قســـاوة صبر 2024.

قســاوة صبر
صيحيح إن بالخوافي شي لا يظهر ولا ينشاف=تحمله القلوب اللي تشيله لو شكت منه
تواصل صبرها القاسي ولكنه يجيها خلاف=صبوره ماتبين مايصيب الجوف وما يكنه
على منهو ملك كل المشاعر في غلا وإنصاف=تميل له العواطف والنواظر مايملنه
تناديه الجوارح في غلا واحساس فيها إرهاف=تذوب له الخوافي والعيون إن غاب يبكنه
بنيت له المكان اللي عليه من الضلوع الحاف=تدفيه المحاني والضلوع اللي يضمنه
على عرش الخفوق اللي تجيه من الهموم أطياف=توارى كلها أحلام بلا معنى يسوقنه
غذوبٍ مانساه الخافق اللي صار له مصياف=تملك وامتلك عرشاً حبال الود مسكنه
يرافقني خياله والهموم تصير لي أصداف=توارد بالضمير اللي مقاديره يحدنه
أكابر واتصبر وأتحمل جرحي النزاف=وأخلي للظروف أحكام لا من عني أخفنه