ضامي الود::: حريم أول ياعمار والله عليهن .؟ 2024.

(الام):يلا يا بنات قوموا صلاة الفجر0000محمد يا أبويه سر الحق على الصلاه لا تفوتك
محمد: ان شا الله الوالده000 الحين بقوم
عيشه:الوالده يعني لازم تقومينا من صباح الله خير
(الام): عيل شو ناويه تفوتين الصلاه
عيشه: ان شا الله الحين000 بقووم000بتوضأ
عيشه:قومي نوروه
نوروه:ان شا الله

رجع محمد من الصلاه
محمد:الوالده وين الريوق؟؟؟
(ألام):أن شا الله ابويه000 ما طلبت شي بس انته سر ازقر خواتك
محمد:رقيه و سبيجه تعالوا ريوق
عيشه: منوه هذيل بعد فديتني اسمي عواشي مب رقيه و لا سبيجه
نوره:حمود وين تبا رقيه و سبيجه اونه بخبر عليك الوالده
محمد: خبري عادي انا الوحيد يعني الدلع كله لي
بعد الريوق عيشه و نوره طالعين من الحجرة

عيشه: أميه و ينج؟؟؟

(ألام): ها يا اميه آمري

نوره:أميه بنسير عند المطوعه

الام:حافظنكم الله و سلموا عليها

عيشه:ان شا الله الوالده

نوره حق عيشه:الله بنشوف مريوووم هناك

نوره:السلام عليكم 0000شحالج مريووووم؟؟

مريم:الحمدلله بخير شحالج انتي 000عواشي شحالج؟؟

نوره و الله بخير عيشه: الحمدلله بخير الغاليه

المطوعه :السلام عليكم

البنات :عليكم السلام

المطوعه :أي جزء وصلنا يا بنيات؟؟

نوره:انا وصلت الجزء العشرين

عيشه:انا الجزء الخمس و عشرين

مريم:انا الجزء الثلاث و عشرين

المطوعه :يلا اليوم كل وحده تكمل و اذا ما عرفتوا شي انا بقريكم

عقب ثلاث شهور (ألام) سايره للمطوعة

المطوعة: مبروووك عليج بنتج عيشه ختمت القرآن و إن شاء الله التحميده اليوم عقب صلاة العصر

الام:الله يبارك فيج الغالية 000و إن شاء الله العزيمة عندنا في البيت
أم محمد: بنيتي عيشه مبروك عليج ختم القرآن

عيشه: يا الغالية لولاج جان ما ختمته
نوره:و أنا بنت البطة السوداء
الام:سوي مثل أختج و اختمي القرآن احسن لج بدال ها الدلع
نوره:إن شاء الله الوالدة000 بس عاد فشلتيني
عيشه:أميه عيل أنا بعزم ربيعتي مريوووم
محمد:مبروك عليج يقولون ختمتي القرآن00و منوه هاي مريوم بعد؟؟

عيشه: حمود الله يبارك فيك000 و ما يخصك منوه مريوم
محمد:أميه منوه هاي مريوم؟؟؟
الام: يا أبوك هاي بنت اليران ربيعتهم يوم يسيرون عند المطوعة
محمد: و لا منتج يا سبيجه
عيشه:أميه سمعيه شو يقول
أم محمد: بسكم من السوالف هذي و يلا خلوني أجهز حق العزيمه

سارت عيشه تعزم ربيعتها مريم و عقب التحميده كل اللي في الفريج تيمعوا في بيت (أم محمد)

ألام حق الحريم:يا مرحبابكم تو ما تبارك البيت
محمد:يلا الوالدة أنا ساير عند الرياييل
ألام:انزين يوم بنحط العشا بزقرك
محمد:إن شاء الله الوالدة
محمد حق الرياييل: مرحبابكم يا هلا فيكم
تعشوا الجماعة و راحوا لكن مريم تمت ويا البنات و عقب ماراحوا
مريم:تراني تأخرت أخاف الوالده تحرج علي
عيشه: بعده وقت وين بتسيرين؟؟

