ركزوا معايا وإفتحولي عينكم …. أنا ححأول أساعدكم عشان تتطردوا من المنتدي بسرعه وبكل كرامه
>>>>> منتهي في خدمة الشعب
فيه كام طريقه سريعه فظيعه مريعه شنيعه تضمنلكم كره شديد ليكم من المنتدي وفي النهايه الطرد النهائي بلا عوده :
1- أول حاجه أدخل في أي قسم واكتب موضوع ملوش أي علاقه بالقسم
يعني مثلا إدخل قسم النقاشات الجاده وحط موضوع كاكاتيري >>> وممكن تعتمد فيه علي خبرات كويتي مخربها
أو لو عايز قمة الإستفزاز إدخل قسم المرأه وإكتب موضوع عن الرياضه >> يا ويلك يا سواد ليلك من كل العضوات وياسلام لو موضوع عن كأس العالم وعن ماتش لدوله مش مشتركه أساسا في الكاس وقمة الدراما علق علي الماتش بأسماء اللاعبين والضربه القاضيه لو جبت صور >>>>> يا خطيره يا منتهي
2- أدخل اي موضوع ورد في اتجاه تاني بعيد خالص مالص عن الموضوع
يعني موضوع نقاش جاد ولاقيت النقاش حاد ومولع إدخل بكل برود وحط صوره وش بيضحك وقول شكرا علي الموضوع الظريف والنكت الخفيفه >>> لك أن تتخيل إحساسهم ناحيتك بجد ساعتها قتلك يكون الحل الوحيد
هههههههههههههههههههههه
3-انسخ كام موضوع من المنتدي ونزلهم ويا سلام زياده في الأكشن قول إنهم من وحي أفكارك ومجهودك الشخصي
4- إرسل كل يوم خمس رسايل أو أكتر للمشرف العام ابو موزه >>>> ربنا يستر وميطردنيش أنا
والمشرفين برده ابعتلهم رسايل تظلم إن ردودك بتتحذف وموضوعاتك كمان وقول إن ده ظلم ليك وتعدي علي حرية رايك >> دخلنا في السياسه
5- اخترلك مشرف وإلزق ليه وكل يوم ابعتله قوله شوفت موضوع "كذا " وإيه رايك في الموضوع " كذا " وممكن تحذفلي موضوعي " كذا " لإني كررته مرتين وهكذا يعني تزهقه وتخنقه وتخليه يكره اليوم اللي بقي فيه مشرف وممكن توصله لإنه يكره نفسه كمان
6- إدخل علي قسم الخواطر وإختار ليك كام خاطره مكتوبين بأقلام أعضاء وقول ردك " خاطره رائعه لكني قرأتها من قبل في منتدي آخر وياريت توضيح إنها منقوله لأنها أمانه >>> وقول كلمتين من كلام الشعارات وإن دي سرقه وهكذا"
7- إدخل علي قسم معين من الأقسام وروح للموضوعات القديمه من آخر الصفحات ورد عليها عشان القديم يكون قدام والجديد ورا يعني اقلبلهم المنتدي رأسا علي عقب >>>> ونصيحه مني ركز علي قسم الرياضه علشان تعليقات كاس العالم كلها تختفي
>>>> ربنا يستر عليه من الشباب
ههههههههه
8- أول ما يتعين مشرف جديد إبدأ في إثارة البلبله وإن المشرف ده غير جدير بالإشراف وإن الكوسه عملت عمايلها في المنتدي >>>> وياسلام لو دخلت كمان البطيخ والباميه والملوخيه يكون أكثر خنقه
9- راقب المشرفين وردودهم وقوم بكام رحله استكشافيه في المنتدي >>>> ومتنساش تاخد معاك السندوتشات بتاعتك والعصير وإدخل صحح ليهم الأخطاء الإملائيه حتي لو نقطه >>> كون ليهم بالمرصاد
ولو اتبعت النصايح المهمه دي اضمنلك إنك حتتطرد من المنتدي في أقرب وقت ممكن وحينور تحت إسمك لقب موقوف >>>> ياي علي الرومانسيه
إحساسي بيقولي إن بعد الموضوع ده بأكون المطروده رقم واحد وعلي راي المثل " من حفر حفرة لأخيه وقع فيها "
الموضوع الأصلى من هنا: http://bayt.el-emarat.com/#45593#post554735
ملحوظة أنا مليش دعوه بالنتائج واللي يتطرد بأحذره إنه يجيب سيرتي أحسنله
>>>> أنا ورايا رجاله يقرقشوا الزلط
<———– الموضوع ملطوشه فكرته بس وأنا قمت بالحبكه الفنيه
انت فعلا حتة سكرة
افكار جهنمية فعلا للطرد المباشر
وواحدة منها كفيلة بطرد لا رجعه منه
ههههههههههههههههه
دمت حبيبتي على خفة الدم يا شربات
دوم الابداع والتألق
خالص شكري وتقديري
|
المشاركة الأصلية كتبت بواسطة جميلة$الجميلات
هههههههههههههه منتهى تسلمين عالطرد بس ان شا الله تماسيحنا يطبقون هالشي خخخخخخخخخخخخخخخخخخ
|
ههههههههههههههههههههه
يارب يا جميله يارب
ويبقي كده ضربنا عصفورين بحجر
>>> ضحكنا وخلصنا من الأعداء
هههههههههه
تسلمي علي المرور يا قمر
تحياتي
|
المشاركة الأصلية كتبت بواسطة $$عطر الكلام$$
منتهى الحب
انت فعلا حتة سكرة افكار جهنمية فعلا للطرد المباشر وواحدة منها كفيلة بطرد لا رجعه منه ههههههههههههههههه دمت حبيبتي على خفة الدم يا شربات دوم الابداع والتألق خالص شكري وتقديري |
يسلمووووووووو عطر الكلام يا ذوق
نصيحتي ليكي متطبقيش ولا نصيحه منهم
>>> خايفه عليكي تتطردي وانتي لسه في عز شبابك
ههههههههههههههههههههه
شكرا علي المرور الحلو
تحياتي