مرحبا.. مع كل شروق شمس وغروبها ..
مرحبا.. عدد نجوم السماء اللامعة في الأفق …
مرحبا ..حين تتلاطم أمواج البحر…
مرحبا..عند سقوط قطرات الندى على الزهر
اقدم لكم
كيك بجيلي المانجو
المقادير:
كوب زبدة
2 كوب سكر
كيس جيلي بالمانجو
4 بيضات
1/2 كوب مانجو مهروس أو مضروب في الخلاط بدون ماء
3 إلا ربع كوب دقيق
2 ونصف ملعقة صغيرة بيكينج باودر
ملعقة صغيرة فانيليا
كوب لبن
للحشو:
جيلي مانجو بارد (في قالب بنفس مقاس قالب الكيك)
الطريقة:
1- اخلطي الزبدة مع السكر بالمضرب لغاية ما يبقى الخليط عامل زي الكريمة، وبعد كده ضيفي حبيبات الجيلي مع الاستمرار في الخلط، لغاية ما كل المكونات تتجانس مع بعضها.
2- بعد كده ضيفي بيوريه المانجو والبيض مع الاستمرار في الخلط.
3- اخلطي الدقيق مع البيكينج باودر والفانيليا، وبعد كده ضيفيهم للخليط السابق مع الاستمرار في الخلط، وبعد كده ضيفي اللبن واضربي كل المكونات مع بعضها لغاية ما تحسي إن كلها تجانست.
4- هاتي الصينية اللي هتعملي فيها الكيك وادهنيها بالقليل من الزبدة وشوية دقيق، وبعد كده تخلصي من الدقيق الزيادة، وبعدين صبي فيها خليط الكيك اللي جهزتيه، وساوي السطح.
5- دخلي الصينية في فرن ساخن على درجة حرارة 180، وسيبيها تستوي لمدة نصف ساعة أو لغاية ما تحسي إنها استوت.
6- طلعي الكيكة من الفرن وسيبيها لغاية ما تبرد خالص تماماً، وبعد كده اقسميها بالعرض إلى 3 طبقات متساوية في الارتفاع.
الموضوع الأصلى من هنا: http://bayt.el-emarat.com/#146008#post1918088
7- حطي أول طبقة من الكيكة في طبق التقديم، وافردي عليها طبقة من جيلي المانجو، وبعد كده حطي طبقة تانية من الكيكة وكرري نفس الحركة مع باقي الطبقات، وبعد كده ممكن تزيني سطح الكيكة بالكريم شانتيه وقطع المانجو وقدميها.. وبالهنا والشفا.
اتمنى لكم المتعة والفائدة
دمتم في رعاية الله وامنه