعه قطع صغيره
ملعقة جبن سائل ملعقة مايونيز ملعقة قشطة
بقدونس
بيضه وحده
الطريقه
ناخذ الخبز ونقطع اطرافه بعدين نفرده
نقلي البصل ونضيف له الدجاج والماجي والفلفل الاسود والفلفل الاخضر..
بعد ماينضج الدجاج نضيف له الطماطم والجزر والبقدونس(ضروري ماتكون على النار) ونضيف مع الحشوة ملعقة المايونيز والقشطة..
بعدين ندهن الخبز التوست بالجبن السائل ونضع ملعقه من حشوة الدجاج ..
ونقفل عليها مع الاطراف يعني راح يكون شكل التوست بعد مانقفله مستطيل..مثل الصور
بعد ماننتهي من حشو الكميه نرتب اطراف الخبز بالرول او السكين ونغطسة بالبيض والخبز المدقوق
ونقليه بالزيت
وعليكم بالعافيه انشالله تعجبكم