بالصور اسهل طريقة لعمل حلى البلاك بيري
السلام عليكم اليوم جبتلكم حلى رهيب شكله واسمه واتمنى ان يعجبكم
بالصور اسهل طريقة لعمل حلى البلاك بيري
3 بيضات
فنجانين سكر ( =7 ملاعق كبيره تقريبا )
شوية فانيلا
نخلطهم مع بعض بالمضرب اليدوي ,
الموضوع الأصلى من هنا: http://bayt.el-emarat.com/#186173#post2016445
بعدين نضيف عليهم
كاس ونص حليب بودرة .. _ نيدو _
كاس ونص ماي ..
( لازم تكون كمية الحليب مساوية للمويه )
ونخلطهم ,
تصير الخلطه سائله مايله للثقل شوي ,
موب ثقيله مره ,
الحين نجيب فنجانين سكر .. ونحطهم ع نار هاديه لما تذوب وتصير سايله ..,
بس مانخليه يصير بني مره عاد ..
نحطها بصينية التقديم
ونحرك الصينية لما تتغطا من تحت كلها ..
ونجيب الحين صينية اكبر ونحط فيها ماي مغلي ..
عقب نجيب الصينية اللي حطينا فيها السكر
ونحطها داخل الصينيه الكبيره اللي فيها الماي , _ بالعربي بنسوي حمام مائي _
عقبها نصب عليها الخلطه اللي سويناها شوي شوي " داخل الصينيه الصغيره طبعا _
ونخليها بالفرن ساعه الا ربع على درجة حرارة 350 ,
المفروض بعد نص ساعه تدخلين السكين وتشوفين ..,
لأن ممكن تستوي معك قبل الساعه الا ربع ..
على حسب الفرن :/
عاد لما تستوي ..
نطلعها من الفرن 5 دقايق بس .. وندخلها الثلاجه اقل شي 4 ساعات والأفضل انها تطول أكثر ..
وبس