مساكم الله بالخير وصبحكم بمثله
في احدالمناسبات التى حضرها مجموعة من رجال يام على راسهم الشيخ سالم ابن منيف دار الحديث حول البن والدله وكيف ان القهوة اصبحت تطبخ على الغاز وتشخل في الثلاجه او الثلجية كما وصفها الشاعر وكيف ان هذة الثلاجه بدات تاخذ مكان الدله التى تمثل رمز الضيافة والكرم وتراث الاباء والاجداد مشبهين ذلك بالرخمه التى حلت محل الصقر .
وقد توجه الشيخ سالم ابن منيف بطلب للشاعر الشيخ حسن بن قوير بان ينظم قصيدة تشيد بالبن والدله ومكانتها في تراث الاباء والاجداد وتبين عيوب الثلاجه وتقلل من شانها حتى يتجنبها الناس .فجاءت هذة القصيدة ( عن البن والدله وتراث الاباء والاجداد )
الموضوع الأصلى من هنا: http://bayt.el-emarat.com/#62306#post893491
ياابن منيف الحكـي تعـرف معانية = تاريخناعندكـم مـن سابـق وتالـي
والسيل يأبن منيف اخطى مجاريه = والصقر حل الرخم في وكـره العالـي
والبـن مايزهــى الا فـي مصافيـه = يقدم على الضيف وهو في سجه البالي
الله عــزه وبـارك فــي مجانــيـه = ماشرهت البن كـون دلال رسلالـي
يحمس على الجمر تشغله النشاميه = ماها زلال وما جاهـا لهـب غـازي
ويازين صب الـدلال بظـل عصريـة = تدرج على كل سمح خاطـرة سالـي
ويفـز قلبـي لمـا ريـت السنافيـة = تقبـل علـى بدلـه تشـرح البالـي
ومن يشخل البـن ويحطـه بثلجيـه = قلت سلوبه وضيـع سلـم الاجـدادي
تحتار فـي صبـه الا كثـرت اوانيـه = ما ينعرف ترمس الصافي من الشاهي
ياليت لـي امـر وامنعهـا نظاميـه = واجازي اللي يوردها مـع الشـاري
والختم صلـوا علـى طـه نبـي الله = سيد الخلايـق عـداد الوبـل همالـي
اتمنى انها تنال اعجابكم
دمتم بخير
ابو مهند
يقدم على الضيف وهو في سجه البالي
وانا اشهد
يعطيك العافيه اخوووي ابومهند
يحمس على الجمر تشغله النشاميـه
صح لسان شاعرها ولا هنت اخوي ابو مهند على نقلك الرااائع
وكل الشكر على حضورك الرااائع
مشــــــــــاري
ابو مهند
يعطيك الف عافيه اخوي
ما قصرت بارك الله لك
لك الف شكر على هذا الطرح
لك الف تحيه
حياك الله لاهنت
الله يعافيك على مرورك الطيب
دمت بخير
ابو مهند