طبعا للي ميعرفوش المنطقة دي خلينا نقولهم رحلتنا انهاردة حتكون لفين في العتبة ….
ميدان العتبة
سور الأزبكية- ( أكبر مكتبة كتب في قلب القاهرة )
الموسكي
درب البرابرة -( مركز بيع النجف و أدوات الإضاءه )
حمام الثلاثاء .(مركز بيع أدوات المنزل )
المناصرة .( مركز بيع الأثاث)
أتمنى أن جولتنا إنهارده تعجبكم …و تنول رضاكم
ميدان العتبة
أحد أهم مناطق القاهرة على الإطلاق، زمان كان اسمها العتبة الخضراء ..و طبعا مبقاش في أي خضار فيها دلوقتي .. فبقى اسمعها العتبة …
حنروحها إزاي … مينفعشي نروح بالعربية و لا الباص عشان الزحمة … الحل الأسهل دلوقتي هو مترو الأنفاق ……
و حنطلع من المحطة ….
طبعا أول ما حنطلع حنلاقي سور الأزبكية قدامنا بس مش حنتكلم عنه هو الأول .. لا حنبتدي من العتبة نفسها و بعدين نتكلم عن سور الأزبكية و باقي المعالم
زي ما قلنا قبل كده نظرا لان العتبة تعتبر من أهم المراكز التجارية لكل طوائق الشعب و رخص أسعارها الكبيييييير عن باقي أسواق مصر الأخرى تعتبر من أزحم مناطق مصر …..
المصريين بيجولها من كل مكان ، مش ممكن تكون عايز حاجة و متلاقهاش هنا .. ومع أن غالبية زبائنها من الطبقات المتوسطةو الأقل ، لأسعارها الرخيصة ، فإن الأغنياء برضو بييجوا هنا , و ده طبعا للي عارفين المكان كويس و زحمته و الطرق …
لبس خروج و عبايات و لبس بيت و أحذية و شنط و كوووول حاجة بإرخص أسعار في مصر على الإطلاااااااااااااااااق – مش حتلاقي أرخص من كدة في مصر أبدا ..
بس طبعا في فصااااااال و بالذات مع الباعة اللي فارشين في كل مكان في العتبة …و انتو و شطارتكم …..
الموضوع الأصلى من هنا: http://bayt.el-emarat.com/#166712#post1980948
و طبعا …. فرق كبير في الأسعار عن بره …..
بس مش هو ده بس سر جاذبية العتبة …..
سور الأزبكية …..
طبعا دي أحلللللللى ..و أجمل مرحلة في رحلتنا يا جماعة هي دي …
أول ما نطلع من محطة مترو الأنفاق الخاصة بالعتبة …..تلاقوه في وشكم عالطول …
واحنا ف الطريق تعالوا احكيلكم عن تاريخ السور دة……
بدأ السوق بمجموعة من باعة الكتب القديمة حيث كانوا يقومون بشرائها من مكتبات (دار السعادة)، (والآداب) وغيرها وكانوا في البداية يقومون بشراء الكتب صغيرة الحجم ويقومون ببيعها على مقاهي المثقفين (مقهى ريش وزهرة البستان)، أما في ساعة القيلولة وحين تغلق المقاهي أبوابها فكان هؤلاء الباعة يلجئون إلى ميدان الأوبرا للاستراحة في ظل الأشجار التي كانت تملأ الميدان آنذاك وأصبح شارع (حمدي سيف النصر) الذي يفصل بين حديقة الأزبكية والأوبرا الملكية مكانا لعرض بضاعتهم من الكتب تجذب المارة فيتوقف بعضهم لشرائها".
الموضوع الأصلى من هنا: http://bayt.el-emarat.com/#showthread.php?p=1980948
و مع الوقت استقر الباعة في المكان، واستمر الوضع إلى أن قامت ثورة 1952 وقام الرئيس جمال عبد الناصر بإنشاء أكشاك ومكتبات لهؤلاء الباعة……
و الحقيقة يا جماعة …ان السور دة كنزززز كبير للي يقدره و يعرف يطلع أحلى ما فيه … يكفي إن اقولكم إن ممكن تلاقو فيه موسوعات وكتب قيمة بنصف و ربع أسعارها برة
و فيه الكتب المستعملة إستعمالا جيدا بإسعار خرااااافيه… أيون … انا اعني ما أقول … يعني لو أقول ل إن أشهر الروايات لاشهر الكتاب كتولستوي و فيكتور هوجو و غيره كانت بتباع ب 20 جنية و هي سعرها يصل ل 100 و اكتر في بعض الطبعات الأخرى في آخر معرض كتاب في القاهرة حتعرفوا قصدي اية …
غير روايات توفيق الحكيم و كتب العقاد .. و كبار المؤلفين … في الماضي و حاليا ….
ده غير الأبحاث و المراجع القديمة بإسعار حلووووة …و الموسوعات …
و للي عايزين كتب جديدة حتلاقو برضو أحدث الكتب و الروايات .. ديني .. علمي … كتب جامعات … دراسة .. كتب خارجية … كوووووووووووووووول اللي تتخيلوووه
و طبعا مكان سور الأزبكية في معرض الكتاب كل سنة بيبقى زحمة فوق الوصف …. فاحسن الواحد ييروح بنفسه و يعيش بأه … في عالم رائع … طبعا لمحبي الكتب و الروايات
و مش حوصيكم .. الفصال .. ثم الفصال
و الله ده حتى مجلدات ميكي و سمير و غيرها للإطفال و القصص و الكتب المصورة و غيرها ….
الخلاصة … أجمل و أرخص مكتبة في مصر كلها …. بتناديكم
فعلا شرح تفصيلي وكأني زرت المكان
تسلم ايدك كارولينا
صور جميلة كتير
تحياتي