أحيانا يجلس الأنسان مع نفسه لحظات صدق ٍ يحكي ما بداخله.. يتحاور مع عقله وقلبه… يختلف معهما تارةً وأخرى يتفق… وأحيانًا كثيرة يصل إلى حل وسط.. وبما أن الحوار ما زال مستمرًا والصراع ما زال مستمرًا بينهما.. كانت أحساساتي هذه التي ترجمتها هنا..
جيت أبوصف احساسي في سطور..
زادت حيرتي وصارت الدنيا تدور..
في منهو حبها كل ما فيني..
حتى حبي..
واختلف عقلي وقلبي..
سألت العقل.. وش ممكن يقول..؟
وش بيوصف من أحوال الذهول..؟
رد عقلي بعد طول انتظار:
" أنت فاهم وشهو معنى الاحتضار..؟
وش لك يا ( فيصل ) تحب أناني..؟
يعني باختصار..
هذي سلبت أحلامك والأماني..
وخلت جروحك من سبايبها تعاني..
حطمت في أحلامك كل معنى وتعبير..
وسوت إللي ما يصير..
لجل توصل مبتغاها..
أنسانة ما عندها ضمير..
هذي كل إللي قدرت..؟
تمسكنت لي ما وصلت..
ومن حياتك تمكنت..
وأحلامك لجل مصالحها تحولت..
وبعدك تقول: (احبها) ..
إللي لعبت بمنهو حبها..
وين الأمان بدربها..؟
وين الحنان بقلبها..؟
وين الحب الضايع من سبّها..؟"
ارتبكت..
ارتعشت..
عقلي يقول هذا الكلام..؟!
ما توقعت..!
قبل لا يحل الظلام بحياتي..
واظلم حبيبة قلبي وغلاتي..
والظلم آخر صفاتي..
تركت القلب يتكلم..
ومن أحزانه يتألم..
وبجروحه يتعلم:
"حبيبتي حبها ما ينوصف بالكلام..
غيرت فيني كل مفاهيم الغرام..
أأسرتني من حكيها..
حاصرت عمري بإيديها..
غيرت في دنيتي حتى الزمان..
صار كل الوقت يشعر بالأمان..
معها.. حياتي وحاضري..
وذكرياتي وفرحة ناظري..
معها خفوقي هاجر لفوق السحاب..
نسى كل البشر..
نسى مفاهيم العذاب..
والهنا في دنيتي من سبايبها انتشر..
يا ناس هذي مو بشر..
هذي ملاك..!!
هذي خذت كلي..
خذت حتى غلاك.."
مدري والله وش أقول..
حيرتني ما بين أقوال وفعول..
قلبي وصف طبع ٍ خجول..
وعقلي حكى حكي معقول..
أنت يا قلبي تبالغ في غلاها..
الموضوع الأصلى من هنا: http://bayt.el-emarat.com/#21508#post203736
وش أسوي في حلاها..؟
إللي زايل مع وقت ٍ خذاها..
بس عمر جروحها ما راح تروح..
وش يداوي عذاب ٍ جرح هالروح..؟
وش يرد العمر وأيام ٍ امتلت بالجروح..؟
أنا عنك بروح..
بتكوني في عمري درس وتعلمته..
جرح ٍ حرجني وتألمته..
كلام بلا معنى تكلمته..
بنسى في عمري شقاي..
واتبعه عقلي وهناي..
راح أعيش العمر دامك مو معاي..
راح أنسى..
كل شقى عمري وبقسى..
على وقتي..
على أمسه..
على من لعب بنفسي ونفسه..
راح ألاقي لك بديل..
واحد أصيل..
يقّدّر الحب الجميل..
إللي بقدمه بخفوقي..
هذا انا قلتها وربي فوقي..
راح أنسى وقت ضيعته معاك..
وابتدي قصة جديدة..
ما بها أنتي ولا فيها هلاك..
وأنتي خلك عن أحلامي بعيدة..
يمكن يجي يوم وتلقين أسمك وجرحك..
داخل أبياتي في قصيدة..
اخر بقاياتي
وذكرياتي وفرحة ناظري..
معها خفوقي هاجر لفوق السحاب..
نسى كل البشر..
نسى مفاهيم العذاب..
a:::a:::a:::a:::a:::
تقوى الهجر…
صح الله لسانك اخوي..
وعساك ع القوة…
.
.
تحياتي…
زهرة البنفسج
شوقي عذبه الحنين
من مضى وأنا في أنين
وش بقي غير الجروح
خل كل همي وروح
وترك احساسي بعيد
يا أناني ياعنيد
ما خذيت غير التعب
وألم ويا العتب
ياهمومي هاوديني
واكبي ركب السنيني
يا(فيصل) خلها لوحدها
بكره تحس علي دمها
وتعرف يوم من هي وش قدرها
تناسي ياعذابي يا جروحي
واتركي همي ونوحي
بكره بيجي بشراقه يلوحي
انا اسيرك يالهوى
بماى حبك برتوي
وبحضن حبيبي برتمي
ما اروع ما سطرت ….تقوى الهجر…..ابقى صامته لحروفك
دمت بحترام
روعــــة الزيـــن
جميل الانسان ان يقف بين الصمت والحيرة لكن ما اجمله حينما يمسك قلمه ويعبر
فجميل تعبير ك يا خي وتقبل اعجابي واحترامي الشديد
صرخه عذاب
كل شقى عمري وبقسى..
على وقتي..
على أمسه..
على من لعب بنفسي ونفسه..
راح ألاقي لك بديل..
واحد أصيل..
يقّدّر الحب الجميل..
إللي بقدمه بخفوقي..
اخي
~ فيصل~
كلمات ولااروع لا استطيع القول سوى انك ابدعت ابدعت
دمت دون الم و حزن