|
السلام عليكم ورحمة الله وبركاته ،،،
موضوعي اليوم special ومشوق حق كل بنت تمر بفترة الملجة أو اللي إنشاء الله راح تمر بالأيام الياية بإذن الله … هاذي الفترة إهيه أحلى أيام الزواج يكون فيها التعارف والتجارب اليديدة اللي ما مرت عليج من قبل … وفي هالفترة إنتي وشطارتج بالتفنن والحركات اللي تبهرين فيها زوجج كثر ما تقدرين … الكثير يعتقد ان البنت ما تقدر او نادر انها تسوي شي أيام الملجه إنها يعني تبين شي او تقول أو تسوي ( طبعا ما كنت اقصد الحركات *****ية أو الجرئة فيها ) …انا اقصد بالحياة العادية.. والسبب يرجع الى انها خجولة .. فهذا دور الزوج في هذه الفترة !! … وانا اعتقد هالشي غلط . طبعا البنات أنواع : – في من هي فعلا تبحث عن الستر والحياة السعيده يعني تعطي من قلبها …. – أما البنت اللي معتبره الزواج مجرد تغيير ينتزع منها الملل أو منفذ للهروب من سلطة الأب والأم … ما اعتقد تحرص إنها تقدم بالعكس هذي النوعية تبي تأخذ وتمتص من الزوج كثر ما تقدر .. ففي هذه المرحلة لازم يكون لج تخطيط مسبق … تبين هالفترة تمر حلوه عليج وما فيها نواقص ، فكري دايما شلون تخيلتي هالأيام ، حتى لو إعتقدتي إنها مو موجودة حاليا وبس بالقصص أو الأفلام … أنا بذكر بعض الأمور اللي إنشاء الله تساعدج في هذي الفتره من فناتق وحركات وتغييرات :- 1- طبعا بداية أنا افضل برأيي الشخصي ، إن الملجه تكون بيوم والحفلة بيوم يعني بينهم وبين بعض يومين أو 3 ايام أو أقل المهم ما يزيد اكثر من أسبوع أنا أقولكم ليش ؟؟ حلو بيوم الملجة إيي يتعشى عندج ( علشان تاخذون على بعض وما ترتبكين حق الحفلة ) تكونين مزهبه طاولة وشموع ومن هالحركات وما أوصيج لا تنسين (البيبسي بو ليمونه شغل فنادق) .. تدرين ليش حلو تملجين قبل الحفلة !! صدقيني ما راح يمديج بعد الحفلة تروحين مطعم وتأخذين راحتج معاه .. اولا : حاطه مكياج وايد ، ثانيا : شعرج متروس سبريه ومن هالحجي ، ثالثا : على ما تخلص الحفلة تكون الساعة متأخرة . 2- بيوم الحفلة لما تطلعون طبعا لازم تصورون وخليه الصور عفوية كثر ما تقدرين ، و خليهم يزهبون لكم اكل من البوفيه ، وتعشي إنتي معاه ، بعدها قوليله تروحون عند ابوه(عمج ) علشان تسلمين عليه ، ومنها تتمشون بالسيارة على ما توصلون . – طبعا بعدها يا انتي تروحي بيتهم يا اهوه ايي يتغدا أو يتعشى ويزوركم وهكذا ، وأكيد راح يشوف غرفتج وتقعدون فيها ، ويا حلو هالفترة اللي تكون في بيتكم وبدارج . نصيحة : إذا أثاث دارج قضى عليه الزمن ويفشل وكل قطعه لون ومن هالحجي ( لا تقولين يلا بتزوج وبطلع !! على ما تشترون اثاث الشقة وتزهبين ، أكيد راح إيي أو ينام كذا مرة عندج ) وفاجأيه بأنج شاريتله نفس فرشتج يحطها عندج بلون ثاني ، وبعض البجامات ، وملابس جذي على ذوقج ، وعطور .. 