مريم:الوالده ما تحب أنى أتأخر

نوره:يلا بنوصلج دام بيتكم قريب

قبل ما تطلع مريم تغشت و تمشي وراعيشه و نوره

محمد:وين سايرين؟؟؟

مريم :باسم الله منوه هذا بعد

عيشه و نوره يضحكون و قالوا في نفس الوقت: هذا اخونا محمد

عيشه:بنوصل مريم

محمد: انزين لحظه بلبس الكندوره و بيي وياكم 000انتوا بنات و ما يجوز أخليكن تطلعن رواحكن في نصايف الليالي

قامت الزيارات مثل العادة تتكرر بين أم محمد و أم مريم

محمد:الوالده بغيتج في موضوع

ام محمد:آمر الغالي

محمد:قولي لبناتج خلهن يدشن حجرتهن

الام:عيشه أميه اخذي أختج نوره و ادخلوا الحجرة
عيشه:إن شاء الله
أم محمد:آمر يا الغالي000 ما من شر
محمد :لا يا الغاليه000 لكن بغيتج تخطبين لي
ألام: أنت بس اشر و أنا أسير اخطبها اليوم قبل باجر
محمد:لا يا الوالده مب اليوم بس المهم تخطبينها
الموضوع الأصلى من هنا: http://bayt.el-emarat.com/#12256#post97691
ألام :انته تامر 00بس انته حاط عيونك على منوه من بنات الفريج

محمد: صراحة 00انا شفت بنيه و عيبتني

الام:منوه هيه

محمد:مريم بنت جيرانا

الام: من الغبشه باجر بكلم أمها في السالفة إن شاء الله خير يا أبوك

محمد:هاتي أبوس راسج يا الغالية

الام: حق المصلحة محد عليكم يوم تبون الشي محد يقدر لكم

الفجر مثل العادة قاموا يصلون و سار محمد اييب حلا(سمج) للبيت
عيشه و نوره:الوالده بنسير عند المطوعة
ألام:نوره تعالي خذي ها الصحن فيه خبز محلا حق المطوعة و سلمي عليها
نوره:إن شاء الله الوالده

و الضحى طلعت الام من البيت و سارت عريش أم مريم سلمت عليهم و تفولوا و عقب ما طلعوا الحريم

أم محمد:أم مريم بغيتج في كلمة راس
أم مريم:آمري الغالية
أم محمد: انتي تعرفين انه محمد كبر و صار لازم يتزوج و على شان جذيه بغيت اخطب له بنيه من الفريج
أم مريم:تبين أدور لج على بنيه
أم محمد:لا 000البنت موجودة
أم مريم: موجودة!!! عيل يلا نسير بخطبها
أم محمد:البنت اللي يباها ولدي محمد هيه بنتج مريم
أم مريم: مريم ؟؟؟!!! إن شاء الله خير بخبر أبو مريم و بنرد عليكم خبر
أم محمد:إن شاء الله00 يلا نشوفج على خير
عقب ثلاث أيام أم مريم سايره بيت (أم محمد) دقت الباب و دخلت
أم مريم :السلام عليكم و ينج الغالية من كم يوم ما شفناج
أم محمد:عليكم السلام 00تعرفين يا الغالية محمد ها الأيام قام يتأخر في البحر و ما قمت اطلع عن البنات رواحهن
عيشه:السلام عليكم 00هلا خالوه 00شحالج؟؟00وين مريوم؟؟
نوره:هلا خالوه اشحالج
أم مريم:عليكم السلام 00و الله أنا بخير و سهاله 00و مريم في البيت
أم محمد:بنيات قوموا حطوا الفواله 00
عقب ما راحوا البنات
أم محمد:أم مريم شو صار في الموضوع اللي رمستج فيه
أم مريم:سألت أبوها و قال الشور شور البنيه و الولد ما عليه كلام و سألت مريم و اليوم جاوبتني و قالت أنها موافقة ويقول أبو مريم تفضلوا عندنا يوم الخميس الياي
محمد في الحوي و يزقر:الوالده 000وينج الله يهداج
أم محمد:اسمحيلي ام مريم بسير أشوف محمد شو يبا و برجع000 عيشه و نوره سيروا ايلسوا ويا الحرمه و قهويوها
محمد:السلام عليج الوالده 00كيف أصبحي اليوم منوه عندج
أم محمد:هلا أبويه مرحبابك000 أصبحت بخير يعلك بخير
محمد: منوه عندج أميه؟؟؟
أم محمد: عندي أم مريم
محمد:أم مريم J 00الوالده اليوم ما شي حاصلة إلا شوي 000يبتلج حلا حق البيت (صافي و بياح)

