السلام عليكم
جايبه لكم اليوم طريقه عمل محشي الكوسا باللحمة المفرومة بالخطوات المصورة
مخشي الكوسا المحشو باللحم والصنوبر
اما كيف عملنا المخشي .. خلينا نشوف سوا وبالصور المختصرة … يلا بنا
أول شي قلينا اللحمة مع زيت الزيتون على النار و وضعنا الصنوبر المقلي فوق الحشوة
وهون واحنا عم نقلي الصنوبر… عم نقلي شو؟؟؟ في حد حكا لوز !!!ركزوا منيح والا
منفرط الطبخة ومنرجع كل شي محلو
ايوة وين صرنا؟؟!!
خلينا نكمل … (شو انكم مشاغبين ما بتخلوا الواحد يعرف يطبخ عالرايق)
نقرنا الكوسا وخلصنا … الكوساية الي عاليمين للحشي والي عاليسار للمخشي .. والفرق في سماكة كل كوساية فالتي للمخشي لازم تكون أسمك شوية .
هلأ رتبنا الكوسايات بعد الحشي بحشوة الخضار
من امام
الموضوع الأصلى من هنا: http://bayt.el-emarat.com/#203896#post2041096
من خلف
وهذه حشوة الخضار المكونة من رز وبندورة وبصل وفليفلة وماء بندورة وزيت زيتون وبهارات شهية
وهاي منظر الكوسايات بعد ما استووا … عجبوكم؟؟؟ الي حب شكلهم ياخد وردة من هون والي مو عاجبينو يطلع برات التقرير
ونرجع للمخشي
بعدما حشينا جزء من الكوسا باللحم والصنوبر نقليهن في الزيت عالخفيف(يعني تشويح)
ونجهز اللبن الذي سنغطس به حبات الكوسا… (كما كنا نجهز لبن المنسف)
و بعد هيك نسقط الكوسايات باللبن شوية شوية وعلى أقل من مهلك ومنخليهم عالنار شوية