مساكم الله بالخير
هذه قصه وقصيده تعتبر من روائع النساء
وهي قصه هـيـا بـنت عـيادة الـحربي رحمهاالله
عندما حاولو اهلها منعها من زوجها لان كرمه فاحش ويبتها القوى دايم كل ماجه شي هب هب ريحه وريح جماعته
وكان الرجال في السابق يمدح اذا كان اكثر طبخه قهوته هيل لانه كان غالي واكثرهم يبهرها بالمسامر الي هو عود القرنفل واذا انطنخ حط شي قليل الهيل مع العود المهم اهلها اصرو على ان يطلقها فرفظت
قالو هذا ما تجي الا بالقوه اذا زارتنا نبي نمسكها عندنا غصب يمكن انه يطيب خاطرها منها راحو للرجال بعد ماخلوها عندهم قالو طلقها قال والله انا ماني مطلقها الا اذا هي طلبت مني
المهم قالو معليه مع الوقت تبي ترضى بالامر الواقع وتزهد من رجالها جلست عندهم حوال الشهر وتردت حالها لانها حنت لزوجها جاء ضيوف لاهل هيا وهي تقوم امها قالت يابنتي قومي تزني وانتي حالك كذا ورموشك شهب قالت والله ماتزين وانتم طاردني عن رجالي لي شهر قالت طيب يابتني بس اوجي الميل بعينك يروح الشهاب الي برموشك من الغبار وكذا بس تبغها توجي الميل يعني تكحل فقالت هذه الابيات الجميله
الموضوع الأصلى من هنا: http://bayt.el-emarat.com/#45802#post557958
عليك ياللي طبخته نصفها هيل = اللي سعى بالطيب من غير قوّه
المال ما طيّب عفون الرجاجيل = والـقل مـا يقصر براع المروّه
يا عنك ما حس الرفاقة ولا قيل = ذا مـغـثي ٍ مـا ينزل حول جوّه
لـه عـادة ٍ يـنطح وجـيه المقابـيل = هـذي فـعـوله بـالمراجل تـفوّه
أجواد نسل أجواد جيل ٍ ورا جـيل = الـطيب فـيهم مـن قـديـم ٍ وتـوّه
بعد هالقصيده قالو اهلها ماش مافيها طب ورجعت لزوجها
اتمنى انها اعجبتكم وصارت لكم مقياس ونبراس
تحياتي لكم
دمتم بالف خير
ابو مهند
عسى ما انحرم من قصصك وقصائدك الجميل بل الرائعة
صح لسانك وبدنك
بصراحة مواضيعك مره تعجبني
دمت بحب وسعاده
حياك الله
الجميل في مواضيعي مرورك العطر لاهنتي
الشكر كل الشكر على تواصلك الدائم تسلم يديك
تحياتي لك
دمتي بالف خير
ابو مهند
مالهم داعي يفرقون رجل عن مرتـــه
تسلم يا ابو مهنـــد على القصــه
ولاهنت يالذيب
حياك الله
اي والله ماهم خافني رجال الشجاعه ** ودي بهم لاكن المناعير صلفين
الله لايهنك ويعلي مقامك تسلم يديك يالغالي على مرورك الارئع
تحياتي لك
دمت بالف خير
ابو مهند