| جميله الصـدفه اللي جابـتـك حـي الـهـوى والـنـور عـلـيك اجـمـل مساء مـسـيـت عـطـنـي مـنـه قـنـطـاره أحيي فـيـك ذكـرك قـبـل شـوفـك والـنـبـا مـغـمـور أنـا مـن مـات حـي لا طـعـن حـربـه ولا مـنـحــور بـغـيـت امـشـي واحـس انـه غـدا مـنـي الـقـدم مـبـتـور أنـا مـن خـانـتـه عـبـرة فـرح وإلا ضـحـك مـسـرور أشـيـل غـنـاي لك عـرضـه وأبـدل به عـلـى الـمـجـرور أبـكـتـب مـن قـصـيـد الـوزن وغـيـره مـن شـعـر مـنـثـور ألا يـاغـايـب عـنـي مـعـي حـاضـر كـمـا الـدسـتـور إلا مـن ضـقـت أسـولـف بـك عـلـى نـفـسـي وانا مقهور عـلـيـك اقـبـل ومـنـك اقـفـي ولا بـيـنـت لك مـحـظـور !!؟ وجـدك الله يـاحـسـن كـمـا الـتـحـفـه وانـا جـمـهـور ومـنـك الـعـيـن تـامـرنـي وانـا لك طـايـع مـامـور أشـوف أن الـحـسـن عـقـبـك ولـو يـذكـر غـدا مـكـبـور ألا يـابـو عـيـون حـق.. وبـعـض الوصـف خـرس حـور بـقـى قـصـرك عـلـى فـالك عـسـاه بـطـلـتـك مـعـمـور بـريـح الـمـسـك والـعـنـبـر يـخـالـطـهـم زراق بـخـور عـلـى هـالـبـوح والـتـلـمـيـح راس الـمـال صـدق شـعـور أنـا بـسـألك تـعـذرني عـسـاي بـطـلـبـتـي مـعـذور أبـارسـل لك مـع الـنـسـمـه سـلام الـخـافـق الـمـكـسـور ذكـرت الـيـوم والـسـاعـه ورحـلـة عـمـر يـامـسـتـور أعـرف اني مـنـاب أول ولا آخـر واحــد مـأســــور ألا يـالـيـت لـي قـلـب يـطـيـع الـراي وأهـل الـشـور مـقـاعـدنـا بـآخـر صـف ومـقـعـد سـيـدي مـشـغــور أشـوفـه كـل هـالـفـتـنـه ثـقـل عـقـل وسـلوك إطـهـور واشـوفـه ديـمـة تـحـمـي نـبـات الارض بـالـمـمـطـــور ذهـلـنـي مـبـرم الـعـاتـق وشـلال الـشـعـر مـوفـور وقـد اطرق هـايـف رشـيــــق وخـاصـر مـضـمــــور أغـنـي واغـتـنـي بـذكـره ولا أطـمـع كـود بـالـمـيـسـور أعـرف الـنـفـس تـواقـه واعـرف انـي مـنـا مـسـحــور أنـا واللـيـل والـهـاجـس قـطـعـنـا بـالـخـيـال بـحـــور |
||
من كلمات الشاعر خالد عبدالرحمن ( مخاوي الليل )
قصيده تحمل ثلاثين بيت وراح تصدر بشكل البوم رسمي لوحدها من الحان خالد عبدالرحمن وجه بشكل موسيقى ووجه ع العود فقط اذا مااضيفة الايقاعات وراح تكون بشكل لايف .. خالد راح يعيد تجربة آهات الرائعه بهذي القصيده ..
أخوكم
تقوى الهجر
قصيدة رائعة واكثر من رائعة
تحياتي لذوقك الراقي وجمال الانتقاء
صح لسان شاعرها خالد عبد الرحمن
وسلمت يمناك التي نقلت تلك الرائعة
دمت متألق ومبدع
خالص الود والتقدير
فعلا قصيده بمنتهى الروعه
وعلى فكره راح تكون في شريط خالد القادم
وانا عندي رابط للقصيده هذي مغناه بس مش بصوت خالد
لا بصوت فتاه سعوديه ابصرااااااااحه كثير روعه ها القصيد
تسلم يمينك يا تقوى الهجر على النقل وصح لسانك يا مخاوي الليل
يعطيك العافيه
مع محبتي
بدر الخبر
تحياتي لك واحترامي
اخوك
تقوى الهجر
وربي يعافيك ع المرور
وتحياتي لك
ولخالد
اخوك
تقوى الهجر