ياحمود قلبي في حولي سرقنه * يوم اقبلن ثنتين محـدن معاهــن
يازينهن يــــوم النقــــاب لبسنـه * حطن كحل وعيون زايـد حلاهــن
ياحمود قلبي بالغـــرام فتننـــــه * واصبحت كني تايهن في هواهن
دكان دالي منورن يــوم جنــــــه * ياحمود ليتك شفتهن في بهاهن
يوم الثلاثه لي رفيــــق سحرنه * خلوه نجمه تايهــه في سماهــن
احتاس فكره يومهــن ناظرنــــه * طلع وحاجاته بعــد ما شراهـــــن
ياليتهن ياحمـــود ما عارضــــنه * حتى دروســه بالتجاري نساهــن
اما انا ياحمـــود فكـــــري خذنه * احضــر مع الدكتور وفكري معاهن
سود العيون اللي فؤادي رمنــه * ياليتني ياحمود كاســـب غلاهـن
ياحظ منهو في هواهــن بعنــه * لا واهــني منهـو بحبــه رماهــــن
____________
وسلامتكم
أبدعت اخوي البريكي ..
وبقول للأخ حمود اللي مذكور في القصيده :
يا حمود دوٍرله على اللي سحرنه … ترى البريكي تايه في هواهن
والله يعطيك العافية
وصح لسانك
وانا برد عليك ياقلبي وبقول
اخوك البريكي ياأيموني عذبنه ,,,,, وحتى القلب تعذب في جمالهن
والله يعافيك
وتقبل تحياتي
اخوك
البريكي
| الرسالة الأصلية كتبت بواسطة البريكي تسلم اخوي أيموني وصح لسانك وانا برد عليك ياقلبي وبقول اخوك البريكي ياأيموني عذبنه ,,,,, وحتى القلب تعذب في حلاهن والله يعافيك وتقبل تحياتي اخوك البريكي |