الموضوع الأصلى من هنا: http://bayt.el-emarat.com/#144822#post1913611
الـسلام علـيـكـم ورحـمة الله وبـركاته
أهــــــــــــــــــلا ً وسهــــــــــــــــلا
اقدم لكــــــــــــم
المقادير:
5 بيضات
كوب ونصف سكر
3/4 كوب لبن
3 كوب دقيق
3/4 كوب زيت
كاكاو بودرة
4 ملاعق صغيرة بيكينج باودر
فانيليا
مقادير صوص الشيكولاتة:
1/4 كيلو شيكولاتة خام
2 ملعقة كبيرة سكر
ملعقة زبدة
ملعقة كبيرة نشا
2 كوب لبن
الطريقة:
1- لتحضير صوص الشيكولاتة، بنخلط الشيكولاتة الخام مع السكر والزبدة والنشا واللبن، ونقلبّهم كلهم على النار لغاية ما يسيحوا تماماً.
2- اضربي البيض مع الفانيليا بالمضرب الكهربائي، وبعد كده ضيفي عليهم السكر والزيت، واخلطيهم كويس مع بعض.
3- اخلطي الدقيق مع البيكينج باودر، وبعد كده صبّي عليه خليط البيض، وقلّبيهم مع بعض كويس باستخدام ملعقة خشب، لغاية ما الخليط كله يتجانس ويتماسك مع بعضه، وبعد كده ابدئي ضيفي الكاكاو شوية بشوية؛ لغاية ما تديكي اللون اللي إنتِ عايزاه.
4- هاتي الصينية اللي هتعملي فيها الكيكة، وادهنيها بشوية زيت صغيرين، ورشّيها بشوية دقيق، وصبّي فيها العجين، ودخّليها في فرن ساخن، وسيبيها لمدة 30 دقيقة، وبعد الـ30 دقيقة ما يعدّوا، افتحي الفرن، واغرسي فيها السكينة؛ علشان تتأكّدي إنها استوت كويس؛ يعني لو السكينة طلعت نظيفة تماماً، تبقى الكيكة استوت.
5- بعد كده طلّعي الصينية من الفرن، وصبّي عليها صوص الشيكولاتة البارد، وسيبيها شوية علشان تهدى، وبعدين قطّعيها وقدّميها.. وبالهنا والشفا.