في ناس برمضان تقضيه سهر طول الليل وتقعد قبل الفطور بنص ساعه وتصلي الصبح والظهر والعصر….كفو كفو ترى خو جذي اجر اكثر
في ناس برمضان تلاقيها تفتر بسوق الديره قبل الفطور اللي يشتري مسباح واللي فنايل وصراويل واللي يشتري شي مشتهيه ورى الفطور
في شباب برمضان طايحيله كره قبل الفطور لي اذان المغرب وتلاقيهم طايرين بيلحقون على الاكل واخر شي الوالد زافه على وصاخته وياكل
في بنات برمضان يا تاخد اجازه عشان تخش ويها عن العالم او تشتري نظاره على كبر ويها عشان تخش طبقة الجتش اللي في ويها مع تنزيلة الشيله على الويه
في ناس برمضان تقول بتبلش ريجيم ومن ترد من الدوام دشت المطبخ تشوف شنو الفطور ولي اذن تلاقيها تاكل سمبوسة و ام مادري منو بدال التمره من الشفاحه
في شباب برمضان تلاقيه شاد حيله ويشتريله قاري تلاقيه يفتر فيها داخل منطقتهم عشان الفشله وفي الغالب يكون مع واحد من ربعه يساعده على الهبه مالته
في بنات يتمنون انهم يصومون رمضان كله ( صيام الريال ) لوووول ولي فطرت صامت ورى رمضان يعني صايمه شوال للتمويه لووول هذا اذا مو قبل رمضان الياي يعني الايام البيض
في شباب لازم يخزخزون برمضان ما يقدرون تلاقيهم يشترون نظاره سووووده حق الخز ولا يستغل مناظر السياره عشان يخز من غير ما يطيحون عليه
في ناس برمضان يحللون النظره الاولى تلاقيهم يخزون البنت 4 دقايق على بو ان نظره اوله ….تقص على عمرك يا ******
في ناس برمضان احولت عيونهم من المسلسلات خو مايدرون يحطون على القناة الاولى ولا على الراي ولا قطر ولا دبي اي شالله حادكم جان زين شي مهم عاد
الموضوع الأصلى من هنا: http://bayt.el-emarat.com/#31328#post336976
في حريم قبس تلاقيها تولد في اول يوم رمضان ويييييييييييييه الله يكون بعونك انا اقول كفاره 17 بعير ارحم من تصومين بروحج بعدين> طبعا خو ما يصير
في حريم رمضان عندهم يعني قرقيعان عيالهم اهم شي ان يكون احلى من قرقيعان عيال اهلها واهل ريلها وبنات عمها لووول ومرات يوصل 1000 دينار تقريبا
في ناس رمضان عندهم يعني قزز على البحر وشارع الحب قبل الفطور يعني يكون مضيع وقت بدال لا يقراله ايتين يكسب اجر فيهم
في ناس برمضان طقلك لبس الرياضه ويبي يبلش مشي بس عاد وين يا مشرف يا السره لان هناك الجو برااااااااد يقولون والمناظر خلابه لوووووووول او البحر
في ناس برمضان تلاقيه خذا عياله ولا عيال اخته ويوديهم يلعبهم بانشي ولا يركبهم حصن قبل الفطور وفي الغالب يكون لابس بجامه والغتره جريمبه او لبس اي شي يعني
في ناس برمضان شرت لها اشرطه فيدو عشان بس تسجل المسلسلات عشاناتفرغ للعباده بالشهر ما يطوفها شي ….اي خو مو بيعيدونهم ورى رمضان ليش المخاسير
في بنات برمضان مافي اي احترام للشهر تلاقي المكياج على الاخر والعطر ماله والي على بو ان الايمان بالقلب روووووووحي زين
في بنات برمضان تحط كريم اساس خفيـــــــــف يعني ترى انا هذا ويهي من الله بدون مكياج على مين ياماما
في ناس برمضان تصلي التراويح والجيام بالمسيد الكبير لان يكون الورع والتقوى طافحه عندهم ويفكرون ان اكثر اجر من اي مسيد ثاني
في ناس برمضان ادور اسرع مسيد عشان تصلي فيه,,,,شدعوه مغصوبين على الصلاة ومثال مسيد الصقر بالشاميه مالك محط ريل
في ناس برمضان تقدع يعني تاكل تمر وماي وتروح تصلي وترد تكمل وفي ناس من الشفاحه من يأذن طاحوله مجابيس واخر شي يتثيقلون عالصلاة
في ناس برمضان وخرررررررر عنهم لانهم صيام ونفسهم بخشمهم تقول مغصوبين على الصيام ودير بالك تنام عليه بالشارع ياكلك والله والحريم يستلمونك هرنات ديييييييييييييييييييييييييييييييييييييد
