بس قبل لا ابدا صلو على النبي محمد..
سلمكم الله يقولوكم في يوم من الايام و بالضبط في السبعينات..عزم واحد من الرياييل ربعه على العشا..وقال انه بيذبح بعير..و كان ها الريال من اهل البحر..
شل البعير اللي يطولي بعامركم..و وداه يذبحه..اول شي ربطوه..وخلاف قصو راسه..بس نسو يسمون بسم الله
بعدين حاولو يرخون الحبال عسب يكملون الذبح..بس اللي استوالهم شي ثاني..
البعير فاجأهم و قام يربع بليا راس..و كلهم صابهم ((الفزع))و الخوف ..و ربع البعير لين ما دخل البحر و سبح فيه..
و لين الحين البعير يحوط يبا ينتقم من اللي ذبحوه..
وغالبا ما يوجد في السكيك الضيقه..وشوهد في الثمانينات في عجمان و راس الخيمه..و اغلب اللي يشوفونه هم اليهال..
و ربيع يدي صبيح..يقول انه شافه في منطقه الخان في الشارجه..و لين الحين ما يقدر يرقد من كثر ما كان شكل البعير يخوف..
مغزى الخروفه..
دايما تذكرو تسمون على الذبيحه قبل لا تذبحونها..
و لا تطلعون تلعبون في السكيك وقت القايله ولا المغرب..يمكن يلحقم البعير اللي بدون راس و يبرك عليكم..
الموضوع الأصلى من هنا: http://bayt.el-emarat.com/#53209#post706284
و خلصت و بلصت و الديايه عرست..
تحياتي لكم
سعادة السفيرة
حبوووووووووسه
اللهم صل على محمد وآل محمد
دمت ابداعا للتراث اختي السفيره
وتحياتي اخوك ساحر
|
المشاركة الأصلية كتبت بواسطة %ساحرالكلـ@ـات%
السلام عليكم ورحمة الله وبركاته
اللهم صل على محمد وآل محمد دمت ابداعا للتراث اختي السفيره وتحياتي اخوك ساحر |
ساحر الكلمات
الله يسعدك ويوفقك يارب
اسعدني حضورك وكلااااامك الطيب
تحياتي لك يا اخوي
صباح اليل
|
المشاركة الأصلية كتبت بواسطة الاحسـ فتى ـاس
حبووسة
صباح اليل |
فتووووووووووووو
صباااااااااااح الانوار