مســاء الخير والأحساس والطيبه
مساء مايليق الا بعشاق شاعر الأنسانيه "عبدالرحمن بن مساعد"
شاعر تميز بعزفه على اوتار الحب فأبدع وعزف على اوتار المجتمع فأمتع
حبيت اخذكم في جوله على افضل مانثره هذا الشاعر من أشعار اعشقها
مســـاء الـخـيـــر
مساء الخير والإحساس والطيبة ….. مساء ما يليق إلا بأحبابي
مساء غير غصن لطير يحكي به ….. عن اللي مسكنه جفني واهدابي
هلا باللي أحبه كثر تعذيبه ….. وكثر ما هو يغيب وكثر ترحابي
حبيبي هو ولو ما قصر الغيبه ….. ولو عن بسمتي قد طول غيابي
اعرفه زين واعيتني أساليبه ….. عدوي يوم ويوم أقرب من اصحابي
ملكني بين ترغيبه وترهيبه ….. يفارقني وهو واقف على بابي
به الصادق بها الغارق باكاذيبه ….. يبي بعدي ودمعه بلل اثيابي
بها القسوه بها الرقه بها الهيبه ….. بها الضعف القوي به نشوة اغضابي
هلا باللي يصيب العطف بالريبه ….. يقول العفو أنا زايل ويبقى بي
هلا باللي يقول الورد وس لي به ….. من المهدى أنا أو هو لاطيابي
هلا باللي علي يقسى وأماري به ….. هلا باللي أبد مالان لا عتابي
هلا باللي عجزت ألقى عذاريبه ….. هلا باللي تحبه كل اسبابي
مساء فات كل الشعر ترحيبه ….. بجية من سكن جفن واهدابي
مساء فاض بالاحساس والطيبه ….. مسا ما يليق إلا بأحبابي
( فـقـيــر )
فقير وعندي المال الكثير ..
فقير وملبسي غالي حرير ..
وياصاحبي الحافي الفقير ..
ابنشدك ابسئلك وشهو الحصير ..
وابسئلك وشلون انا امر وانهي ..
واذا حكيت قبل انتهي من كلمتي ..
يقاللي سم ويصير ..
ولاشكيت من غفلتي طول زمنها ..
يقاللي لاتشتكي ماخلقت الشكوى لأمير ..
وابسئلك وشلون انا مع كل ذا ..
!!!اقول عن نفسي فقير؟؟؟ ..
ياصاحبي لاصار لضحكه ثمن ..
وصارو اصحابي كثيربس بثمن ..
والوفاء مابه وفاء الا بثمن ..
ابسئلك ماني فقير ؟؟؟ ..
ولاصارت اقوالي حكم ..
ولاقالها غيري غدت .. حكي قديم ..
ابسئلك ماني فقير؟؟ ..
ولاصرت انا مانيب انا ..
ولاغلطت قالو صحيح وكل شي اعمله يصبح عظيم ..
ابسئلك ياصاحبي ماني فقير؟ ..
وياصاحبي ابنشدك لمن جفتني دنيتي ..
وابتدا الدرب الطويل الى ابد ماينتهي ..
وانتهي العز القديم وماكنت اظنه ينتهي ..
والموت بدد فرحتي .. وحطوني في قبر صغير ..
وحزنو علي وبكو هلي وناس من ربعي قليل ..
وارتاح من وجهي كثير ..
وبقيت وحدي في حيرتي مابه احد ..
لاطال عمرك ولاتحت امرك ..
ماغير انا وخوف ولحد وحساب قدامي عسير ..
وقتها ذكرت اني من زمان ..
يوم انه امهلني الزمان ..
هذا ظلمت هذا جرحت ياما كذبت ..
وذنوبي ماتحصي كثير ..
وقتها الا ندمت ونفسي كرهت ..
عرفت ان الله كبير وان الهلاك اصبح اكيد ..
واني انا مالي رجاء..ولاهروب من الدجاء ..
من الجحيم الا بأمل عندي وحيد ..
ان الله غفار ورحيم ..
ابسئلك ياصاحبي عني في وقتها ..
ماني فقير؟؟ ..
