أسعد الله اوقاتكم بكل خير ورضا وعافية ^^
عزيزاتي هذي طريقة الكبسة الافغانية
بصراحة طبخة لذيذة وماتتقاوم
طريقتها سههههههله
نبدأ بالطريقة مباشرة
اول شي نقعي الرز بالكمية اللي تكفي افراد الاسرة
وبعد مايتنقع حطيه بقدر وحطي عليه الماء
وعودين قرفه ودارسين و4 حبات هيل وملح وزنجبيل مطحون
وشوي زيت وفلفل اخضر حار وبارد
وحطيه ع النار
قطعي 2 بصل كبيرة لشرايح طويلة
وحطيها بالقدر وحطي عليها 3 ملاعق زيت تقريبا او ع حسب ماتشوفي
الدجاجة قطعيها اجزاء مو مره صغيرة يعني الفخذ يكون قطعتين
والصدر عادي قطعه وحده او قطعتين وانزعي عنها الجلد ونظفيها
الموضوع الأصلى من هنا: http://bayt.el-emarat.com/#163052#post1971147
وبعد ما يذبل البصل حطي الدجاج عليه وحطي الملح والبهارات واتركيها تتسبك مع بعضها
في طاوة حطي فنجال قهوة ونص سكر
ذوبيه لحد مايصير لونه بني وبعدها حطي عليه فنجال قهوة ماء
وحركي بسررررعه عشان مايجمد عليك
بعد كذا صبيه ع الدجاج وحركيها مع بعض وغطي عليها وهدي النار شوي
واتركيها تتسبك لمدة ماتقل عن 25 دقيقة مع التقليب بين فترة وفترة
بعد ما ينضج الرز ويتسبك الدجاج
خذي الرز وحطيه ع الدجاج
يعني يصير الرز فوق الدجاج بنفس القدر
غطي عليه واتركيها تقريبا 10 دقايق
بعدها اقلبيه بصحن التحضير
وبالهنا والعــــــــــــــــــــــــــ افية ع قلووووبكم