إليكم هذا الشعر الذي أعجبني عن:
يواسيني وأنا الميت
قصيدة كتبها شاب عمل حادث سيارة و والدته كانت معاه وكان مسرعا
نتيجة هذا الحادث
الوالدة توفيت نتيجة الاصابات الخطيرة
و هو إصابته كانت خفيفة
و هذي الأبيات قالها للي يواسونه
يواسيني وانا الميت وحالي يجبر الدمعات
تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني
وكنه حلم قدامي يقيدني من الصرخات
ابي اصحى ولكني عجزت القى ال يصحيني
فداك القلب يايمه ومهما قلت من كلمات
صغيره في كبر حقك بس اتمنى تعذريني
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني
تجول عيونهم فيني تفصل مني قياسات
الموضوع الأصلى من هنا: http://bayt.el-emarat.com/#22142#post214057
وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي اباكيه ويباكيني
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني
يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
واترك عادة التدخين وانفذ ما تبي بسكات
واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات
ابيك انتي ولا غيرك على موتك تعزيني
وضميني وداويني مثل ما كانت الهقوات
ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني
اللهم ارحم والداته . . وصبر كاتب هذه الكلمات على مصيبته
مازال في الوقت متسع لمن عنده والديه أن يبر بهما …. قبل أن يأتي وقت لا ينفع فيه الندم….!!! هل من متعظ ؟؟
اخووووكم الشجاع
الله يسلمك
سي يو سون
بحرينية دمي ازرق
اللهم ارحم والداته . . وصبر كاتب هذه الكلمات على مصيبته
ولاهنتوو
اخووكم الشجاع
تسيل من الذي فيني ويبكي وهو يواسيني
صح لسان قايلها
يعطيك العافيه الشجاع 🙁