من قديم اوراقي
من كتاباتي
اتمنى ان تلامس احساسكم
************
مساء الخير
احرجتك
اكيد الليله ازعجتك
اخذتك من محبيّنك
بعد ماطحت من عينك
حبيبي
جزاك الله
عن جروحي
حياتي خير
انا ماجيت ابشكي لك
زماني عشته ابكي لك
ولاحسّيت
ولاحسّيت
انا جيتك
مع اوراقك
وحبن داخل اعماقك
انا جيتك ابي تسمع
ابد لايهّزك المدمع
حياتي كثر حبيتك
وقلبي مسكنك بيتك
كثر جرح الزمان
المر
كثر موت انكسار
الحر
انا جيتك اقولك بس
مصيرك ياحبيبي تحّس
مصيرك تنجرح وايد
انا ماني معك عايد
خلاص ارجوك
كفاني اليوم ماجاني
روحي
ياانانيه
ابد مافيك حنّيه
ولايطري على بالك
احد ينشد عن احوالك
بعد قلبي
بعد حبي
انا ياسيدي واحد
رماه الوقت باحضانك
رغم جرحك وتعذيبك
يمين الله ماخانك
حسبتك صادقه وياي
الموضوع الأصلى من هنا: http://bayt.el-emarat.com/#19995#post177771
مشيتك سّكتي واخطاي
حبيبي
يسعد ايامك
اذا مريّت باحلامك
مجرد حلم
تذكّر قسوتك والظلم
تذكّر ايه عبدالله
بمان الله بمان الله
يااول مصدر الهامي
وآخر جرحي الدامي
روحي عيشي ايامك
ولا تحّسين
عيشي الليله اوهامك
بعد للحين
اناابعد من احساسك
اذا انتي معاك
احساس
واقرب من هلك
ناسك
اذا انتي
تعّدي ناس
ابد ماينحني راسي
فقير احساس ياقاسي
ولاتدرين
ولاتدرين
ابد ماليله اتحّبين
انا الغلطان
ياقلبي
انا الغلطان
حسبته صادقن وانسان
انا الغلطان
سامحني
حسبته يوم صارحني
وقال اهواك
حسبته يحب
بعيونه
صرت الليله مجنونه
ماظنيت
لا … ورب البيت
ماظنيت يذبحني
ويطعن في سكاكينه
ولا ظنيت يجرحني
اذوق الغدر بيدينه
خطايه كنت نيّاتي
ابد مااحسب اوقاتي
كنت اسمع
غدر وفراق
وعالم تذبح الاشواق
لكن والله ماصدقت
اعيش الغدر وجروحه
ابد ماكنت اظن بيوم
تطعن قلبي وروحه
بدون اسباب
غير اني
جعلتك اول الاحباب
وآخرهم
حسافه قلبك الليله
رحل معهم
وانا ادري
وانا ادري
باكر تعرفي قدري
تجيني تبكي عيونك
جريح تقول ماخونك
يمين الله ماخونك
تجيني تنزف جروحك
كسير وكارهن روحك
تقول ارجوك سامحني
سامحني
اجيك احساس
واضمّك
اشيل اجروحك وهّمك
اسامح قلبك القاسي
حبيبي آه ياناسي
قلبن حب مايكره
يحب اليوم مع بكره
وهاذي حيل مشكلتي
مساء الخير
ياقلبي
مساء الخير
مصيرك ياحبيبي تحّس
مصيرك تنجرح وايد
.
.
عبدالله الجهني .. سأكون أول من يعانق حرفك هذه المرة ..
.
.
أتنفس الصعداء
بعد قرائتي لهذا البوح
دوماً أنتظرك
لأعيش اللحظات مع حرفك
وكأنك ترسم لنا لوحة أو قصة
أبطالها أمامنا
وإن كانت قاسية بعض الشيء
فهي تحمل أحاسيس صادقة ..
وقلم كاتب مبدع ..
يعرف كيف يسخر الحرف للوصف ..
أحلى امنياتي أهديها لك ..
كل الود ،،
أحسدك عبدالله
على
ان رغد اول من رد عليك
مع كامل الود
اخى اتمنا لك التو فيق
مع تحياتى
أنا وان كثروا احبابي ..
ودق الحظ .. على بابي
أنا وان قلت مرتاحه
عيوني .. دوم فضـّاحه !!
ودمعي .. والحنين شهود
أقول اني ابـ ابعد يوم ..
وارجع اجمع اوراقك ..
وارتبها .. واعلقها بـ اهدابي
واقول اليوم .. محتاجك ..
حبيبي حيل مشتاقك
جبل .. وانهد بقراقك
انا مدري ..
تفرقنا / تباعدنا / تعاندنا
باسبابي .. / ولا بـ اسبابك ..؟
وارجع احضن الصوره ..
وابروزها .. واعلقها .. بـ محرابي
ملامحها .. قريبه حيل ..
تخيل .. ان هالصوره
غدت اقرب .. من احبابي .. !!
اجل وشلون .. راسمها
وتسألني .. انا ازعجتك .. أنا احرجتك ..؟
مساك أجمل .. من ايامي
مساك اعذب .. من احلامي
مساءك انت .. كله خير .. ,,
.
.
مازلت اهوى الرد على كلماتك ..
ومازالت حروفي تتسابق ..
للترحيب بك
ربي يسعد ايامك ..,,