طريقة عمل كابتشينو لايت بالصور , طريقة تحضير كابتشينو لايت بالخطوات المصورة , مشروبات ساخنة , عصائر باردة
![]()
السلام عليكم
جبت لكم اليوم طريقة عمل كابتشينو لايت بالصور
سر الكابتشينو هو بجهاز صنع القهوه ، يعني مافيه سر في الخلطه ، جهاز القهوه راح يضمنلك ترشيح وفلتره للبن وضمان نكهه مميزه ، ايضا راح يبخرلك ويزبدلك الحليب اللي بدوره بيعطيك أكسترا رغوه .
من أفضل الاجهزه اللي جربتها هو الجهاز اللي بالصوره ، خاصه انه يطحنلك البن يعني خريمين القهوه الفرش ينبسطون عليه .
وهذي صورة الجهاز.
الجزء على اليسار لتحضير القهوه ، اما على اليمين لإزباد الحليب
نجي لأفضل بن ، بالنسبة لي افضل بن ستار بكس هو بن دكتور كيف .
المقادير:
بن حب كامل .
حليب قليل الدسم بارد ( تقدرين تستخدمين أي حليب والحليب الكامل الدسم رغوته اكثر وأكثر كريميه ) يفضل يكون حليب طازج ، اهم شي مايكون حليب محضر من بودرة الحليب لانه مايرغي .
طبعا نعير الجهاز على تعبئة كوب ، وراح نعبي ثلث الكوب قهوه .
نملى الركوه بالحليب ولازم يكون فيه مساحه عشان يرغي الحليب ( تقريباً أتركي نصف المساحه للرغوه) .
ونشغل زر التبخير وهو راح يتكفل بازباد الحليب ومضاعفة حجمة ، طبعا تتركينه لين تحسين الحليب صار حار وصار مثل القشطه .
نسكبه في الاكواب .
ولاحظي كيف الرغوه!!! كثيفه وثقيله وتستمر لأخر رشفه ماتتناثر .
يحلى بسكرحسب الذوق ..