أم محمد: يا أبوك الحمد لله انه فيه شي نطبخه للغدا
محمد: انزين الوالده أنا بتسبح و برقد لين قبل صلاة الظهر
رجعت أم محمد لام مريم
أم محمد:اقربي أم مريم ما كليتي شي
أم مريم: أكرمكم الله الغالية 00بسير مخليه مريم في البيت روحها 00في أمان الله
أم محمد:الله يحفظج
عقب صلاة الظهر أم محمد تكلم العيال
أم محمد:يا بنات تراه خطبنا مريم لمحمد و اليوم ام مريم ردت علي خبر و قالت انه أبو مريم و مريم موافقين و إن شاء الله يوم الخميس بنسير بخطبها رسمي و بننقص (نتفق) على المهر

محمد(و هو مستحي): يوم الخميس؟؟!!

أم محمد:هيه يا أبوك 00ام مريم قالتلي اليوم انه لازم يوم الخميس نسير لهم

عيشه:مريوووم تستاهل لكن لو كان واحد احسن من حمود

محمد:شو قصدج 00انا مب تارس عينج

نوره: هههههه مريوم ما اصدق

محمد:شو مريوم بعد اسمها مريم

عيشه: بعده ما ملج عليها ويقول قولوا مريم لو تزوج شو بيقول!!؟؟

محمد:عندج مانع

عيشه:لا عن تحتشر الوالده

يوم الخميس وصل و محمد ما سار ها اليوم البحر لانه مستانس لانهم بينقصون (بيتفقون) على المهر 000و من العصر يتعدل و يتكشخ لهذا اليوم
أم محمد:يا أبوك بعدنا إلا بننقص على المهر 000لو بنعقد عليها من متى بتتعدل 00كأنك انته العروس مب مريم
محمد:الوالده أنا مستانس يعني لا تقطعين وناستي
أم محمد:ربي يديم الوناسه عليك يا محمد و يوفقك في حياتك
محمد:ربي يسمع منج الغالية

عيشه: ما شاء الله حمود من الحين متزهب 00بس نحن بنسير عقب المغرب
نوره:حمود لو عنك عزيمة في البيت بعدك ما بتتعدل جذه
و الكل يضحك

أم محمد:الحين بيستوي معرس شو بعد حمود اسمه محمد
محمد ضحك عليهن و طنش رمستهن

عقب صلاة المغرب رجع محمد من المسيد
محمد:الوالده يلا عاد بنتأخر

أم محمد:يا أبوك بعده وقت

محمد:لا قلت بنتأخر على أبو مريم و ام مريم

عيشه: على ام مريم و أبو مريم و لا على مريم

(ألام): عواشي ازقري أختج يلا خل نسير

عيشه: إن شاء الله الوالده 000نوروه بسرعة و لا بنسير عنجJ

و في بيت أهل مريم حددوا المهر و تعشوا و اتفقوا على انه تكون الملجه الأسبوع الياي لانه محمد وراه رحلة غوص يوم الخميس ساروا و ملجوا و يوم الجمعه عقب صلاة الظهر بيطلعون محمد و رياييل الفريج لرحلة الغوص اللي تستغرق 6 شهور

و في يوم الجمعه نشوا الفجر يصلون و رجع محمد يرقد لانه كانت حفله الملجه في بيت أبو مريم و رقدوا متأخرين و نش الضحى و طلع للصاله

