مما قاله الشاعر محمد أبو دباس ولم يذكر له غيرها
من الشعر ، ولذلك تسمى اليتيمة
ــــــــــــــــــــــــــــــــــــــــــــــــــــــــــــــــــــــ ـــ
ــــــــــــــــــــــــــــــــــــــــــــــــــــــــــــــــــــــ ـــ
يا ونت ونيتها من خوى الرأس
من لا هب بالكبد مثل العسيره
ونين من رجله غدت تقل مقواس
ويون تالي الليل يشكي الجبيره
ويامل قلب مثل بن بمحماس
ويا هشم حالي هشمها بالنقيره
ويا وجد حالي يا ملا وجد غراس
يوم أثمرت واشفا صفا عنه بيره
من ثمر قلبي سرى هجعه الناس
متنحر درب عسى فيه خيره
الله يفكه من بلا سو الاتعاس
ومن شر عبثات الليالي يجيره
في ديرة تقطعت عنه الأرماس
سبعين يوم للركائب مسيره
لا والله ألا حال من دونه الياس
حط البحر والبر دون الجزيره
يالله ياللي رد من عقب ماياس
يوسف على يعقوب وأبصر تظيره
ترد على أدباس يا محصى الناس
يا عالم ما بالجفا والسريرة
يا دباس أنا باوصيك عن درب الأدناس
ترى الذي مثلك يناظر مسيرة
عليك بالتقوى ترى العز يا أدياس
في طاعة اللي ما ينجيك غيره
هاذي ثمان سنين من رحت باادباس
لا إرساله جتني ولا من بريره
يا أدباس من عقبك ترا البال محتاس
وعليك دمع العين حرق نظيره
وعليك كنى في دجا الليل حراس
أصبح على حيلى وعيني سهيره
أصبح أنا ما بين طارئ وهو جاس
وطوارى تطرى علينا كثيره
مثل الوحش قلبي على كف حباس
يكفخ كما طير أسبوقة قصيره
متحير من عيلة البيت يا أدباس
أرجى ثواب الله وأخشى المعيرة
أخاف من حكا العدا ثم الأنجاس
أهل الحكايا الطايلة والقصيرة
ويقال خلا عيلته عنز الراس
أقفا وخلا عيلة له صغيرة
والا فأنا يا أبوك قطاع الأرماس
ما نيب مثبور أو رجلى كسيره
الموضوع الأصلى من هنا: http://bayt.el-emarat.com/#11961#post94531
أصلك لو دونك نبا حمر الاطعاس
الصلب والصمان ما هي عسيره
مهالك مدارك ما بها أوناس
إلا الثعل والبوم تسمع صفيره
لو كنت في نزوا وديرة بني ياس
أهل الموازى والوجوه الغبيرة
عبادة الأصنام شرابة الكاس
الخمر والتنباك فيها أو غيره
لا ركب على وجنا من الهجن عرماس
فجا النحر يا أدباس حمرا ظهيره
متروسة الفخذين مزيوعة الراس
كن الخلاص أعيونها يوم أديره
أو شبه ربد أتخفق للأوناس
وغن رفعت جنحاتها مستذيره
تنشر من العودة على نور للأنفاس
عند الفجر والليل مقفى مريرة
والعصر بالصمان تسمع لها أضراس
حبل الرسن خطر تبتر جريره
نهار ثالث بين حما والاوراس
واره يمينك جعلها لك سفير
ثم على ساجية تقلب الراس
تمشي بأهلها في البحور الغزيره
إلى مسقط الفيحاء بها الخير محتاس
لولا الكفر والشرك واوى ديره
عز الله أنها ديرة ما لها أجناس
لولا بها يعبد مع الله غيره
لولا بها يشرك على وعباس
وأيضا بها الفاروق سبه بريره
فيها الطبيخ وراهى الخبز يا دباس
يقعد خوى الرأس خنة خميره
هي ديرة اللي باغى كيفية الراس
ولا له حد همه من الناس غيره
هيس ولد هيس للمواعين لحاس
يفرح ليا نيدى لذبح النحيره
وذا ماقفك يا أدباس ما فيه نوماس
يصلح القين مهنته طق زيره
ترى الفداوي دون وأنشد الناس
راعيه ما يذكر بمدح أو غيره
ماله سوى طق الحنك منه والياس
والى انقطع خرجه فلا له ذخيره
طلب المعيشة بالحراثة والأجناس
المشترى والبيع يوصف وغيره
قم انهض العيرات مع كل فراس
يا أدباس دور خير تستشيره
جدك وعمانك هل العزم والباس
أهل المواجب مكملين القصيرة
يا أدباس ما يصبر على البق والحاس
إلا الذي ماله بنجد عشيره
واليوم يا مروى شبا كل عباس
أنت الرجا يا أكعام وجه المغيره
عشرين عام كلها أرجيك يا أدباس
مثل الغرير اللى تولع أبطيره
عدل المناكب هيلع فرخ قرناس
يمناه في لطم الحبارى شطيره
عانق خلوج روحت عقب مرواس
عند العصير البيضها مستذيره
والليل جاها وحال من دونها الياس
روحه على فرقاه فرت فريره
يا أدباس أنا يا بوك ما نيب بلاس
مير ان عيلات الرفاقه كثيره
جنبت وسط السوق وامشي مع الساس
وأخذ شوى الحق واترك كثيره
يا أدباس قلبي كل ماهب نسناس
الموضوع الأصلى من هنا: http://bayt.el-emarat.com/#showthread.php?p=94531
شرقية هبت بقلبي سعيره
والحال يا فرز الوغى مسها الباس
عليك يا ناطح أوجيه المغيره
واغصون قلبي يا فتى الجود يباس
غاد أنا يا أبوك كني هشيره
من شافنى يقول ذا فيه لساس
واللى برا حالى إلهى خبيره
لا وعلا من قبل غوال الأنفاس
وامفارق الدنيا يجينا بشيره
عسى يطق الباب والناس غطاس
يا والى القدرة عليك اتعبيره
وصلاة ربي عد ما هب نسناس
على النبي عدة حقوق المطيره
ــــــــــــــــــــــــــــــــــــــــــــــــــــــــــــــــــــــ ـ
ــــــــــــــــــــــــــــــــــــــــــــــــــــــــــــــــــــــ
و بعد وصول هذه القصيدة الى ابنه دياس و اطلاعه عليها
اسف على تفريطة و تهاونه في حق والــــده فأجابـــه بهذه
القصيده حيث اخبره فيهـــــا بعزمــه و التوجـــــه الــــــيه.
