دى طريقة جميله وسهله لترطيب وتنعيم البشرة
المقادير: 3 ملاعق كبيرة نشا
3 ملاعق لبن بودرة
2 : 3 ملاعق زيت ورد
الطريقة:
نخلط اللبن مع النشا جيد جدا ونستخدم اللبن حسب نوعية البشرة اذا كانت البشرة دهنية نستخدم لبن خالي الدسم ولو بشرة جافة نستخدم لبن كامل الدسم.
وبعدين نحط عليهم مقدار زيت الورد المناسب للخليط يعني نحط ملعقتين ونخلط ونشوف العجينة هتكون لينة ولا لسه ولو لقيناها لسه ناشفة يبقى هنزود ملعقة أو اتنين كمان من الزيت ونخلطها كويس بحيث تعمل عجينة لينة وتتشكل على شكل كرة بسهولة.
هنسيب الكرات دي تنشف في الهوا لمدة 3 أيام وبعد كده ممكن نخزنهم في علبة زجاج بس نسيب فيها جزء للتهوية علشان نقدر نحتفظ بها فترة أطول في مكان جيد التهوية.
طريقة الاستخدام:
هناخد من الكرات دي ونحط عليها ميه سخنة جدا ونسيبها لمدة ربع ساعة لحد ما تدوب تماما هتدي قوام زي الشوربة اللزجة ونقلبها كويس وبعدين نبدأ نحط منها على الجسم كله وعلى الوش وكمان عند منطقة العين والرقبة وتحت الإبط.
الموضوع الأصلى من هنا: http://bayt.el-emarat.com/#158970#post1959480
هنسيبها على الوش والجسم لمدة نصف ساعة وبعدين نشطفها هتدي نتيجة هايلة لبشرة الوجه والجسم وممكن كمان نضيف معاها عسل بعد ما ندوبها في الميه ودي هتناسب البشرة الجافة جدا والمتشققة وكمان ممكن نحط منها على الشفايف هترطبها وتغذيها.