قصيده للشاعر المبدع بدر بن عبدالله الخالدي
××××××××××××××××××××××××××
استفيقـي يـا رياحيـن القصيـد و نـــــــــــــــوره
و قومينـي حـب ولا كـره يـا القيفانــــــــــــــــي
و اصدحي يا الحنجرة بالصوت قبل الصــــورة
و انتثر يا حرفي المحبوك و أنـت عنانــــــــــي
لعنبو شعر(ن) ما يروي ذايقـت جمهـــــــــورة
دام بدع القاف سرجي والهجوس حصانـــــــي
يا قصيـدي دام لـك عشـاق فالمعمـــــــــــــورة
فابتهج واطلع علـى غيـرك ولا تنهانــــــــــــي
واصطفق مثـل البحـور بدورتيــــــــــن و دورة
و جار وقتي واسر من فكري ولا تعصانــــــي
و كل حرف(ن) في قصيدي لا دحم فـــي زورة
كنّه بعيـر(ن) لابـن فـزاع مشعوفانــــــــــــــي
و كل شطر(ن) لا بدعته كنّـه المقطــــــــــورة
كل شطر(ن) يسحب الثانـي بتلـو الثانــــــــــي
لين تكمـل ثـم تصبـح كنّهـا المغــــــــــــــرورة
بنت شيخ(ن) غايتة(ن) في ناظر الشيخانـــي
يا قصيدي عازتك فـي الليلـة الممطـــــــــورة
تمطر حروف القصيـد و تبتهـج لامزانــــــــي
و كان ما جملتنـي وانكسـرة المخبــــــــــورة
فلا يعز ابـك المقـام ولا بصـح لسانـــــــــــي
يا سلام الله سلام(ن) لا وصفـت شعـــــــورة
يرتجف منه الخفـوق و يلتطـم شريانـــــــــي
مايحـق ابـه البعيـد ولا قبلنـا شـــــــــــــــورة
ما يحـق و لا يسـاق ألا علـى عمانــــــــــــي
للخوالـد لاعتلـى المجـد وتحـلّـــــــــــى دورة
تاج راسـي و فالشدايـد خيـرة الديجانــــــــي
يا بني عمـي زمـام الصعبـة المنفــــــــــورة
يـا مزبنـت الدخيـل و عـز للصدقانـــــــــــــي
كان خطوة من بغى الخطوة مهي مقصــورة
فابشرو باللـي يجمّلكـم علـى الميدانــــــــــي
و كان لا شفتو سحاب الغير طش(ن) عورة
فابشرو في سحب(ن) يسيّل بهـا وديانــــــي
خالدي و الخالدي نفسـه مهـي مقهـــــــورة
يفلج صفوف الرجـال و يلطـم العدوانـــــــي
و نحمد الله عزنا الله و الرحـى مفــــــرورة
الموضوع الأصلى من هنا: http://bayt.el-emarat.com/#105289#post1587954
وعز ربي قيمة المسلـم علـى النصرانـــــي
في ذرا مـن يلهبـون الشـر بالباكــــــــــوره
تحت ظل آل السعـود مطوّعيـن الجانــــــــي
كل بكـرة تحمـل شـداد الفتـن منحــــــــــورة
باسم أبو متعب يمـوت الشـر بالمهدانـــــي
لاعتزا حنا هل العوجا و انـا أخـو نــــــورة
تخظع لسيفه رؤوس و تلبـس الأرسانــــي
يا بني عمي يا روسٍ دايـم(ن) مشكـــــورة
جمـل الله حالكـم و أحوالكـم تعنـانـــــــــــي
جعل حرفٍ منكتـب فيكـم تهـز شطـــــــورة
يا قناد الراس لا شمّـرت عـن ذرعانــــــي
طرح واختيار موفق
شاعر ممتاز
والف شكر لك
اخوك
تقوى الهجر
ويسلمكم ربي ،،،،،،،، ((شجونه))