طريقة تحضير كيكة الليمون بالصور , طريقة عمل كيكة الليمون بالخطوات المصورة , حلويات شرقية , حلويات غربية , كيكة الليمون الحلوة بالصور
السلام عليكم
جبت لكم طريقة عمل كيكة الليمون
خطوة بخطوة بالصور
المقادير
كوب ونص طحين منخول متعدد الاستخدامات الي هو رقم 1
كوب سكر بودره
نص كوب حليب على درجة حرارة الغرفه
2 بيض على درجة حرارة الغرفه
75 جرام زبده غير مملحه على درجة حرارة الغرفه
1 قشرة ليمون مبشوره ليمونه الكبيره الي لونها اصفر
ملعقه ونص صغيره بيكنج باودر
ملعقه صغيره فانيليا
رشة ملح اي اقل من نص ملعقه صغيره
الطريقه
نشغل الفرن عشان يكون حااار يوم نستخدمه
نخلط البيكنج باودر مع الطحين وندهن الصينيه بزبده ونخليه على جنب
في الخلاطه
نخفق البيض مع الملح الين يصير لونه ابيض
نضيف الفانيليا وزبده وقشرة الليمون وسكر ونخفق الين يصير مثل الكريمه
ونضيف اشوي شوي الحليب ونخلطه الين يمتزج جيدا
بعدين اشوي شوي نضيف الطحين ونخلطه براحات الين يمتزج الخليط كله مع بعض
نصبه في الصينيه المدهونه بزبده
ودخله الفرن الحار على درجة حراره 150 لمدة 40 دقيقه
او الين تستوي ولا تفتحون الفرن الين تكمل الكيكه نص ساعه داخل الفرن
عشااان ماتهبط وتخترب على فكره فرني كهربائي
وفي هاااي الفتره نسوي الشيره طبعا ماحطيت مقاديرها لانها سهله
وغير هذا هي اختياري اذا ماتبينها لا تسوينها
المهم لعمل الشيره نحتاج كوب ماء واحد فنجان سكر وعصير ليمونه وحده
ونحط كل المقادير على النار هاديه لمدة 15 دقيقه تقريبا ونرفعها ونخليها تبرد
بعد ماخلصت الكيكه نطلعها من الفرن
نقلبها على الشبكه عشاان تبرد
نصب عليها الشيرا ونزينها بـ جوز الهند او سكر بودره اختياري
بنسبه لي زيتها بـ جوز الهند بعد ماصبيت عليها الشيرا وقطعتها
وقدموها مع القهوه او اي مشروب ساخن انتو تفضلونه