محمد:صباح الخير الوالده
أم محمد:صباح النور يا المعرس
محمد:الله يهداج من الحين معرس
أم محمد: فرحانه فيك يا الغالي 0000و إن شاء الله عقب ما ترجع العرس
محمد:إن شاء الله 00000 الوالده اليوم ماشي ريوق؟؟!!
أم محمد:شي ريوق بسير احط الريوق و بيي 00دق الباب على خواتك خلهن يقومن على شان يتريقن وياك ، محمد:إن شاء الله الغالية

و على السيف عقب صلاة الظهر كل الناس تودع الرياييل
أم محمد:أبويه محمد حط بالك على عمرك 000 و ربي يردك بالسلامة
دمعة عيون أم محمد و هي تقول ها الكلام لولدها و ما قدرت تحبس الدمعة
محمد:يا الغالية لا تصيحين 0000 إن شاء الله بنرجع
أم محمد:محمد ما ودي انك تسير ها المرة
محمد:خلي ايمانج بربج قوي 000 إن شاء الله بنرجع و الحاصلة بتكون كبيره 000علشان اتزوج مريم
أبو ناصر(عم محمد و البنات): ربي يحفظك و دير بالك على عمرك
محمد:إن شاء الله000 عمي دير بالك على أمي و البنات
أبو ناصر:لا توصي حريص
محمد سلم عليهم و يقول لام محمد:لا تخافين عليه و لدج شجاع و ما تهزه ريح
كل البحارة ركبوا المركب و الحريم و الشواب ما يقولون إلا ربي يحفظكم و ترجعون بالسلامة

عقب ثلاث شهور من سفر محمد أم محمد ما عندها فلوس كل الفلوس صرفتهن في ها الثلاث شهور 00الحرمه مقصره من الفلوس و تستحي تطلب من أبو ناصر(عم العيال) 000مع انه نص الدكان اللي يديره أبو ناصر (عم العيال) هي للعيال و لها فكرت أم محمد فالليل أنها تسير و تطلب الفلوس من العم لانه من مالها و مال عيالها و عقب ما تقهوت في عريش أم مريم سارت لابو ناصر
الموضوع الأصلى من هنا: http://bayt.el-emarat.com/#showthread.php?p=97691
أم محمد:السلام عليكم
أبو ناصر :عليكم السلام 000منوه الحرمه؟؟
أم محمد:ما عرفتني يا أبو ناصر 00انا ام محمد
أبو ناصر:اسمحيلي ام محمد ما عرفتج
أم محمد:مسموح اخوي بو ناصر
أبو ناصر:شحالج و شحال البنات؟؟
أم محمد:و الله الحمد لله بخير و سهاله 00بس بغيت منك طلب
أبو ناصر:آمري

رجعت أم محمد للبيت و أول ما وصلت البيت

عيشه: الوالده تحيرتي وين كنتي
نوره:أميه سرنا بيت ام مريم قالت انج طلعتي من العريش من فتره
أم محمد:يا بنيات أنا سرت عند عمكم بو ناصر
نوره:عمي بو ناصر 00 ليش؟؟!!
أم محمد: يا أميه كنت مقصره من البيزات و سرت اطلب منه يعطيني لانه ما عندنا مونه في البيت
عيشه: الوالده جان قلتيلنا0000 ما كنا بنسير نسأل بيت أم مريم
أم محمد:يا أميه نسيت 000و خلاص حصل خير00ان شا الله مره ثانيه اخبركم

مرت الأيام بسرعة ويا اليوم اللي ينتظر الجميع فيه اللقاء الأسطوري بين أم محمد و الغالي محمد 000 و من الصبح و عقب صلاة الفجر أم محمد من فرحتها برجوع محمد ما رقدت عقب صلاة الفجر و رتبت البيت من الغبشه0000 و البنات يساعدونها خبزت المحلا وسوت الهريس و ما خلت شي ما سوته لمحمد0000 و دخلت غرفة محمد و رتبتها و في هذا الوقت
عيشه:نوروه تتخيلين حمود تغير؟؟؟
نوره: ما اعتقد الا ست شهور
عيشه: تراه ست شهور تغير في الانسان وايد
نوره: يمكن بس ما تخيل حمود اذا تغير
الموضوع الأصلى من هنا: http://bayt.el-emarat.com/#12256#post97693
أم محمد:هذا الغالي محمد 000شو حمود 00انا كم مره قلتلكم محمد مب حمود

