الليلة هذي واضحة ليلة فراق‎ // 2024.

ظروف ما تنطاق ولا راح تنطاق=صد القدر ماهو بصدك وصدي

تعال خذني بين أياديك مشتاق=قبل انتفارق حط يدك بيدي

بجلس معك ساعة حبايب وعشاق=من بعدها كيفك ولو صرت ضدي

فيني خليط اشواق بأشواق باشواق=واصل معك من كثرة الشوق حدي

ودي المك واحضنك حضنة اعناق=ياشيب عيني كل ما قلت ودي

في خاطري وش خاطري خاطري ضاق=الكون كله ضاق ماهو بقدي

حتى الدموع الي استحت كبر وأخلاق=تساقطت من فوق خدك وخدي

لوحة شعر تبكي على بيض الأوراق=بيحت فيها من ردى الحظ سدي

ليلة جفا وافراق ما مثله افراق=حاولت أعديها وعيت تعدي

للشاعر //ناصر شبيب

تقبلوا اصدق تحياتي //هاجوس الظلام

اقتباس:

المشاركة الأصلية كتبت بواسطة ساهر الوديان هاجوس الظلام صح الله لسانك يا خووي قصيده جزاله يا جزل وهذا ما يدل لا على ذووقك وهذه الابيات مره اعجبتني في عبارتها فيني خليط اشواق بأشواق باشواق=واصل معك من كثرة الشوق حدي ودي المك واحضنك حضنة اعناق=ياشيب عيني كل ما قلت ودي في خاطري وش خاطري خاطري ضاق=الكون كله ضاق ماهو بقدي حتى الدموع الي استحت كبر وأخلاق=تساقطت من فوق خدك وخدي والله يعطيك العافيه والله لا يحرمنا منك ولا من جديدك تحياتي لك : ساهر الوديان

مشكور اخوي ولا خلا ولا عدم منك ومن ردودكـ تقبل كامل ودي واحترامي

في انتظار جديدك