انا مطلقة من سنة تقريبا، وبسبب ظروف عائلية المفروض اني اعيش ويا خالتي، بس انا الحين عايشة ويا ربيعتيه فديتها، هذي ربيعتي من ايام الطفولة، ومسويتنلي حجرة في فيلاتهم
انا وهي وااااايد فري مع بعض، نتكلم كل اللي في خاطرنا، اهي اتحبني وااااااااااااااااااايد وانا احبها اكثر.
بس ما راح اتصدقون انها اتحبني لدرجة انها ما عندها مانع ان ريلها يتزوجني. وقالت انتي احلى ضرة.
ريلها ما ينعاب ابدا، وانا الصراحة معجبة فيه. بس ما اعرف
اخاف من المستقبل اني ازعل وياها لأي سبب.
شو رايكم؟؟؟
شوروا علي فديتكن.
|
المشاركة الأصلية كتبت بواسطة رهين الدموع
طيب انتي وش عرفك بزوجها وعلى اي اساس معجبه فيه ؟
والله ياما حصلت مشاكل بين الحريم خاصة الطباين فيهم انا من رأي تحمدي ربك انك حصلتي سكن ، وتدعين لربيعتك هادي بس مو تزوجين زوجها ممكن جت عفويه او ما شابه ،، عموما الله يوفقك اختي |
ردك هنا ممنوع
حياك الله أختي سوزي
طبيعي تكون إنت وجهة نظرك هكذا لكن أولا مسألة وجودك في بيت صديقتك وهي متزوجة هذا أول غلط برأيي حتى لو كنت مرتاحة وهي ترحب بك بيت خالتك أولى بك وأفضل
أما بخصوص زواجك من زوج صديقتك أنا أشوفها غلطة كبيرة جدا تخيلي نفسك لو إنت مكانها هل ترضي أي وحدة مين ماكانت تشاركك في شريك حياتك؟ حتى لو هي طلبت منك ربما كانت مجاملة أو تعبر عن مدى محبتها لك , لكن نصيحتي لك لو تحبي صديقتك فعلا وتعزيها لا تخربي عليها زواجها وبداية إعجابك بزوجها غلط أكبر , خلي صداقتكم في كل شيء إلا إنك تشاركيها في زوجها لأن المشاكل راح تبدأ خاصة لو بدأ زوجها يفضلك عليها راح يحز في نفسها ويمكن تكرهك وتخرب حياتكم وتنهار صداقتكم.
الموضوع الأصلى من هنا: http://bayt.el-emarat.com/#83668#post1297760
يعني الحل ترجعي لبيت خالتك وتكملي صحبتك للبنت بدون ماتخربوا على نفسكم بيدكم. وفكري بالعقل بعيد عن المشاعر
والله يسهل لك أمورك وتتزوجي واحد لك يحبك إنت بدون شريكة.
|
المشاركة الأصلية كتبت بواسطة سوزي.69
بنات انا عندي مشكلة اتمنى اتشاور معاكن
انا مطلقة من سنة تقريبا، وبسبب ظروف عائلية المفروض اني اعيش ويا خالتي، بس انا الحين عايشة ويا ربيعتيه فديتها، هذي ربيعتي من ايام الطفولة، ومسويتنلي حجرة في فيلاتهم ريلها ما ينعاب ابدا، وانا الصراحة معجبة فيه. بس ما اعرف شو رايكم؟؟؟ |
لا لاتضري اليد الي ساعدتك
مستحيل يكون عرضها لك من ورا طيبة خاطر
هذا زوجها وتعرفين الوحدة منا موتها اهون من ان زوجها يتزوج عليها
انتبهي واستخيري وان شاء الله يجيك نصيب افضل
الله يساعدك في اتخاذ القرار المناسب
وربي يرزقك الزوج الصالح
حرام عليج يابنت الحلال
هذا جزا المعروف يعني
وبعدين انتى شمقعدج عند رفيجتج وهي متزوجه وين اهلج ؟؟
وشمدريج ما تكونين مضايقتها بس منحرجه تقولج
ويمكن زوجها نفسه مو ماخذ راحته ببيته
وبعدين يمكن قالت هالكلام من باب المزح وانتي اخذتيها جد
لان مستحيل وحده تخطب لزوجها مهما كانت اللى بتخطبها غاليه عليها حتى لو اختها
فكري عدل وشوفي
وتذكري ان صداقتكم راح تضيع ويمكن يطلع زوجها مو كفو تخسرين صداقتكم
وبالخير كل شي نصيب والله يوفقج على كل حال
واعذريني اذا قسيت بالكلام