4- وطبعا كثري من فناتق بالشكل مره رافعه الشعر مره مطيحتة ، تفنني كثر ما تقدرين خلي يشوفج كل يوم شكل (بحيث كل ما يشوفج يقول يا بختي ) وحتى باللبس مره ¾ ومره دراعه ومره بجامه راقيه ومن هالسوالف … وطبعا ما أوصيج قبل الملجه لازم تكونين منقعه عند الصالونات . 5- اهتمي فيه كثر ما تقدرين سويله حلو سوي اكله معينه ، ويا حلو وقت الملجة في (رمضان) لها طعم حلوو ، والاحلى لما يمر بعدها العيد عليكم ، سويله شاي أو قهوه مثل ما يحب ، لازم تسوين هالشي بنفسج وتييبينه ، او تكونين مزهبته لما يقولج كاني ياي .. طبعا: معروف إن الأم دايما إتييب حق الأبو الشاي بعد نوم الظهر والبسكوت والحب ، وزوجج أكيد يبي نفس الشي .. 6- وفي فترة الملجة لما يزورج في بيتكم خلي يتقرب منج اكثر شلون أنا اقولج … وهم العكس صحيح … لما تروحين عندهم قوليلها يسويلج نفس الشي …. علشان انتي بعد تعرفينه وتتقربين اكثر.. 7- وفي فترة الملجة لازم تطلعون تتعشون تتمشون من هالسوالف …. حاولي مو كل مره مطاعم ومجمعات وسينما … 8- أكيد في هذه الفترة لازم تزهبون حق الشقة أو المكان اللي راح تعيشون فيه … لاء هذا رد مو ذرب كلش، بالعكس ردي عليه : حاولي تكونون متفقين بالأختيار … وحاولي إنج ما تثقلين عليه يعني على قد الميزانية … ( مو شرط كل ما كان الاثاث غالي وفخم يعني حلو … في اشياء حلوه ومناسبه بالسعر والبساطة حلوه ) 9- وبعدين لما تملجين .. طبعا أكيد ريلج بكون مسئول عنج بمصروف وجذي .. ولما تكونين طالبة أو مو موظفة .. لازم يعطيج مصروف .. بس إنج تقولين له .. يلا وين مصروفي !! والا روح ادفع مكالماتي !! يلا ودني السوق ابي اغراض !! عندي عرس ابي بدله !! بسم الله : هذا بالملجة وجذي عيل بعدين شلون !! اوكي اهوه له حق عليج ..صح .. وهذي طريقة اذا تبين تعرفين إذا اهوه بخيل وحزره : روحي السوق معاه … وإذا ما دفع وطلع من عنده .. الله يعينج .. طبعا : ما أقصد كل مره مطلعته ويشرليج لاء ..عيل شنو فايده المهر ..!! 10- وبالنهاية أقولج … سوي حفلة ملجة أحلى وايد .. وسافري شعر عسل .. وخلي عنج العرس والمصاريف … ومليون شخص يحش فيج لما تردين من سفرة على ذوقج وذوقه … ذيك الساعه سوي حفلة صغيره كأستقبال .. والحين هابين بأستقبال اتدشين مع ريلج بنفس الوقت .. أحلى من العرس قاعدة وتحاتين وحالتج حاله .. ومرتزه في مكان .. والناس كلها تطالعج .. ومباركين عرسا الاثنين ليلة ربيع وعين وقمره .. والله يتمم على الجميع والفال حق الباجي … صدقوني الله خاشلكم شي زين .. وكل خيره فيها تأخيره .. وبالتوفيج للكل .. |
موضوع حلو
<————— فرحانه اوي ياختي
احم استحي اكتب
تمنياتي لجميع بنات يتزوجون بسرعه ونفتك من سالفه العنوسه بس خلاااااااااااااااااااااااص
dkhan
تحياتي وتشكران لج
صج كويتيه .. ماهمكم الا بطونكم
<<< ماجنج كويتيه وهمج بطنج لوول
يسلمو على المرور حبيبتي
حياك الله غاليتي لطوفة
شكرا على ما كتبته عن موضوع الملجة وما يتبعها
بارك الله فيك ووفقك لما فيه الخير والصالح
ولا يحرمنا من جديدك القادم
ودمت بحفظ الله ورعايته
شرفتي الموضوع حبيبتي