صبحكم الله بالخير للي بالصبح
ومساكم الله بالخير الي بالمساء
والي با القايله او المغرب يتبع مع زمليه ههههههههههههههه
ومساء خااااص للقوانيص عامه وقناصين الضبان خاصه والي لهم بالقلب معزه وتقدير
اقول لكم الف والفين هلوه وترحيب يهلا ومرحبا حياكم الله ياهلا والله بالي لفا
حبيت اجيب لكم هالقصه والقصيده الطريفه وهي حصلت لواحد من اهل حائل من اهل الجديديه
انها تحوز على رضائكم واستحسانكم[/SIZE] [/FONT]
جريمه ضب
هذه قصيده تسمى قصيده الضب لعائد السعدي الذرفي فيها شي من الطرافه وجزلاه القصيد
عايد هذا جلس ثمان سنوات يراجع بله مزرعه يبي يطلع لها قرر عشان ياخذ عليها قرض من البنك الزراعي
المهم ان الله وفقه وطلع قرار المزرعه يوم طلع قرار المزرعه من زين حظه كان فايته الموسم بهكا الوقت يعني موسم الحب (القمح ) قال ابي ازرع خظره وشي بسيط احسن من لاشي الي وقت الموسم الجاي ومعرف راع الزرع يتابع ويحرص على زرعه مثل مايحاضي راع المريض مريضه الله يبعد عنا وعنكم وعن والدينا الامراض و يلاحظ ان ورق الشجر الصغير على اول طلعه على ورقيتن وتلاث مقصصه اكثرها ! اول مره قال يمكن دود او من هالحشرات ؟
وكل يوم لها بزايد
المهم وهو يدوج بالمزرعه يبي يشوف وش المشكله وهو يتشوف ويلمح هكا النيثليه ( تراب مرتفع عن الارض اقل من نص المتر) ويقرب منها الا هي نثيله هكا الضب ( صارت هنا بيت الضب جحره ) وبين على النثيله انه ضب كبير ويقص اثره ويلقاه انه هو الي لاعب بها الخظره ومقصص اورقها وهو ياقف ورى النثيله وهو يثمل بهكا الابيات وكان عايد وراه اخوه صايل ويتسمع لعايد وصايل هذا شاعر مثل اخوه المهم قال عايد هالابيات[/POEM]
واخذ عليك اقرار وانذار واحذار=اذهن درك نفسك ترك قمت باوذي
عبث بالخظره كما يعبث الفار=واثريك ماتذخر على قطع عقلاي
ياهولتي تقل يقصه بمنشار=سمحت له واليوم حدن على اقصاي
جح وطماطم ثم بطيخ وخيار = زرعتهن زرع المهندس بيمناي
عقب ثمان اسنين برهاق واخطار = هم ومشاكل وانقل الداي برداي
كلن نصحني مار ماطعت الاشوار= متدهورن على عمايه وعمياي
اخوه صايل يسمعه فقال ياعايد لو ان الضب ينطق كان قال
واليوم جاورتنا تبي تفرض حصار = مارلاعاش من جابك على راس مفلاي
بليت بك وانا بليتك بالي صار = لاشك ساعدني على كبر بلاوي
تر جيرت الطيب مثل در الابكار = وتر جيرت المروح مثل مروح الداي
[/POEM]
الموضوع الأصلى من هنا: http://bayt.el-emarat.com/#44472#post536582
قال عايد عز الله اني ماسويت له شي ياصايل دام هذا رده علينا
عايد السعدي كان له واحد من زملاه بالرياض ياقل له ثامر الاسلمي قال اي والله ادري هالحين انت عايد بيترك الضب يلعب بهالخظره على سبته هالقصيده وعشان الضب تعذر انه جار ن له لاكن اوريك فيه
وهو يجي ثامر من الرياض ويتعشى عنده هكاالليله يوم جاء الصبح قال ثامر يعايد ورن المزرعه ابي اتمشى بها اليوم ونتغداء هنا وحاطن له شلفى طويله ( نوع من انواع السكاكين او بالاحرى الخناجر القديمه ) تحت بشته مغيبه عن عايد المهم انه
قام يتمشى ويتغافل عايد ويدور نثيله الظب الي ذكرو وعلى حسب وصفهم يدور وهو يلقها ويثبت مكانها وهو يروح يجيب السياره وينزل منها هكا الجركن ويقوم يصب بالجحر على شوي شوي يوم بربر الجحر عرف ان الضب يبي يطلع عندهم اسلوب ومعرفه ماهم مثلنا الي نصب شراع كامل والضب ماطلع ولا فيه امل يطلع لاكن هم بجركن صغير ابو 15 لتر يطلعون خمس ست ضبان المهم ان عرف ان الضب قريب وهو يزهب الشلفى على ماطلع الضب الا هو له من امس وهو يمسكه اها تم القبض على الضب اف ياحظه والله ياهو شبعان من هالخضره وغذاه صحي ضب مهجن تربيه مزارع خخخخخخخخ المهم ثامر يوم مسك الضب وهو يقول هكا الابيات على قافهم قال ثامر
مادمت لجارك ياسود الوجه غدار = حلت ذكاتك والوعد يوم لقياي
هو حل واحد واسمع الراى واختار = ياغول ولا شنق ولا بشلفاي
[/POEM]
وهو يقتص منه انت يثامر ويخلصكم من هذرتي الزايده ا وثامر والله حسب ضني ان مخاب انه ماهي فزعه الارغبه منه بهالضب المربع ا تمنى ا ني طرحتها لكم باسلوب حلو والشكوى الله ماعرف الا باعاميه احس اني اوصل المعلومه فيها اكثر المهم المجال مفتوح لكم للمشرفين اي اضافه او تعديل فهو من حقكم
اعذرونا على الاطاله اتمنى ان تحوز على رضاكم واستسانكم
تحياتي لكم
دمتم بالف خير
ابو مهند
الموضوع الأصلى من هنا: http://bayt.el-emarat.com/#showthread.php?p=536582
ابو مهند وش تعني نثيله
ويعطيك العافيه
لا تحرمنا قصصك الحلوه
دمت بخير
حياك الله وبياك
النثليه هي التراب الزايد نتيجه الحفر ويشبه سبحان الله السور او حرم البيت
وكل تراب متجمع عن الارض بسبه الحفر يسمى نثليه
هذا الي اعرفه انا واذا ماعرفتي شي من كلامي مستعد اترجم لك
والي عنده بعد معلومات جميله تفيدنا بعد يسعدنا والله مشاركته
شاكر لك تواصلك اختي مشاعل لكي الف شكر
والحلو بالقصه مرورك عليها لاهنتي
تحياتي لك
دمتي بالف خير
ابو مهند
يعطيك العافيه على هالسرد .. واحلى مافيها انها باللهجه العاميه الكل يفهمها ويستمتع فيها …
.
.
تقديري …
يعطيك الف عافيه
لك الف شكر اخوي على القصه
لك الف تحيه