السلام عليكم
الموضوع الأصلى من هنا: http://bayt.el-emarat.com/#216496#post2055957
اقدم لكم اليوم
وصفة المنسف لرمضان بطريقة شهية
اتمنى تعجبكم
المنسف يقدم بالاردن بالمناسبات وعزايم والاعياد
لحم أو دجاج كلهم بنفس الطريقه
المقادير لحم او دجاج ، لبن روب ، جميد او الكسيح ماتفرق ، رز مصري ، ورق غار ،قرفه ، ماء ، كركم حسب الرغبه ، هيل ، ماجي ، بصل
فستق ، لوز ، بقدونس ، خبز رقاق اسمر ، او شراك هو نفسه خبز الصاج لوصفتي السريه جبن البقرات الثلاث ، سمن بلدي ، زيت
نبداء
نقطع البصل صغير أو برش ونحط ع النار لين يتحمر
نضيف اللحم او دجاج ونقلب شوي ، ونحط هيل بدون طحن ، ورق الغار والقرفه ونحط ماء ونخليه ع النار لاتحطون بهارات لاجل مايتغير لون المرق بس اللي قلته
وأذا بغيتي لون أصفر حطي كركم
لين يستوي الدجاج او اللحم ،
بالخلاط نحط لبن روب ، وجميد اللي يكون منقوع ونحط جبن البقرات الثلاث
وفيك تحطين بس لبن روب ، او الجميد ، بس بالطريقة اللي ذكرتها يطلع طعم ألذ
ونضيف القادير اللي بالخلاط ع اللحم او دجاج لين تحسن انه ثقلت وصارت مرق
ونضيف حبة ماجي وملح بس انتبهي بعض الجميد يجي مالح لاتغامرين بزيادة الملح
ونخليه يغلي عشر دقايق باللبن ونطفي نار وكذا انتهينا من طريقه الاولى
طريقة عمل الرز بطريقه العاديه
رز ، ملح ، سمن ملح هيل ، قرفه ، كركم أذا بغيتي لون الاصفر
وتحطين شوية من مرق اللحم ولبن على الرز وتخلينه لين يستوي
وكذا انتهينا
نحمر فستق ، ولوز ، وصنوبر
تقديم
نجيب صينيه كبيره ونحط خبز الشراك
ونشربه بمرقة االلبن ولحم
ونحط الرز فوق الشراك وبعدها نحط اللحم ، وملعقة سمن بلدي من فوقه
ويزين بالبقدونس وصنوبر ولوز وفستق
ونشرب الرز بالمرق وتحطين جنب الصينيه مرق للي يبي يضيف مرق ع المنسف
عوافي