عجز القصيد 2024.

يمدح أبوه ويزيد..

من الشعر والكلام والقصايد يعيد…

يا هو شهم ٍ..

يا هو كريم..

(بو علي) عسى حاله يديم..

تفز له العربان..

ونسمي له بالرحمن..

لأن منزله في قلب ولده عظيم..

طلع قمة المجد..

وبنى له في علاها بيت..

فتح بابه لأكبر حشد..

لو تتعلى كل الناس في خلقها ما تعاليت..

ياليت..

كل الناس توصلك ياليت..

أنت الامان لكل من جاك خايف..

وأنت فعولك فوق كل الوصايف..

وأنت بين الخلق بالطيب ممدوح..

قلب ٍ عطا للجود وللخير مفتوح…

يا عسى أيامك سعد وفروح..

تسلم ويسلم ذراع ٍ للخير مديته..

إن كان كلامي هرج..

والله ما كنت عديته..

لكنك أنت الخير بالثنتين شديته..

يا كبر معروف ٍ فينا سويته..

هو لازم يرده لكن أنت رديته..

ولدك إللي يعزك..

وفي القلب لك بيته..

يدعي لك..

عسى الرحمن بالعمر الطويل يمدك..

وعسى بالهنا والسعد لك الخالق ما يردك..

وعسى ما توقف الأيام ضدك..

يا رجّال الكرم..

ياللي لا قبلك في البشر مخلوق ٍ..