السلام عليكم
جايبه لكم طريقه عمل منزلة الباذنجان المحشي بالصور
الموضوع الأصلى من هنا: http://bayt.el-emarat.com/#200757#post2037329
على الطريقة السورية
أكلتي اليوم اسمها ( منزلة البيتنجان ) أو اختصارآ المنزلة
بتنعمل من البيتنجان المقشر و المقلي و المحشو باللحمة الهبرة المفرومة و المقلية , و مطبوخ بماء البندورة
بالأصل هالأكلة : فقط بيتنجان , و لكن بينحط معها بمرقتها بندورة مقطعة , أو دبس بندورة ( رب البندورة ) أو دبس و بندورة مع بعض , و شقف فليفلة خضرة , بتعطيها نكهة روعة
و لكن نحن منحشي مع البيتنجان , بندورة و فليفلة , فبيعطوا النكهة , و بيطلعوا كتييييير طيبين
الطريقة يا حبيباتي باختصار :
بيتنجان حجم صغير
نترك القمع بالبيتنجانة و نزيل فقط منه الأوراق النازلة
نقشر البيتنجان
نقليه بزيت غزير
بعد القلي نضعه على ورق نشاف الزيت
نفرم لحمة هبرة و نقليها بزيت مازولا مع ملح و كمون و أكيد بهار
نحشو البيتنجان باللحمة , و نحشو معه الكمية المرغوبة من البندورة و الفليفلة , و نضعها بالطنجرة , و نرش فوقها الملح بالكمية المرغوبة ( كما في الصورة )
نغمر الطنجرة بالماء ( متل الصورة ) و نضيف دبس البندورة بكمية مناسبة , و رشة بهار
نشعل تحت الطنجرة , و نغطيها , و عندما تغلي , نهدي النار و ننوصها عالأخير , و نتركها تغلي على النار الهادئة فقط ربع ساعة
و هي الطنجرة بعد الإستواء
( تقدم مع الرز المفلفل بالشعيرية )
في كام ملاحظة صغار
1. لازم نحط بالمرقة إما قطع بندورة , أو قطع بندورة و دبس بندورة , أو فقط دبس , و هالشي بيرجع لزوقك و خبرتك , بحيت تطلع طعمة البندورة و حموضتها مناسبة للكمية المطبوخة .
2. لازم تحطي فليفلة مع المرقة , يعني إذا ما حشيتي الفليفلة , جيبي قرن و قطعيه و حطيه بالطنجرة .