(ســـالم) أنا لو طلبتك خابرك فزّاع………..ما قِدْ خبرتك في مرّه تجهل الداعي
الموضوع الأصلى من هنا: http://bayt.el-emarat.com/#5744#post37359
يا خوك أنا صابني غروٍ عليه طْباع……… ما ريّحتني طباعه زادت أوجاعي
حبّه سطا بي وقلبي في هواه انصاع…… قلبي خذلني وانا اللي خابره واعي
له منزلٍ في شراييني وله مرباع………….له مركبٍ ما أظنّه يقبل شْراعي
له طلّةٍ تقنع اللي ما يبي الاقناع……….له في فوادي بريد وْ له بَعَدْ ساعي
له فزّةٍ ما تقول إلاّ ظبي وارتاع……… يمشي وكنّه يقول القاع ذي قاعي
الضيق في مبسمه أمّا العيون وْسَاع……ما مرّ زينه وصوفٍ ما لها داعي
إن قال كلمه تحسّ بقمّة الامتاع………. وِلْيَا سكت كنّه اللي لاوي ذْراعي
(ســــــالم) انا باسألك وش حيلتي لو ضاع…… كنّ المشاعر رعيّه ضيّعت راعي
يا خوك لا هو شرى حبّي ولا هو باع……..عَلّمني الصدق هو ناوي على وْداعي؟
[IMG]http://thexbrain.******.com/color_bar1.gif[/IMG]
|
خالد يعلم الله حبي لك حب المخوه ذي ماتباع
جرحتني ياخل بصدمه عنيفة وانت داري انني مانا مفرط فيك وانت عرفت فيني الطباع طباع الوفاء والاخاء فيني ومعزتك بالعلالي وانت عارف وعالم انك تناطح عنان السباع قلت لك هديء اعصابك حبيبي وخلني ابحث ياعنوني لكنك استعجلت يالغالي وكثرت الشتائم وفشلت المساع ذي كنت ابحثها وكنت بادب لك ذي جراحك تاديب الجنوني ويعلم الله انك في القلب والعقل خالد وباتضل خالد على مر الزمان يالغالي خالد ويعلم الله انك صديق عزيته معزة اخ غالي وربما ماعزيت صديق مثلما عزيتك |
سلام يا (ســالم) سطع بسما نور واشعاع
جتني منك الدعــوة وأنت يا سيدي داعي
ترحيبه طيبها منك زين الاطباع
عـطورها بغالي الاثمان ينساق وينباعي
ألا يا ( ســـالم ) تبشر وتامر وأنا الفزاع
عـضيد الرفيق ليا نخا ما خيب الساعـي
أبمشي معاك يا صاحبي ودروب وساع
بوصلك بلد المزيون وزين الاطباعي
حدد موعد هبوطك ولا موعد الاقلاع
رضاك نيله قصد شفي مع اطماعي
يا عل يفديك من كان على الفراق جزاع
لاجل مطلبك وش عاد لو زادت اوجاعي
وأجيبه لاجل عينك وهو ما يشوف القاع
علشان عـينك تهتني به عـقب الافزاعي
المشكله اٍنك يا ( ســــالم ) فاهمن كل الاوضاع
فدوه لو يموتن القطيع ويسلم الراعي
[IMG]http://thexbrain.******.com/color_bar1.gif[/IMG]
يتعلمون منكم الصداقه واسلوب التعامل معها
ومشكورين عاى الشعر الاكثر من رائع ما اقولها مجامله بس والله اعجبني شعركم ودمتم اصدقاء طول العمر
اختكم عاشقه السراب