طريقة عمل صينية الخضار بالصور لرمضان , اكلات رمضانيه سريع وصحي , وصفات طبخ رمضان , طبق رمضاني صينية الخضار بالخطوات المصورة
احلي واطعم صينية خضار
لرمضان بالصور
راح اكتب لكم المقادير مع الطريقه بالخطوات ~
خضار عباره عن كوسا وبطاطس وباذنجان وفلفل رومي الكميات على حسب صينيتك ~
تقطع شرائح متوسطه لا سمكيه مره ولا نحيفه
تقلى الخضار في الزيت [ انا هنا دهنتها بالزيت وشويتها بالفرن ولا ترى الذ واطعم بالقلي ]
وعلى بال ما تنشوي الخضار نجهز الصلصه ~
عباره عن طماطم طازج [ الكميه حسب صينيتك مثل ما قلت لكم انا هنا عشان سويت صينيه وسط ووحده بالفخار استخدمت 3 حبات
]
بصله متوسطه
ثوم
معجون طماطم
مرقة ماجي
ملح وفلفل
وكم قرن فلفل حار
تخلط بالخلاط الطماطم والبصل والثوم ثم تصب في قدر فيه زيت ونضع مكعب الماجي والمعجون
ونتركها تغلي على نار هادئه حتي يتسبك خفيف الطماطم ولا تتركينه ينشف خلي فيه سائل شوي
نرجع للخضار نلاقيها انشوت وتحمرت شوي
نجيب الصينيه ونفرشها بزيتون اخضر او اسود على حسب رغبتك بالأخضر اطعم
بعدين نحط فوقها طبقه من الخضار
ونحط عليها طبقه من الصلصه
وبعد نكرر طبقه خضار وطبقة صلصه وبعدها نغلفها بالقصدير وندخلها الفرن ويكون معتدل الحراره لمدة ربع ساعه
بعد ما تمر الربع ساعه نطلع الصينيه ونخفق 3 بيضات مع ملح وفلفل اسود وكزبرة خضراء مفرومه
ونصبها على الصينيه
ونرجعها الفرن لمدة 10 دقائق لا تخلينها لين ينشف البيض مره ويصير مثل البلاستيك لا خليه رخو شوي عشان يطلع الذ (هنا نسيته شوي)
وقدميه بالف عافيه مع خبز عربي وعصرة وفيرة من الليمون
الموضوع الأصلى من هنا: http://bayt.el-emarat.com/#254128#post2104147
وبالهنا والشفا