الـبـرواز
قلتيلي إنسى
ومن يومها وأنا كل ليلة قدامي البرواز
حبر العيون ودمع القلم في دفتري
وصورتك رغم الألم
ورغم إنها خذت من أطباعك كثير وخانت البرواز
أشوفها في خاطري
حبيبتي ما بيدي حيلة
لا صرتي الصورة وعيوني البرواز
وشلون ابنسى
أتعبتي الصورة مشاوير
وتعبت أنا بلقى لغدرك معاذير
وصورتك اللي سجنت بروازها طول السنين
كانت جسد وبروازها الروح
ويوم نزعت منه الجسد تجرحت أطرافها
وبجروحها راحت لمين .. لبروازها الثاني
مسكين .. بيسجنك ويبقى سجين
تشبه لك أقداره خانته
وصورتك يجي يوم وتخونه
حبيبتي .. أو للأسف حبيبته
لا صرتي الصورة وجفونه البرواز
وشلون ينسى
الموضوع الأصلى من هنا: http://bayt.el-emarat.com/#70557#post1082683
حبيبتي لأجل أنسى جرحك واستريح
بابكي .. وبعد البكى بابكي
واكيد في لحظة بتجي وبيجف دمعي
وعندها صورتك اللي في عيوني
بتعاف برواز الضمى
بتصير صحرا وهو سما
بتمرني الدمعة الأخيرة
تاخذ معاها صورتك وتطيح
وكني بهالدمعة سكين جرحها وجهي
وكني بالمسافة تطول ما بين عيني ودمعتي وخدي
وكني بقلب الحاير المسكين نبضه يقول
لا تودع الفرقى .. الدمع ما يرقى
وعندها لا نزلت الدمعة من الجرح الأخير
وفارقت وجهي أنا
بغمض عيوني وأكسر البرواز
وأكيد ابنسى
تدرين وأدري
تدرين وادري بنفترق
وتدرين قلبي بيحترق
حنا اتفقنا بكل شي .. الا الزمن
عيا الزمن لانتفق
ولاتزعل .. لو نفترق
قلبك خلي .. وقلبي انا اللي بيحترق
ياوردة في كل الفصول .. يافرح عيا لا يطول
قولي واقول .. ان كان عندك لي حلول
يافرحة القلب الحزين .. الوقت يمر ومالك عذر
كانك تبين .. ننسى العمر .. ننسى السنين
ونذوب في حب وحنين
تدرين وش سر الحكايه؟ الوقت يمر
ولكل شي لابد نهايه
وحنا قربنا من النهايه
ومالك عذر .. يابسمه الثغر الخجول
ان كان عندك لي حلول .. وان كان ودك نتفق
والا ترانا بنفترق .. ولا تزعلي لو نفترق
الموضوع الأصلى من هنا: http://bayt.el-emarat.com/#showthread.php?p=1082683
قلبك خلي .. وقلبي انا اللي بيحترق
ياحب يادنيا جديدة .. يااحلى ابيات القصيدة
ان كان جرحي ماكفى .. انزف لك جروح جديده
وان كان شعري ماوفى .. انسى الحكي وانسى القصيدة
يااحلى ايام العمر .. كثر الحكي وش بيفيد
مابقى عندي صبر .. والجرح في قلبي يزيد
مالك عذر
يابسمة الثغر الخجول .. ماظن عندك لي حلول
وماظن ودك نتفق .. واحنا ترانا بنفترق
ولا تزعلي لو نفترق
قلبك خلي .. وقلبي انا اللي بيحترق
النظرة الخجولة
ما سألتوا صاحب النظرة الخجولة …. كيف يسهرني وله وجهٍ صبوح
كيف يظلمني وله طهر الطفولة …. كيف يفتنّي وهو دايم يروح
وكيف أنا ألقى ربيعه في فصوله …. دام كذبه صادق وصدقه مزوح
له صـفاتٍ تورد العاشق ذهوله …. مستكين صامت وكلّه جموح
أصعب الأشياء وأكثرها سهوله …. أغمض الأشياء وأكثرها وضوح
سهل تغرم به وصعب إنك تنوله …. غامضٍ طبعه وواضح في الجروح
أسعد بشوفه ولكن ما أطوله …. كنّي الوادي وهو أعـلى السفوح
يبتسم لا منهم عنّي حكوا له …. ولا حكوا لي عنه أعماقي تنوح
لي بقلبه شيٍ لكن ما يقوله …. وله بقلبي كلّ و لكنّي أبوح
كنّه الغيمه وانا أرجي هطوله …. ما نزل غيثه ولا برقه يلوح
ما عرفتوا ليش تسهرني فعوله …. وليه يسكنّي وهو دايم يروح
هو يبيني بسّ أطباعه خجوله …. وما يبيني أغفا وهو وجهه صبوح
الصبـــر
الصبر مالي أنا إلا الصبر
الغدر .. وشلون جاء منها الغدر
يا قلب أبي منك العذر
أنا ما هقيت ان الفجر يقدر يخون وقت الفجر
وان السنين تقدر تمر ابلا عمر
لا ما هقيت ان الوفاء في قلبها ماله قدر
واني أنا محتاج مني الصبر ..
