له العديد من القصائد الجميله
ولكن اعجبتني قصيدتين قدمهما في رثاء الشاعر والامير
طلال العبدالعزيز الرشيد رحمه الله واسكنه فسيح جناته
الموضوع الأصلى من هنا: http://bayt.el-emarat.com/#21125#post197526
تحمل في طياتها الحزن الكثير
اليكم هذه القصائد
القصيده الاولى
كفـــو للي كفـــو
كفو هي مالها إلا واحد ٍ مثلك شديد الباس
……………………. إلى ضاقت على الحر .. الكريم وخانت .. اظروفه
كفو من أول حدود الأمل لآخر حدود الياس
…………………….. ولا به ياس دام انك هناك .. ولك بها …… شوفه
ابو نواف ..أبو كل النوايف رافعات الراس
……………………..ولد عبدالعزيز .. اللي .. حياته .. كانت .. احتوفه
طلال وقبل احدر حاجتي يرقا لها قرناس
………………………. كثر عرفه بجهلي شفت انا .. جهله .. بمعروفه
جلس مثل الرضا في قلب من صلى العشا بنعاس
………………………….وقف مثل العفو هو.. فيه مثله ساعة اوقوفه؟
عزيز ٍ في الحياه ليا صمد ماكن فيه إحساس
……………………………ذليلٍ في الصلاة اليا سجد ما قام من خوفه
كريم ٍ والله إنه يستحي من ردت الأنفاس
……………………………. إلى منه عطاها للهبوب وردت الــ جوفه
وش أكتب يالقلم يالمحبرة يالليل يالقرطاس
…………………………تعزبت .. المعاني والمعاني كانت .. ضيوفه
كفو .. ماهي كفو اللي صارت لحيْ الله من الناس
…………………………..كفو للي كفو لو كملوها صارت كفو ….فه
القصيده الثانيه
ريـــح الفشق
لو الحزن دمع.. الله يٌحرم يباس الموق
,,,,, على العين.. لين يغـرق الجـِـفن مجـهـاشهُ
ولو الوزن شمع .. اللي من كبودنا محروق
,,,,, ينير الظلام بنجر الاضلاع مهباشة
على سلم جدانة يموت وجبينة: فوق
,,,,, لوان (( الجدي )) يرقى على (( سهيل )) ما ناشه
وطيب .. لوان المسك ما رخصة عرض السوق
,,,,, غدا من قواريره .. ومن طيب غراشه
(( طلال الرشيد )) اللي تجيه المنايا .. بوق
,,,,, على صدق وعد الموت، الاسباب غشاشة
نصاه الرصاص : ضيوف ! قلطهم : المعلوق !
,,,,, وعشى ضيوفه : مهجته !.. رابط جاشه
يا ربع يهبا ريح الفشق .. وشكثر معشوق
,,,,, تقل .. عيب أحد من (( شمر )) يموت بفراشه
وهذا مهو بـ أيات احد .. يعجز الطاروق
,,,,, يوفيه قدره لو هو ***** .. وادهاشه
أمير التواضع والحيا والادب .. والذوق ..
,,,,, والاخلاق .. ملفي كل طيب … ومطراشه
سري للنوايف ـ راس (( شمر )) ـ مهو مسبوق
,,,,, تقل وحدة (( الساري )) والآنام : (( غباشه ))
نعم .. ما يكبره (( اللقب )) .. يكبر المنطوق
,,,,, بالافعال وعزوم الرجاجيل … بطاشه
حثينا على وجه السحاب : التراب .. حقوق !
,,,,, لوالله عفا منه اكرم الخلق .. ما حاشه !
يارب اغفر لعبدك طلال الرشيد .. وسـُوق
,,,,, له من البرد ما يبهج الروح .. رشراشه
بجاهك .. وعزك .. وبجلالك .. ياربي . عوق
,,,,, عن النار : جسم على (( الاستبرق )) : قماشه
يارب .. وعسى صحبته (( ابو بكر )) و(( الفاروق ))
,,,,, بقدرتك باللي ترزق الطير باعشاشه
يارب .. وعسى اللي عندك من السعد مفهوق
,,,,, له بكل عمر ماته ابن آدم .. وعاشه
تقبلو تحياتي
بجد قصائد حلوه
وفهد عافت معروف وابدع فيهم
والله يرحم طلال الرشيد
والف شكر لك احساس على النقل المميز كروعة تميزك وحظورك
أخوك
الهجر
………………. ولا به ياس دام انك هناك ولك بها … شوفه
قصيدة رائعة وبأبو نواف الله يرحمه
ومن فهد عافت
والله انة كفو ما تنقال غير له
يا ربع يهبا ريح الفشق .. وشكثر معشوق
,,,,, تقل عيب أحد من (( شمر )) يموت بفراشه
والله ما نقول الا……………
يارب اغفر لعبدك طلال الرشيد .. وسـُوق
,,,,, له من البرد ما يبهج الروح .. رشراشه
والف شكر لك على النقل الحلو
والله اني احسدك على كبر حبك لابو نواف
الله يرحمة
ومشكور مرة ثانية
اخي احساس العالم .. تحيه عطره لك
اجت في اختيار .. فبارك الله فيك .. وبيض الله وجهك
تقبل مني اجمل تحيه
يعطيك العافيه اخوي على المرور
اما عن طلال رحمه الله
افضل السكوت
لكي لا ينفجر الكلام
ولا اقول الا
رحمه الله واسكنه فسيح جناته
تقبل تحياتي اخوي