& المــــــــوت & 2024.

صمتك يناجيني وهـم الهوى دوم=هم الغريب اللي هـوى له غريبه
يامن خذيت القلب خذني معك يوم=خذني على شوق ****** لحبيبه
طيفك يراودني مـع سكرة النوم=مارتحت في نومي وحالي كئيبه
ضامي حنانك منك ياقلب محروم=من صابني بالحـب ربي يصيبه
شليت فكري والهوى صار محتوم=مثل القدر لاجـاك ماحـد ٍ ينيبه
ماكنت احسب الحب لازم وملزوم=الين شفت القلب يبكي بريبه
يالايمي مافـادك الكثر باللوم=حب ٍ توقد فـي المحاني لهيبه
الموضوع الأصلى من هنا: http://bayt.el-emarat.com/#12484#post99889
من عقب ماكان الهوى ميت ٍ يوم=أحييت قلب ٍ ميت ٍ فـي نحيبه
ياموت قبل الموت لاصرت مهمـوم=مثل الحياه الموت ربـي حسيبه
الحب ماهـو سلعة ٍ جالها سـوم=الحـب نبـض ارواحنا يالغريبه
انته ولاغيرك على القلب ملزوم=مثل العمر لارحت عمري شبي به
انتي القمر والناس دونك نوى نجوم=يالموت حي الموت منك اهتنيبه
مسكين ياقلب ٍ مـن العشـق مضلوم=يبكي مـوادع صاحب ٍ مادري به
من عقب ماكنت الحكم صرت محكوم=الله يعين القلب توهتني به
عمرك سمعت بواحد ٍ حي مسمـوم؟=انـا سميـم الحـب وانتـي طبيبه
يامن هواها قطع القلب بسهوم=سهم ٍ خطا قلبي وسهم ٍ يصيبه
شيدت قلب ٍ بالهوى كان مهدوم=ركزت سيسان الهوى فـي قليبه