عيشه و نوره:اسفين الوالده 0000 اسمحيلنا

و في خلال هذا الكلام سمعوا صوت دقة الباب 000سارت نوره تفتح الباب و لا مريم في ويها
مريم:السلام عليكم
نوره:يا هلا بمرت اخوي 0000نور البيت
مريم: شو مرت اخوج فشلتيني000 ما تبين تدخليني يعني
نوره:هههههههه 000حياج انزين 000الوالده هذيه مرت الغالي وصلت
أم محمد:مرحبابج بنيتي مريم شحالج و شحالج اهلج؟؟؟
مريم :كلنا بخير و سهاله 0000 شحالج عموه؟؟
نوره:عموه بعد0000 هههههههه
مريم قرصت نوره لانه مريم تستحي من (عمتها )
عيشه: السلام عليج 000شحالج مريامي؟؟
مريم: عليكم السلام هلا عيشه000انا الحمدلله تمام و انتي شحالج؟؟
عيشه: و الله بخير الحمدلله
مريم(و هيه مستحيه) : ييت لانه الوالده قالتلي يمكن تحتاجوني على شان اشتغل وياكم لانه محمد بيرجع
أم محمد: يا الغلا مشكوره الحين بنخلص انتي ايلسي ويا البنات و انا بسير اشتغل عنكن
مريم:عموه بساعدج اذا عندج شغل
أم محمد: يا مرت الغالي ايلسي ويا بنيات 00و انا بسير ازهب حجرة محمد
سارتأم محمد تجهز حجرة محمد و يلسوا البنات يسولفون و يحطون على مريم و مريم محمره من المستحى
عيشه: مريوم متى بيكون عرسكم؟؟
مريم: و الله ما دري خلي محمد ايي و هو اللي بيحدد متى
نوره:و هو اللي بيحدد!!000 ليش انتي مالج شور؟؟؟
مريم:مب جذيه لكن لانه هو اللي بيكون ياي من رحلة الغوص تعبان
نوره: هااااااه يحريت بعد
عقب ما خلصت أم محمد يلست ويا البنات و هيه تحاتي(تفكر) ولدها محمد
مريم:عموه متى قالولكم ان شا الله بيوصل المركب؟؟؟
أم محمد:يا اميه يقولون العصر و لا المغرب
مريم:انا بروح الحين دامكم مب محتاجين شي
أم محمد:وين يا الغاليه ما شبعنا من شوفتج
مريم:عموه تأخرت و لازم اسير البيت
و عقب صلاة العصر كل اهل الفريج تيمعوا على السيف ينتظرون وصول المركب و قبل ما تغيب الشمس وصل المركب و البحاره نزلوا من المركب لكن محمد بعده ما وصل أم محمد تنتظر محمد و أبوناصر ينتظر الكل رجع البيت و أم محمد تنتظر الباقين ينزلون شافت شخص على هيئة محمد و الوقت مظلم
أم محمد:محمد
خالد(صديق محمد):هلا اميه انا خالد
أم محمد:هلا ابوييه خالد وين محمد؟؟
خالد:ليش انتوا ما وصلتكم الاخبار ؟؟
أم محمد:أي اخبار000خالد وين محمد؟؟
خالد:تعرضنا لرياح شمال قويه هدت المركب بلي فيه
أم محمد: و محمد؟؟
خالد:البقا براسج الوالده
راح خالد و ما بقى على السيف الا أم محمد و البنات و بوناصر والكل يصيح على الغالي محمد0000 و أم محمد ما تتذكر الا ساير اييب مهر مريم00و كل ما تذكرت ها الكلام قامت تصيح اكثر من قبل
راح محمد0000 و ما بقا لام محمد غير البنات يعني تموا حـريـم بليا ريال

اكيد حريم اول غيييير

طبعااا في كل شي تختلف عن حريم الايام هذي

ولهم دور كبير في كل شي

يعطيك الف الف عافيه اخوي ضامي على طرحك للموضوع

لا عدمناك طال عمرك