في ناس برمضان من المقيمين بالبلد وغير مسلمين يزاهم الله الف خير تلاقيهم محترمين الشهر وحريمهم مايحطون مكياج احتراما لمشاعر شباب الديره لووول
في ناس برمضان ابليسهم مو طاخ تلاقيهم يتضحكون حق بعض ويدورون مكان مستور عشان يصفطون فيه….وورى الفطور يطيحوله الووووووووو
في شباب برمضان يبون الفكه من رفيجاتهم تلاقي يقولها ما اكلمج الا ورى الفطور شنو هالورع 🙂 ولي صار ورى الفطور قال لها يبه انا لاهي بالدواوين شفييييج
في ناس برمضان مافي اي احترام للشهر تلاقيه عادي طالع مع الصاحبه على بو ان ورى الفطور عادي وادييييييييييلوووو
في بنات برمضان يبيون يضيعون الوقت شلون تلاقيهم من سوق لي سوق حق العيد ومن صالون لي صالون يا قاصه شعرها ياحافه ياصابغه
في بنغاليه برمضان الايمان عندهم زايد طفوحه اكثر من قبل تلاقيه يسلم عليك من بعد كيلو سلالالالااااااام بابا عشان تتصدق عليه هالسنه
في ناس برمضان ما يقولون ريحه الحلج موليه لا يلصق فيك لصووووق ويتكلم مثال اللي يبيعون في مجمع النقره ومشغلين قرءان ديكور عشان البيع
في ناس برمضان يقولون نبي نختم القرءان مرتين او 3 واخر شي تلاقي خيط المصحف على سورة البقره لي العيد لووووووول
في بنات برمضان ما يخلون كتاب طبخ الا ويشترونه وجان زين شي لايق مع الجو لا تسويلك اكل ايطالي ولا حلو كللللللللش مو لايق
الموضوع الأصلى من هنا: http://bayt.el-emarat.com/#showthread.php?p=336976
في شباب برمضان تلاقيه راز المسواج بالمخبات اللي فوق وكل شوي مطلعه ومااااد بوزه شبرين يتسوج فيه يضيع اليوع واهو وده ياكله من اليوع
في ناس برمضان عاجبتها الجراءه اللي بالمسلسلات والرقص والعنفصه وناس تقول شسالفه خمر ومسخره واحنا صيام
في بنات برمضان تنوى انها تتحجب وتلاقيها ماتشوف احد بس تروح السوق بالخش عشان تشتري هدوم حق العيد ملوت متحجبات…الله يتمم يا اختاااااااه
في شباب برمضان متأذين من المشاهد اللي يشوفونها بالجامعه ويتسائلون هل هالشي يفطر ولا لا خنت حيلي لام الله من لامكم اصبروا وتصابروا
في ناس برمضان اللي ماحصل لهم اجازه تلاقيهم طايحيله طبيات عشان يسهرون بالليل على مسلسلهم اللي يبونه
في ناس رمضان عندهم يعني عادي طلعه بالليل وقز في العشر الاوخر بالاسوقه ومغازل وشيشه بالقهاوي
في ناس برمضان متضايقين من الاكل الماصخ اللي على الفطور لان محد يذوق الاكل قبل الفطور مع ان جايز
في ناس برمضان خارج البلاد يا للشغل او للدراسه ويتشفقون على التشريبه والعيوش خنت حيلي وفي الغالب الوالد تسافر لهم عشان تطبخ لووول
في ناس برمضان يصادف ان زامه حزة الفطور فا يا ايبون اكل من بيت واحد منهم او يشترون من مطعم القبقب او شاطئ الوطيه ( ام حبيب ) لوووول
بس وانشالله استمتعتوو بهالقرقه وصيــامــا مقبــولا
اخوكم : فـأر الـخـلـيـج بوي بوي
في وحده من كثر ماتقرا طاح راسها<<<<<<<<<<<صددددددددددعتk14
حرام علييييييييييييك كل هذااا صتير برمضااااااااااااااااااااااان
شوي وادووووخ ماشالله عليييييييك ماخليت شي ماقلته
وبعضه يبيله ترجمه<<<<<<مافهمتهk6
في حريم قبس تلاقيها تولد في اول يوم رمضان ويييييييييييييه الله يكون بعونك انا اقول كفاره 17 بعير ارحم من تصومين بروحج بعدين> طبعا خو ما يصير
هههههههههههههههههههه لا حوووووووووووول
تشكرات فااااااااااار باشا
يعطيك العافيه
يالله ادخل وقت ثاني واكملها على روااقه
يعطيك العافيه خيووووووووووه على الموضوع
تحياتي لك،،،،،،،،،،،
ثاااانكس خيووو عالموضوع الحلووو
دمت بخير
واشووفكم على خير
بوي بوي فار الخليج