ضايقٍ صدره وكاثـرةٍ شطونـه
ابدع القيفان من ضيقـات بالـي
والغناء ماهيب تخفانـي لحونـه
وقلت قول وبعلمـه للـي يبونـه
أشهد أن العز في كثـر الحلالـي
والعرب من قل مالـه يكرهونـه
الموضوع الأصلى من هنا: http://bayt.el-emarat.com/#119444#post1704046
من معه مالٍ تراه يصيـر غالـي
والفقير النـاس لازم يرخصونـه
يرخصه حتى الرفيق اللي موالـي
وأسرتـه لَقـل مالـه يبغضونـه
مايريـده لاعمـام ولا خـوالـي
ويمكن أن عيال أبـوه يقاطعونـه
والله لو هو مثل أبو زيد الهلالـي
مايحسبـونـه ولا يستعبـرونـه
والغني لو كان مايسـوى ريالـي
غاليٍ عنـد العـرب ويقدرونـه
ويمدحونه كل ما جاء له مجالـي
وأن بدى له لازمٍ يقضون شونـه
لو ذليـلٍ يخلعـه زول الظلالـ
ما يكافح لو يدفـل فـي عيونـه
أو بخيل عن مزايا الجود خالـي
ياخـذون بخاطـره ويجاملونـه
وعندهم هرجه كما السمن الزلالي
والفقير اليـا هـرج يستنكرونـه
وكم يعز المال من جـالٍ هيالـي
وكم عزيزٍ معسرٍ كثـرت ديونـه
وكم ردي حيث بيده راس مالـي
جو عكفان الشـوراب يخدمونـه
حدت الحاجة كريميـن السبالـي
يسمعون أمر الـردي وينفذونـه
وغيرت مجرى الدهر سود الليالي
والطلب طبع الخلايق عن يكونـه
واليمين اليوم صارت كالشمالـي
والعوارف مقصدي ما يجهلونـه
كل من كثـرت فلوسـه مايبالـي
} وأن خطب عند الرجال يزوجونـه {
والبني البيض حلـوات الدلالـي
من عجز في المرجلة عافن فنونه
والمراجـل ماتهيّـا للرجـالـي
غير من عقب اجتهـادٍ يبذلونـه
من بغا كسب العلا سهر الليالـي
والكسل يرث لراعيـه المهونـه
صدقونـي يامداغيـش العيالـي
وأتركوا نوم الضحى لاترقدونـه
ودي أرشدكم ولو ما أرشدت حالي
منصحٍ بالنصـح للـي يقبلونـه
والرجاء يالعارفين من الرجالـي
لابـدى منـي قصـورٍ تكملونـه
وأسمحوا لي يالنشاما في مقالـي
والسلام ختـام للـي يسمعونـه
قاله اللـي ذايـقٍ مـرٍ وحالـي
له روابع وأخلفت بقعاء ضنونـه
حمدبن هادي المسردي القحطاني
وقلت قول وبعلمـه للـي يبونـه
صح لسان شاعرهـأ وسلمت يمين ناقلهـأا
والفقير النـاس لازم يرخصونـه
مشكلة إذا صار المال هو كل شي بالحياة
صح لسان الشاعر
وتسلم ذاقئتك نهار لروعة الأنتقاء
نهـــــــار…………
من رحيقْ الشِعرْ
نصنَعُ عِطرَ الازمانْ
لا هنتْ ايها القديرْ على هذا الجَلْبِ الفائِقُ للفتنه
تقديريْ العميقْ