يا قلب أبي منك العذر .. وان ما رضيت مالي جدى كود الصبر
……………………………
يا جرحي في كل الدهر فارقت أنا دنياك
يا طعنة وسط الظهر لابد أنا أنساك
بنسى أنا كل اللي راح .. بنسى الفرح لجل الجراح
بنسى قصيدي والشعر .. بنسى سنيني والعمر
مع الهجر يمكن في يوم اسلى
وان ما سليت أو ما نسيت
منك العذر .. مالي جدى كود الصبر
………………………………
ياللي خذلتي مدمعي .. ان كان ودك ترجعي
عندي طلب لا ترجعي
ياللي خذلتي مدمعي .. ان كان ودك ترجعي
شرطي صعب
لو تجمعي اهات قلبي اللي انجرح .. وتنسي السعادة والفرح
وتتعذبي وبعد العذاب تتعذري
سألـتـهــا
سألتها ليه البحر ساكن عيونك
جاوبتني للغرق
سألتها ليه السواد اللي في عيونك
قالت للأرق
سألتها ليه الخدود
قالت عبق
سألتها هي رقتك مثل النسايم و الورود
قالت لي لأ يمكن أرق
سألتها عن حسنها كنه يقول ماللشعر فيني حدود
قالت صدق
سألتها يا اغلى الأنام .. وشو الغرام ؟؟
قالت لي انك ما تنام .. و أوهام
وتنتظر شمس اللقا و ما تجي شمس اللقا
ومشوار ما يعرف وصول
ولحظه بها كل الفصول
وقلب واحد يحترق
وبعض الصدق
ووقت عصيب و يتبعه وقت عصيب
ولين يتعدى الصباح
وجراح تدمى لو تطيب
وفي الأخير .. خل عن خل افترق
وفي الأخير كل النهايات الفراق
ما في فرص
مافي نهايات بلقا إلا في خيالات القصص
سألتها وش هو الوفا ؟؟
قالت كفى .. النور من ضيي اختفى
والليل في عيوني غفى
اترك كثير الأسئله .. اسأل عن عيوني و كفى
اسألني ليه البحر ساكن عيونك ؟؟
ليه السواد اللي في عيونك ؟؟
سألتها جاوبتني للغرق .. للأرق
سألتا عن حسنها كنه يقول
ما للألم فيني حدود
قالت صدق ..
وبختمها باجمل قصيدهـ احبها شخصيا
وعلى قولتهم مسك الختااام
قالـــوا تـــرى
قالوا ترى مالك أمل ….. في قربها لو يوم
ابعد وجنب دربها ….. وهذا هو المقسوم
قلت اتركوني واسكتوا ….. خذوا العتب واللوم
قدني غرقت اف بحرها ….. ولا عاد يفيد العوم
….
قالوا ترى في حبها ….. ويل وأسى واهموم
قلت ان قتلني حبها ….. حسبي تقول مرحوم
قالوا انسى ذكرها ….. منتب بها ملزوم
قلت ابشروا يا عاذلين ….. بنسى لذيذ النوم
….
قالوا بتلقى غيرها ….. واترك هواها اليوم
قلت العفو يا حاسدين ….. ما ابدل قمر بنجوم
قالوا لغيرك حبها ….. قلت الجواب مفهوم
دام انها متهنيه ….. وشلون اصير محروم
….
بقضي الليالي انتظر ….. صابر على المقسوم
متعلق بطرف الأمل ….. يمكن يجيني نوم
قالوا ترى مالك أمل ….. في حبها لو يوم
ابعد وجنب دربها ….. وهذا هو المقسوم
أتمنى انكم تكونون اسمتعتو معي
نثرتـــه
/
/
/
ع ذوبه
مقتطفات عانقة روس الغمام بروعتها
شاعر غني عن التعريف مثلما ذوقك شكرا لك
لك التقدير والتحيه
إحترااامي
انرتـ متصفحي بتواجدك
كل الشكر لكـ
يعطيك الف عافيه مقتطفات في غاية الروعه
كل الود ,,
أسعد بشوفه ولكن ما أطوله …. كنّي الوادي وهو أعـلى السفوح
يبتسم لا منهم عنّي حكوا له …. ولا حكوا لي عنه أعماقي تنوح
لي بقلبه شيٍ لكن ما يقوله …. وله بقلبي كلّ و لكنّي أبوح
كنّه الغيمه وانا أرجي هطوله …. ما نزل غيثه ولا برقه يلوح
ع ذوبهـ ..
اكاليل ورد لما نثرته اناملكـ ..
فائق احترامي ..
احاسيس