طريقة عمل عصير قمر الدين مع الصور
النهاردة جايبلكم طريقة عمل عصير قمر الدين والاهم من ده كله ان طعمه احلى بكتير من قمر الدين الجاهز وكمان مضمون ومفيهوش حاجة صناعية
المقادير
3 كيلو مشمش
2 كيلو سكر
كوب سكر
بس هى دى مقاديرنا
ندخل بقى على الطريقة
هنغسل المشمش ونشيل منه البذر وطبعا هنرمى البايز
وهنحطه فى حلة
ونحط عليه ال2 كيلو سكر ونحطه فى التلاجه حوالى 3 ساعات عشان يجيب ميته
وبعد كده هنحطه على النار لغاية ماتحسى انه اتهرا
وطبعا مش هنحط اى ميه هو هيستوى فى ميته وهيجيب ميه تانى وهو على النار
ونطفى النار لما نحس انه اتهرا ونسيبه يبرد ونضربه بالخلاط اليدوى او بالخلاط العادى
ونصفيه
ونحط عليه كوباية السكر
ونحطه على النار تانى لغاية مايتقل ويعقد ويبقى لونه غامق زى كده(ممكن ياخد ساعة على النار او اقل شوية)
خلاص كده بقى تمام
هنعمل ايه بقى
هنحطه فى علبه ونعينه فى الفريزر لغاية رمضان
متخافوش مش هيجراله اى حاجة
لما نيجى نشربه هنطلعه من الفريزر وناخد منه 6 معالق كبار
ونضربهم مع ميه يعنى بعد مايتضرب هيبقى حجم دورق الخلاط وممكن وانتى
بتضربيه تحطى سكر وممكن لاء ده حسب الرغبة
الموضوع الأصلى من هنا: http://bayt.el-emarat.com/#224745#post2066048
انا طبعا مستنتش عشان اصوره وضربته عشان اوريكم شكله
ده شكله وهو فى الدورق
وده شكله لما بقى فى الكوبايات