هــــــــــــــلا
و
غــــــــــــــلا
مــــراحب…
مرحبا.. مع كل شروق شمس وغروبها ..
مرحبا.. عدد نجوم السماء اللامعة في الأفق …
مرحبا ..حين تتلاطم أمواج البحر…
مرحبا..عند سقوط قطرات الندى على الزهر..
اقدم لكم وصفات الحنة للشعر
الحنة والثوم للعناية بفروة الرأس
أوّل ماسك معانا النهارده هنستخدم فيه الحنة، وطبعا معروف إن الحنة مفيدة جدا للشعر لعلاج القشرة، وكمان بتغذّي الشعر وتقوّيه، وتدّي له لمعة حلوة، وكمان بتخلّي لونه حلو، وخصوصا الحنة الحمراء.
وكمان الثوم مغذّي جدا للشعر، وبيساعد على إطالته ولمعانه، وكمان الماسك بيحتوي على خل التفاح اللي بيضيف لمعة طبيعية في لمعان الشعر..
المكونات:
معيار من الحنة على حسب طول الشعر3 ملاعق خل تفاح أو خل أبيض
3 فصوص ثوم بلدي مفرومين ويُفضّل الثوم البلدي مش الصيني
من الأفضل في عجن الحنة إننا نستخدم الميه السخنة؛ لأنها بتساعد إن اللون اللي في الحنة ينزل بسرعة، لما نخلط الحنة لازم تكون لزجة شوية، يعني ما تبقاش ناشفة أوي، وتكون ليّنة شوية.
وممكن تسيبي الحنة شوية بعد ما تخلطيها بس مش أكتر من 3 ساعات، وبعد كده تبدئي تستعمليها.
الخلطة اللي عملناها هتستخدمي منها معيار صغير؛ لأنها هتتحط على فروة الرأس فقط، يعني مش هنوزّعها على الشعر من تحت؛ وده لأنها بتحتوي على الثوم اللي ممكن ينشف الشعر.
أما بقى بالنسبة لباقي الشعر؛ فممكن نعمل له نفس المكونات دي بس من غير الثوم؛ يعني تكون عبارة عن حنة وخل تفاح وميه فقط، ونحطّها على الشعر من تحت.
من الماسكات التي تقوّي وتغذّي وترطّب الشعر جدا.
المكونات:
2 ملعقة حنة أو على حسب طول الشعر
1/ 2 كوب زبادي
الموضوع الأصلى من هنا: http://bayt.el-emarat.com/#147028#post1922006
قطعة خميرة بيرة
ملعقة عسل نحل
فص ثوم مفروم
ملعقة خل تفاح
قطعة زبدة
بيضة
الطريقة:
كل اللي عليكي إنك تخلطي كل المكونات دي مع بعضها، وتحطّي الخليط على شعر نظيف، وتسيبيه لمدة 3 ساعات، وبعدين تغسلي شعرك مرة واحدة بالشامبو.
تحياتي
في رعاية الله