بوصي ياختي انتي وهي لو ربنا فك عقدتك واتخطبتي
فإليك نصائحي حتى تأخذي بخطيبك من مركب الخطوبة إللي محدش عارف هاترسي على إيه
إلى مثوااااه الأخير في قفص النسانيس
قصدي قفص الزوجية السعيد
أجمل ما في الخطوبة العزومات الرومانسية على أحلى محلات أكل فى البلد
واللي عمرك ماهاتشوفيها بعد الجواز
المهم نصايحي ليكى عند أي عزومة مع خطيبك
1-الأول لازم تعرفي إن الشوكة والسكينة بيتمسكوا من إيديهم
من الطرف يعني مش من الوسط ولا م البوز زي الخنجر ولا من فوق طبعا
العيش أوعي تفضحينا وتقطعيه بسنانك ولا الرغيف نصين بأيدك وكل نص لقمة وتحشري أوعي
العيش بيتقطع بالسكينة فى الطبق وبعدين تاخدي لقمة
لقمة بالعافية قال يعني نفسك مسدودة
اضغطي على أعصابك جدااا
وبعدين لما تروحي إبقي حفي زي مانتي عايزة
3- الشوووربة
بند الشوربة ده مهم جداااا
أبوس كعب رجلك الشوربة تتشرب من غير صوت خالص ومن غير ماتقعدي تنفخي فيها زي القهوجى اللي بينفخ فى حجر للزبون
وطبعـا عايزك تنسي تماما السلطانية اللي بتقيميها على بوقك ف البيت وتدلدقي على نفسك
بالمعلقة ومن غير صوت
سخنة ولعة برضو من غير صوت
وتسيبي تلت الطبق ع الأقل مش تميليه علشان تلهطيها لاخر نقطة
4- الرز
طبعا بيتاكل بالشوكة أوعي إيدك تتمد ع المعلقة وتغرفي من طبق الرز وتعبي
إوعي
الرز بالشوكة وكأنك بتبوسيه مش بتاكليه
5- المكرونة
الاسباكتي برضه بالشوكة تتلف على طرف الشوكة
لحد ما تخلص وبعدين تحطيها فى بؤك من سكات
مش تشفطي المكرونة عود عود
6- السمك
مشكلة
شوفي
بتفصلي اللحم عن الشوك ..إزاي؟؟
الموضوع الأصلى من هنا: http://bayt.el-emarat.com/#125542#post1772417
تقطعي اللحم من النص بالطول وبعدين تفردي اللحم ع الجانبين ولما تخلصي ناحية
متقلبيش السمكة.. بلاش فلح
شيلي السلسلة بالشوكة والسكينة وحطيها ف جنب الطبق وكملي أكل النص التاني
وبدل الفيلم الهندي ده
نصيحة ماتكليش السمك خالص
قولي مابحبش السمك وخلصي نفسك
7- الجمبري
-إذا كنتي عارفاه-
أول ماطبق الجمبري ينزل.. بصيله بقرف واحتقار شديدين
قال يعني زهقانة من كتر أكل الجمبري الجامبو ف بيت بابـا
وأتنهدي جامد وقولي.. برضو؟؟؟
وتروحي قاطعة راس الجمبرياية بالشوكة
أنا فى عرضك إنسي المصمصة دلوقتى
8- البطاطس سواء مسلوقة أو محمرة
أوعي تهرسيها وتدبيها على الرز وتدي
لا…لا…لا
بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي
الفاكهة
لو الفاكهة فيها بذر..طلعيه من بؤك بالراحة وحطيه فى إيدك وهي مقفولة
وبعدين فى طفاية السجاير اللي على الترابيزه
أوعي من نظام التفتفة للبذر
إنسي
10- ولما تخلصي أكل تحطي إيدك على بطنك
اللي عصافيرها بتصوصو من العينات اللي كلتيها.. وتقولي له مش ممكن
أنا عمري ما اتفجعت كدة
أنا أودامي أسبوع هابطل أكل فيه
وبعدين تمسكي الفوطة اللي دايما موجودة على التربيزة من غير لازمة
وتبوسيها
قال يعني بتمسحي بؤك
وبعدين تستأذني منه لدخول التوليت لإصلاح ماكياجك
وتخشي التواليت وتطلعي من شنطة إيديك
لفة الفول والطعمية اللي جايباها معاكي
تقبلي مروري
بس هذا الموضوع منقول ومكرر
انا نزلته قبل هيك 😐
مشكووره ع المجهوود
|
المشاركة الأصلية كتبت بواسطة حكايا الم
يسلموو خيتوو
بس هذا الموضوع منقول ومكرر انا نزلته قبل هيك 😐 مشكووره ع المجهوود |
بس انا ياقمر كتباه بمنتدى تانى وماكنت اعرف انه موجود بالمنتدى هنا