الغزال الشرود 2024.

كل ماهبهب الغربي من عصير نود=أتذكر حبيبي خاطري ما سلا
بس بعض التذكر والله مافيه فود=شوف صدري من أسبابه هموم أمتلا
لا تكبر علينا يا الزمان الجحود=من يصافحك قل له مرحبا ياهلا
ما جفيناك حنا وافيين العهود=وكان قلنا نعم ما بعدها نقول لا
الموضوع الأصلى من هنا: http://bayt.el-emarat.com/#55322#post749171
حافظين الوصايه مـن زمان الجدود=علـٌمونا علوم الطيب والمرجلا
وأنت يا من بطيبك كل لحظه تزود=يرفع الله شانك والمقام أعتلا
بس أنا ما أعتبرها منك هجر وصدود=أعتبرها تغلي والتغلي غلا
يا ظبي الصحارى في محير النفود=كل ما شافت القناص جاها بلا
تنزل العرق مره ثم ترقا سنود=من يحاول يقربها يلاقي الخلا
أحلى الأصوات صوتك يا الغزال الشرود=وأحلى الأجسام جسمك وأنت الحلا
يا ماشاء الله عليهم فيك طوله وزود=وماهي والله غريبه طولتك ليش لا
أحلى ما شافت عيوني بهذا الوجود=بين كل الشعوب وبين كل الملا
هو هذا القمر وإلا بياض الخدود ؟=مدري خدودها وإلا القمر وإلا لا ؟
يالله أنك تكافيها عيون الحسود=من عيون الحسود ومن عيون أجهلا
والله أحبها حبن بليا حدود=وسبحانه اللي عطاني حبها والغلا
نذر ٍ ليبقى الحب متربع ٍ في ذيك العنود=جعلني ما أعدمها جعلني ماخلا