ــــــــــــــــــــــــــــــــــــــــــــــــــــــــــــــــــــــ ــــــــ
ــــــــــــــــــــــــــــــــــــــــــــــــــــــــــــــــــــــ ــــــــ
حي الجواب إلي لفنا من الرأس
جابوا غلام ما تونا مسيره
أهلا هلا عد ما حبك قرطاس
أو ما كتب فوقه ابيوت شطيره
جواب منهو لي مود من الناس
أبوى ما يوصف حلى الغيره
فرز الوغي على الوكر قرناس
أقروم ربعه كلها تستشيره
دليل عيرات الى هب نسناس
ثم ادلهم الجو وما به ذخيره
مهفي الغم الاهل الركاب و الافراس
لا روحوا له لا عليهم قصيره
راعي معاميل بها العبد جلاس
للبن يشرى بالسنين العسيره
هذي بمر كاها و هذى بمحماس
و هذا يصبه للوجيه السفيره
و أخلافذا يا راكب فوق عرماس
مأمونه من نقوت الهجن عيره
حمرا و هي في سنها و قم الاسداس
متوسط لا فاطر و لا هي صغيره
ما هي لحوح راكبة بالعضا قاس
حرم عليها غير شيل النقيره
و الخرج هو وابيوت قيل بقرطاس
مع مزهب الايام ما هي كثيره
وفوقه أغلام منوته قطع الارماس
لو هو بليل ما تغير نظيره
و الى لفيت الدار فاجهر بالاحساس
و بلغ سلامي كل ذيك العشيره
و اختص أبوى الي نفل جملة الناس
و خصه بعلم و قل تراني بشيره
لا يانجي العرض يا بوى لاياس
إن كان تشكي الضيم فأنا اسيره
و إن سائلك عني تراني بنوماس
وأنا أحمد اللي ما توسلت غيره
المدح لو يشرى شريناه بأكياس
بأموالنا نرخص ندور الستيره
مطرق افرنج مضاريبه الراس
و مصلبخ جبته عساني ذخيره
من صنع نصراني مشروبه الكاس
تذكر وراء جاوه بعيد مسيره
أبغيه للي حادينك على الساس
اهل النمايم و الحكايا الكثيرة
ربع نووا فيك الردا و التخساس
مهبول يا اللي قال غايب عشيره
على دين لودع الجمع بنحاس
لين العشير ايقوم يلعن عشيره
يا ابوى أنا ما رحت الكيفت الراس
مع ذا ولاني في سفاه او غيره
أن ماسكنا الدار من غير هوجاس
و إلا نعاف الدار و ندور غيره
كله العينا كلمة قلت يا أدباس
تشكي و أنا دوني ابحور غزيره
خذلك يمين الشرع قطاع الانفاس
انه فلا جتنى اعلوم بصيره
لا نيب جاني منك حبر بقرطاس
ايضا و لا جتنى اعلوم سفيره
إن كان تشكي الضيق يا بوى لا باس
جاك الفرح يا ابوى هو و البريره
و الا فنا يا بوى قطاع الارماس
اصبر على الشدة ولو هي عسيره
يا مسندي يا بوى شوف اوكد الناس
ثم انشده قل ويش هو في مسيره
إن كان ما يفرح صديقك ابنوماس
تحرم علينا اللي نهوده صغيره
مدلول مجهول زها زين الالباس
بنت الذي يثنى اليا جت كسيره
طار يقول اظهر و طار بجلاس
قمت اشرب التنباك و أثره نكيره
ابغي عسى الله يبرد القلب يا ناس
من لاهب شبت بقلبي سعيره
و من كان له غائب فلا يقطع الياس
إن قدر الله جاب علمه بشيره
قصيده معبره
يعطيك الف عافيه على الاختيااار
ننتظر المزيد من هذه الروائع
تحيـــــــــــــــــــاتي
نورتي صفحتي
الروآئع لا تكمل إلا بوجودك
طال عمرك