![]() |
|
![]() |
|
قصيده من افضل قصائد الشاعر الكبير حامد زيد
اتمنا تعجبكم
السـبـع الـعـجـايـب
اسمعي والكل منا له هواه وله ميوله
لا تمسين بكلامك شعره برووس القرايب
ان حكيتي ما وفيتي وان تحديتي عجوله
تحسبين ان كل فعلاً تفعله يمناك صايب
تحسبين انك خذيتي في الحشى صوله وجوله
تحسبين اني ذكرتك مع نسانيس الهبايب
والله انج لو ذبحتي خافقي لألقاك حوله
عاشقاً تشقى بقلباً من طريق العشق هايب
كم رضيت اسكت عليك من القهر وانتي زعوله
خايف اضحك واستفزك واهجرك واعيش ذايب
ادعيت انك خجوله وادري ان ما انتي خجوله
وادري انك تخجلين الشمس من فوق السحايب
ما يحببني بقلبك يا الهنوف الا فضوله
وما ينسيني غرامك غير تكرار المصايب
عاشقة جيتي ورحتي يا الحبيبه يا العذوله
ما بنيتي لي طموح ولا تركتيها خرايب
تستبحين القلوب وتستحقين البطوله
واستحق اعيش بعدك تايب واموت تايب
يا كثر ما شال قلبي شياً اكبر من حموله
ولا عفيتي عن غلاه ولا بخل لك بالوهايب
كنه ارحم من همال المزن للزهر بذبوله
وانتي اقسى من سموم البيض وكفوف اللهايب
وانتي ادرا في غلاك بداخلي وش اللي يزوله
وادخلي دخله على الله واحفظي ذيك السبايب
ما خبرت اللحظه اللي حللت قربك تحوله
ولا هقيت اني بشدد للجفى قلب وركايد
وما هقيت انج تحبين الزلل وانتي جفوله
وما هقيتك تكرهيني كثر حبك للطلايب
كن قلبي في وصالك وابلاً لحظه نزوله
الموضوع الأصلى من هنا: http://bayt.el-emarat.com/#44220#post531994
وفي فراقك مثل دمعه تنحدر من عين شايب
كنت ابي وقفة حبيبه تنهض القلب بحموله
طامحـ (ن) بالحب وانتي عايبه والحظ عايب
كنت غصناً كل كفاً غير كفك ما يطوله
كنت درب ودمعتين وقلب وجروح عطايب
كنت ابيع العمر كله وارخصه عرضه وطوله
للعيون اللي هدبها ثامن السبع العجايب
بس ابرضي لك غرورك واكسر القلب بذهوله
وقتها ما كنت افكر صايباً او كنت خايب
والرجل لو ما تحلى بالشهامه والرجوله
صدقيني صعب يقدر يملك قلوب الحبايب
صدقيني ما يوالف خافق البنت بسهوله
بالهوا يا بنت حواء غير طلاب النشايب
والسهر والعشق الاول والهوا واللي ينوله
شياً اقسى من همومك والعنه حاضر وغايب
والهموم اللي دعتني من بعد سن الطفوله
كلها من تحت راس العشق ملعون الصلايب |
|
![]() |
|
![]() |
اخي يا وجودي
بصراحة قصيدة رائعة
صح لسان شاعرها حامد زيد
وسلمت اخي وسلمت يمناك على حسن ما انتقيت
ودوم تمتعنا باختياراتك الجميلة
خالص شكري وتقديري
الله يسلمك اختي عطر الكلام
وشاكر على مرورك على المشاركه
وتقبلي تحياتي اخوك وجودي
يا وجودي
الف شكر لنقلك اجمل قصايد شاعرنا واخونا الغالي حامد العازمي
سلمت يديك وسلم شاعرها
خالص تقديري ,,,
اخوي بقايا جرووح
الف شكر على مرورك على الموضوع
خالص تقديري